കോവിഡ്​ മരണം: മലപ്പുറം ജില്ലയിലും എണ്ണത്തിൽ പൊരുത്തക്കേട്​

മ​ല​പ്പു​റം: കോ​വി​ഡ്​ ബാ​ധി​ച്ച്​ ജി​ല്ല​യി​ൽ മ​രി​ച്ച​വ​രു​ടെ എ​ണ്ണ​ത്തി​ൽ പൊ​രു​ത്ത​ക്കേ​ട്. സ​ർ​ക്കാ​ർ-​സ്വ​കാ​ര്യ ആ​ശു​പ​ത്രി​ക​ളി​ൽ റി​പ്പോ​ർ​ട്ട്​ ചെ​യ്യു​ന്ന മ​ര​ണ​ങ്ങ​ളി​ലാ​ണ്​ അ​ന്ത​രം പ്ര​ക​ട​മാ​കു​ന്ന​ത്​. ജൂ​ൺ 17നു​ശേ​ഷം കോ​വി​ഡ്​ ബാ​ധി​ച്ച്​ മ​രി​ക്കു​ന്ന​വ​രു​ടെ എ​ണ്ണം റി​പ്പോ​ർ​ട്ട്​ ചെ​യ്യു​ന്ന​ത്​ ജി​ല്ല ആ​രോ​ഗ്യ​വ​കു​പ്പ്​ അ​ധി​കൃ​ത​രാ​ണ്​. അ​തി​നു​മു​മ്പ്​ സ​ർ​ക്കാ​ർ-​സ്വ​കാ​ര്യ ആ​ശു​പ​ത്രി​ക​ൾ നേ​രി​ട്ട്​ വെ​ബ്സൈ​റ്റ്​ വ​ഴി മ​ര​ണം റി​പ്പോ​ർ​ട്ട്​ ചെ​യ്യു​ക​യാ​യി​രു​ന്നു.

ഇ​വ കോ​വി​ഡ് അ​ല്ലെ​ങ്കി​ൽ കോ​വി​ഡ്​ ര​ഹി​ത​മ​ര​ണ​മാ​യി സം​സ്ഥാ​ന ആ​രോ​ഗ്യ​വ​കു​പ്പാ​യി​രു​ന്നു​ സ്ഥി​രീ​ക​രി​ച്ചി​രു​ന്ന​ത്. ജൂ​ൺ 17വ​രെ ആ​കെ 1046 മ​ര​ണ​ങ്ങ​ളാ​ണ്​ ജി​ല്ല​യി​ൽ റി​പ്പോ​ർ​ട്ട്​ ചെ​യ്​​ത​ത്​. ജൂ​ൺ 17 മു​ത​ൽ ജൂ​ൈ​ല​ മൂ​ന്നു​വ​രെ 177 മ​ര​ണ​ങ്ങ​ൾ ജി​ല്ല ആ​രോ​ഗ്യ വ​കു​പ്പ്​ സ്ഥി​രീ​ക​രി​ച്ചി​ട്ടു​ണ്ട്. ജി​ല്ല​യി​ൽ മൊ​ത്തം 1,223 മ​ര​ണ​ങ്ങ​ൾ റി​പ്പോ​ർ​ട്ട്​ ചെ​യ്​​ത​തി​നു​പ​ക​രം 1211 പേ​രു​ടെ മ​ര​ണ​ങ്ങ​ളാ​ണ്​ സം​സ്ഥാ​ന ആ​രോ​ഗ്യ​വ​കു​പ്പി​െൻറ വെ​ബ്​​സൈ​റ്റി​ൽ പ​റ​യു​ന്ന​ത്​​. മ​റ്റു ജി​ല്ല​ക​ളി​ൽ മ​രി​ക്കു​ന്ന മ​ല​പ്പു​റം ജി​ല്ല​ക്കാ​രു​ടെ എ​ണ്ണ​വും ഇ​തി​ൽ ഉ​ൾ​പ്പെ​ടും. മ​റ്റൊ​രു അ​ന്ത​രം വ​രു​ന്ന​ത്​ ത​ദ്ദേ​ശ സ്ഥാ​പ​ന​ങ്ങ​ളു​ടെ ക​ണ​ക്കു​ക​ളി​ലാ​ണ്. 12 ന​ഗ​ര​സ​ഭ​ക​ളി​ലും 94 പ​ഞ്ചാ​യ​ത്തു​ക​ളി​ലും ജൂ​ൈ​ല​ മൂ​ന്നു​വ​രെ 2758 മ​ര​ണ​ങ്ങ​ളും റി​പ്പോ​ർ​ട്ട്​ ചെ​യ്​​തി​ട്ടു​ണ്ട്. ​

