ചങ്ങരംകുളത്ത് മൂന്നു കാറുകൾ കൂട്ടിയിടിച്ചു; യാത്രക്കാർ അദ്​ഭുതകരമായി രക്ഷപ്പെട്ടു

ചങ്ങരംകുളം: കാറിലിടിച്ച് നിയന്ത്രണംവിട്ട കാര്‍ മറ്റൊരു കാറിന് മുകളിലേക്ക് മറിഞ്ഞ് യാത്രക്കാര്‍ അദ്​ഭുതകരമായി രക്ഷപ്പെട്ടു.

കുറ്റിപ്പുറം-തൃശൂര്‍ സംസ്ഥാന പാതയില്‍ ചങ്ങരംകുളം ചിയ്യാനൂര്‍ പാടത്ത് മാര്‍സ് തി​േയറ്ററിന് മുന്‍വശത്തെ ഹമ്പിന് സമീപം ചൊവ്വാഴ്ച ഉച്ചക്ക് 12ഓടെയാണ്​ കാറുകൾ കൂട്ടിയിടിച്ചത്.

കൊല്ലത്തുനിന്ന് മാണൂരിലെ സ്വകാര്യ കോളജിലേക്ക് വന്ന വിദ്യാർഥികള്‍ സഞ്ചരിച്ച കാര്‍ ഹമ്പ്​ കണ്ട്​ ബ്രേക്കിട്ടതോടെ തൊട്ടുമുന്നില്‍ എറണാകുളത്തുനിന്ന് കോഴിക്കോട് പോയിരുന്ന കാറിലിടിച്ച് മലപ്പുറത്തുനിന്ന് തൃശൂരിലേക്ക് പോയിരുന്ന കാറിന് മുകളിലേക്ക് മറിയുകയായിരുന്നു.

അപകടത്തില്‍ കാറുകള്‍ ഭാഗികമായി തകര്‍ന്നെങ്കിലും യാത്രക്കാര്‍ അദ്​ഭുതകരമായി രക്ഷപ്പെട്ടു. ചങ്ങരംകുളം പൊലീസെത്തി മേല്‍നടപടികള്‍ സ്വീകരിച്ചു.