സെ​ന​റ്റി​ല്‍ ച​ര്‍ച്ച​ക​ള്‍ക്ക് ചൂ​ടേ​കി​യ​ത് വി​ദ്യാ​ര്‍ഥി പ്ര​തി​നി​ധി​ക​ള്‍; ലീ​ഗി​നെ പി​ന്തു​ണ​ക്കാ​തെ കോ​ണ്‍ഗ്ര​സ്

തേ​ഞ്ഞി​പ്പ​ലം: കാ​ലി​ക്ക​റ്റ് സ​ര്‍വ​ക​ലാ​ശാ​ല സെ​ന​റ്റി​ല്‍ ച​ര്‍ച്ച​ക​ള്‍ക്ക് ചൂ​ടേ​കി​യ​ത് വി​ദ്യാ​ര്‍ഥി പ്ര​തി​നി​ധി​ക​ള്‍. നാ​ല് വ​ര്‍ഷ ബി​രു​ദം, കോ​ള​ജു​ക​ളി​ലെ സീ​റ്റ് ഒ​ഴി​വ്, ഓ​ഡി​റ്റ് റി​പ്പോ​ര്‍ട്ട് തു​ട​ങ്ങി​യ വി​ഷ​യ​ങ്ങ​ളി​ല്‍ സ​ഭ​യെ ച​ടു​ല​മാ​ക്കി​യ​ത് വി​ദ്യാ​ര്‍ഥി പ്ര​തി​നി​ധി​ക​ളാ​ണ്. എം.​എ​സ്.​എ​ഫ് സം​സ്ഥാ​ന നേ​താ​ക്ക​ളാ​യ കെ.​പി. അ​മീ​ന്‍ റാ​ഷി​ദ്, റ​ഹീ​സ് ആ​ലു​ങ്ങ​ല്‍, റു​മൈ​സ റ​ഫീ​ഖ് തു​ട​ങ്ങി​യ​വ​രും എ​സ്.​എ​ഫ്.​ഐ പ്ര​തി​നി​ധി​ക​ളാ​യ സി.​എ​ച്ച്. അ​മ​ല്‍, ടി. ​സ്‌​നേ​ഹ, എം.​എം. സി​യാ​ന തു​ട​ങ്ങി​യ​വ​രു​മാ​ണ് ച​ര്‍ച്ച​ക​ളെ സ​ജീ​വ​മാ​ക്കി​യ​ത്. വി​സി​യെ​യും സി​ന്‍ഡി​ക്കേ​റ്റി​നെയും പ്ര​തി​രോ​ധ​ത്തി​ലാ​ക്കാ​ന്‍ എം.​എ​സ്.​എ​ഫി​നെ പോ​രാ​ളി​ക​ളാ​ക്കി നീ​ക്കി​യ ക​രു​ക്ക​ള്‍ക്കെ​തി​രെ എ​സ്.​എ​ഫ്.​ഐ​ക്കൊ​പ്പം ഭ​ര​ണ​പ​ക്ഷ പ്ര​തി​നി​ധി​ക​ളും പ്ര​തി​രോ​ധം തീ​ര്‍ത്ത​തോ​ടെ​യാ​ണ് സ​ഭ പ്ര​ക്ഷു​ബ്ദ​മാ​യ​ത്. പ​ല വി​ഷ​യ​ങ്ങ​ളി​ലും അ​ര​മ​ണി​ക്കൂ​റി​ല​ധി​കം ച​ര്‍ച്ച നീ​ണ്ട​തും ഇ​രു​പ​ക്ഷ​ത്തു​മു​ള്ള വാ​ദ​പ്ര​തി​വാ​ദ​ങ്ങ​ളാ​ണ് കാ​ര​ണ​മാ​യ​ത്. സെ​ന​റ്റി​ലെ വി​ദ്യാ​ര്‍ഥി പ്ര​തി​നി​ധി​ക​ളു​ടെ അ​പ​ക്വ​മാ​യ പ്ര​തി​ക​ര​ണ​ങ്ങ​ളെ പ​ര​സ്യ​മാ​യി സ​ഭ​യി​ല്‍ പ​രാ​മ​ര്‍ശി​ച്ച വി​സി നി​ര​ന്ത​രം ചോ​ദ്യ​ങ്ങ​ള്‍ ഉ​ന്ന​യി​ക്കു​ക​യും പ്ര​തി​ക​രി​ക്കു​ക​യും ചെ​യ്ത മു​ന്‍ സി​ന്‍ഡി​ക്കേ​റ്റ് അം​ഗം ഡോ. ​ആ​ബി​ദാ ഫാ​റൂ​ഖി​യോ​ട് സ​ഭ​യി​ല്‍നി​ന്ന് പു​റ​ത്ത് പോ​കേ​ണ്ടി വ​രു​മെ​ന്ന് ഒ​രു​ഘ​ട്ട​ത്തി​ല്‍ തു​റ​ന്ന് പ​റ​ഞ്ഞു. ജി​ല്ല പ​ഞ്ചാ​യ​ത്ത് അം​ഗ​മാ​യ വി.​കെ.​എം ഷാ​ഫി, മു​ന്‍ സി​ന്‍ഡി​ക്കേ​റ്റ് അം​ഗം ഡോ. ​റ​ഷീ​ദ് അ​ഹ​മ്മ​ദ് എ​ന്നി​വ​രാ​യി​രു​ന്നു സെ​ന​റ്റി​ല്‍ പ്ര​തി​പ​ക്ഷ​ത്തെ ന​യി​ച്ച​ത്.