കോ​വി​ഡ്​ രോ​ഗി മ​രി​ച്ച ആ​ശു​പ​ത്രി​യി​ൽ​നി​ന്ന്​ നേ​രി​ട്ട്​ വി​വ​ര​ങ്ങ​ൾ സം​സ്ഥാ​ന ആ​രോ​ഗ്യ​വ​കു​പ്പ്​ അ​ധി​കൃ​ത​ർ​ക്ക്​ അ​യ​ച്ച​തി​നാ​ലാ​യി​രു​ന്നു അ​വ്യ​ക്ത​ത​ക്കും പൊ​രു​ത്ത​ക്കേ​ടി​നും പ്ര​ധാ​ന​കാ​ര​ണം. കോ​വി​ഡ്​ ചി​കി​ത്സ​യി​ൽ ഇ​രി​ക്കെ പോ​സി​റ്റി​വ്​ ആ​ണെ​ങ്കി​ലും മ​റ്റു​അ​സു​ഖ​ങ്ങ​ൾ കാ​ര​ണം മ​രി​ച്ചാ​ൽ നേ​ര​ത്തേ​യു​ള്ള മാ​ന​ദ​ണ്ഡ​പ്ര​കാ​രം കോ​വി​ഡ്​ മൂ​ലം മ​രി​ച്ച​വ​രു​ടെ പ​ട്ടി​ക​യി​ൽ ഉ​​ൾ​പ്പെ​ടു​ത്തി​യി​രു​ന്നി​ല്ല. ഇ​തും ക​ണ​ക്കു​ക​ളി​ലെ വ്യ​ത്യാ​സ​ത്തി​ന്​ കാ​ര​ണ​മാ​യി.

കോ​വി​ഡ്​ ബാ​ധി​ച്ച്​ മ​രി​ച്ച​വ​ർ​ക്ക്​ സാ​മ്പ​ത്തി​ക സ​ഹാ​യം ന​ൽ​ക​ണ​മെ​ന്ന്​ സു​പ്രീം​കോ​ട​തി വി​ധി​ച്ച​തേ​ാ​ടെ ആ​നു​കൂ​ല്യം ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ്​ ജ​നം. കോ​വി​ഡ്​ മ​രി​ച്ച​താ​ണെ​ന്ന ഗ​ണ​ത്തി​ൽ ഉ​ൾ​പ്പെ​ടു​ത്തു​ന്ന​തി​ന്​ ബ​ന്ധു​ക്ക​ൾ​ക്കും താ​ൽ​​പ​ര്യ​മു​ണ്ടാ​യി​രു​ന്നി​ല്ല.

ന​ഷ്​​ട​പ​രി​ഹാ​രം കി​ട്ടു​മെ​ന്ന സാ​ഹ​ച​ര്യ​മു​ണ്ടാ​യ​പ്പോ​ഴാ​ണ്​ കോ​വി​ഡ്​ മ​ര​ണം സം​ബ​ന്ധി​ച്ച പൊ​രു​ത്ത​ക്കേ​ടു​ക​ൾ ച​ർ​ച്ച​യാ​യ​ത്. മു​മ്പ്​ കോ​വി​ഡ്​ ബാ​ധി​ച്ച്​ മ​രി​ച്ചാ​ൽ അ​ത്​ മ​റ​ച്ചു​വെ​ക്കാ​ൻ ശ്ര​മി​ച്ച​വ​രും ആ​നു​കൂ​ല്യം ല​ഭി​ക്കു​ന്ന​തി​നു​ള്ള ശ്ര​മ​ത്തി​ലാ​ണ്. ഭ​യം, നാ​ട്ടു​കാ​രു​ടെ​യും അ​യ​ൽ​വാ​സി​ക​ളു​ടെ​യും പ്ര​ശ്​​നം, കോ​വി​ഡ്​ പ്രോ​​ട്ടോ​കോ​ൾ പാ​ലി​ച്ചു​ള്ള സം​സ്​​കാ​രം എ​ന്നി​വ കാ​ര​ണം കോ​വി​ഡ്​ പോ​സി​റ്റി​വ്​ ആ​യ​വ​ർ പോ​ലും നെ​ഗ​റ്റി​വ്​ ആ​ക്കാ​ൻ അ​ധി​കൃ​ത​രി​ൽ സ​മ്മ​ർ​ദം ചെ​ലു​ത്തി​യി​രു​ന്നു. കോ​വി​ഡ്​ മ​ര​ണം സാ​ധാ​ര​ണ മ​ര​ണ​മാ​ക്കാ​ൻ ഒ​രു താ​ൽ​​പ​ര്യ​വു​മി​ല്ലെ​ന്ന്​ ഡി.​എം.​ഒ ഡോ. ​കെ. സ​ക്കീ​ന പ​റ​ഞ്ഞു. പ​ര​മാ​വ​ധി റി​പ്പോ​ർ​ട്ട്​ ചെ​യ്യാ​നാ​ണ്​​നോ​ക്കി​യി​ട്ടു​ള്ള​ത്. എ​ല്ലാ ദി​വ​സ​വും ഉ​ച്ച​ക്ക്​ ഒ​ന്നി​ന്​ മു​മ്പ്​ മ​ര​ണ​ങ്ങ​ൾ റി​പ്പോ​ർ​ട്ട്​ ചെ​യ്യു​ന്നു​ണ്ടെ​ന്നും ഡി.​എം.​ഒ പ​റ​ഞ്ഞു.