ഞെ​ളി​യ​ൻ​പ​റ​മ്പി​ൽ​നി​ന്ന് ഇ​നി ഗ്യാ​സും വ​ള​വും

കോ​ഴി​ക്കോ​ട്: ജൈ​വ​മാ​ലി​ന്യ​ങ്ങ​ൾ സു​ര​ക്ഷി​ത​മാ​യി സം​സ്ക​രി​ക്കു​ന്ന​തി​നൊ​പ്പം പു​തി​യ ഊ​ർ​ജ സ്രോ​ത​സ്സു​ക​ളി​ലേ​ക്കും ജൈ​വ​കൃ​ഷി സം​സ്കാ​ര​ത്തി​ലേ​ക്കും ന​ഗ​ര​ത്തെ ന​യി​ക്കാ​ൻ ഞെ​ളി​യ​ൻ​പ​റ​മ്പി​ൽ നി​ർ​ദി​ഷ്ട കം​​പ്ര​​സ്ഡ് ബ​​യോ​​ഗ്യാ​​സ് പ്ലാ​​ന്റ് പ്രോ​ജ​ക്ട്. ദി​നം​പ്ര​തി 150-180 ട​​ൺ ജൈ​​വ​​മാ​​ലി​​ന്യം സം​സ്ക​രി​ക്കാ​ൻ ശേ​ഷി​യു​ള്ള പ്ലാ​ന്‍റി​ൽ​നി​ന്ന് 5-6 ട​ൺ ബ​യോ​ഗ്യ​സും 20-25 ട​ൺ​വ​രെ ജൈ​വ​വ​ള​വും ഉ​ൽ​പാ​ദി​പ്പി​ക്കാ​ൻ ക​ഴി​യു​മെ​ന്നാ​ണ് ക​മ്പ​നി​യു​ടെ അ​വ​കാ​ശ​വാ​ദം. വ്യാ​ഴാ​ഴ്ച ചേ​ർ​ന്ന പ്ര​ത്യേ​ക കൗ​ൺ​സി​ലി​ൽ ക​മ്പ​നി പ്രോ​ജ​ക്ട് ജ​ന​റ​ൽ മാ​നേ​ജ​ർ ആ​ർ. ശ​ശി പ്ര​കാ​ശാ​ണ് പ​ദ്ധ​തി വി​ശ​ദീ​ക​രി​ച്ച​ത്.

ഞെ​​ളി​​യ​​ൻ​പ​​റ​​മ്പി​ൽ കോ​ർ​പ​റേ​ഷ​നി​ലെ ജൈ​വ മാ​ലി​ന്യ​സം​സ്ക​ര​ണ​ത്തി​ന് ​കം​​പ്ര​​സ്ഡ് ബ​​യോ​​ഗ്യാ​​സ് പ്ലാ​​ന്റ് പ​ണി​യാ​ൻ ഭാ​​ര​​ത് പെ​​ട്രോ​​ളി​​യം കോ​​ർ​​പ​​റേ​​ഷ​​നു​മാ​യി (ബി.​പി.​സി.​എ​ൽ) കോ​ർ​പ​റേ​ഷ​ൻ നേ​ര​ത്തേ ധാ​ര​ണ​യി​ലെ​ത്തു​ക​യും കൗ​ൺ​സി​ൽ അം​ഗീ​കാ​രം ന​ൽ​കു​ക​യും ചെ​യ്തി​രു​ന്നു.

ചെ​ല​വ് 99 കോ​ടി

കോ​ർ​പ​റേ​ഷ​ൻ സ്ഥ​ലം കൈ​മാ​റു​ക​യും മ​റ്റു സാ​ങ്കേ​തി​ക അ​നു​മ​തി​ക​ളും ല​ഭി​ച്ചാ​ൽ 24 മാ​സ​ത്തി​ന​കം പ്ര​വൃ​ത്തി പൂ​ർ​ത്തീ​ക​രി​ച്ച് പ്ലാ​ന്‍റ് പ്ര​വ​ർ​ത്ത​നം ആ​രം​ഭി​ക്കു​മെ​ന്ന് പ്രോ​ജ​ക്ട് മാ​നേ​ജ​ർ അ​റി​യി​ച്ചു. ഞെ​ളി​യ​ൻ​പ​റ​മ്പി​ൽ കോ​ർ​പ​റേ​ഷ​ന് 17 ഏ​ക്ക​ർ സ്ഥ​ല​മാ​ണു​ള്ള​ത്. ഇ​തി​ൽ ഏ​ഴേ​ക്ക​ർ സ്ഥ​ല​മാ​ണ് ബി.​പി.​സി.​എ​ല്ലി​ന് പ്ലാ​ന്‍റ് നി​ർ​മാ​ണ​ത്തി​നാ​യി ലീ​സി​ന് കൈ​മാ​റു​ക.

ഈ ​ഭൂ​മി കൈ​മാ​റാ​ൻ കൗ​ൺ​സി​ൽ നേ​ര​ത്തേ തീ​രു​മാ​ന​മെ​ടു​ത്തി​രു​ന്നു. ഈ ​സ്ഥ​ല​ത്തെ മാ​ലി​ന്യം കോ​ർ​പ​റേ​ഷ​ൻ നീ​ക്ക​ണം. 99 കോ​ടി രൂ​പ ചെ​ല​വി​ലാ​ണ് പ​ദ്ധ​തി ന​ട​പ്പാ​ക്കു​ക. ഇ​ത് പൂ​ർ​ണ​മാ​യും ബി.​പി.​സി.​എ​ൽ വ​ക​യി​രു​ത്തും. 25 വ​ർ​ഷ​ത്തേ​ക്കാ​ണ് ക​മ്പ​നി കോ​ർ​പ​റേ​ഷ​നു​മാ​യി ധാ​ര​ണ​യി​ലെ​ത്തി​ത്.