കോ​ണ്‍ഗ്ര​സ് പ്ര​തി​നി​ധി​യാ​യി വ​ര്‍ഷ​ങ്ങ​ളു​ടെ പാ​ര​മ്പ​ര്യ​മു​ള്ള സെ​ന​റ്റം​ഗം അ​ഡ്വ. എ​ന്‍ രാ​ജ​ന്‍ ഭ​ര​ണ​പ​ക്ഷ​ത്തെ ക​ട​ന്നാ​ക്ര​മി​ക്കാ​ന്‍ കി​ട്ടി​യ അ​വ​സ​ര​ങ്ങ​ളി​ല്‍ മി​ത​ത്വം പാ​ലി​ക്കു​ക​യും കാ​ലാ​വ​ധി പൂ​ര്‍ത്തീ​ക​രി​ക്കാ​ന്‍ പോ​കു​ന്ന വി​സി​ക്ക് യാ​ത്ര​യ​യ​പ്പ് ന​ല്‍കാ​ന്‍ ഭ​ര​ണ​പ​ക്ഷ​ത്തോ​ട് നി​ര്‍ദേ​ശി​ക്കു​ക​യും ചെ​യ്യു​ക​യാ​യി​രു​ന്നു.

കോ​ണ്‍ഗ്ര​സ് സെ​ന​റ്റം​ഗം ഡോ. ​മ​ധു പൊ​തു​വെ ശ​ക്ത​മാ​യി സെ​ന​റ്റി​ല്‍ നി​ല​പാ​ട് വ്യ​ക്ത​മാ​ക്കാ​റു​ണ്ടെ​ങ്കി​ലും ഇ​ത്ത​വ​ണ മൗ​നം പാ​ലി​ച്ചു. മാ​ത്ര​മ​ല്ല എം.​എ​സ്.​എ​ഫ് പ്ര​തി​നി​ധി​ക​ളു​ടെ പ്ര​തി​ക​ര​ണ​ങ്ങ​ളെ പ​രോ​ക്ഷ​മാ​യി ത​ള്ളി​പ്പറ​യു​ക​യും ചെ​യ്തു. ഇ​തി​നെ​ല്ലാം കാ​ര​ണം യു.​ഡി.​എ​ഫി​ലെ പ​ട​ല​പി​ണ​ക്ക​ങ്ങ​ളാ​ണെ​ന്നാ​ണ് ഇ​ട​തു​പ​ക്ഷ സം​ഘ​ട​ന അം​ഗ​ങ്ങ​ളു​ടെ പ്ര​തി​ക​ര​ണം. ജൂ​ണ്‍ 13നാ​ണ് വി​ദ്യാ​ർ​ഥി പ്ര​തി​നി​ധി​ക​ളു​ടെ സെ​ന​റ്റ അം​ഗ​ത്വം അ​വ​സാ​നി​ക്കു​ന്ന​ത്. ഇ​തു​കൂ​ടി​യാ​ണ് പ്ര​തി​ക​ര​ണ​ങ്ങ​ള്‍ക്ക് മൂ​ര്‍ച്ച കൂ​ടാ​ന്‍ കാ​ര​ണം. മു​ന്‍കൂ​ട്ടി ന​ല്‍കി​യ 77 പ്ര​മേ​യ​ങ്ങ​ളാ​ണ് സെ​ന​റ്റ് പ​രി​ഗ​ണി​ച്ച​ത്. ഇ​തി​ല്‍ 17 പ്ര​മേ​യ​ങ്ങ​ളി​ലാ​ണ് ച​ര്‍ച്ച​യു​ണ്ടാ​യ​ത്.