എ​സ്.​ഐ​യു​ടെ മു​ങ്ങിമ​ര​ണം: വി​റ​ങ്ങ​ലി​ച്ച് ക​രി​ങ്ങ​നാ​ട്

പ​ട്ടാ​മ്പി: പു​ലാ​മ​ന്തോ​ൾ പു​ഴ​യി​ൽ എ​സ്.​ഐ​യു​ടെ ജീ​വ​ൻ പൊ​ലി​ഞ്ഞ വാ​ർ​ത്ത ഞെ​ട്ട​ലോ​ടെ​യാ​ണ് ക​രി​ങ്ങ​നാ​ട് കൊ​ഴി​ഞ്ഞി​പ്പ​റ​മ്പ് പ്ര​ദേ​ശ​ത്തു​ള്ള​വ​ർ കേ​ട്ട​ത്. ര​ണ്ടാ​ഴ്ച മു​മ്പ് മാ​ത്രം കൊ​പ്പ​ത്ത് ചു​മ​ത​ല​യേ​റ്റെ​ടു​ത്ത തൃ​ശൂ​ർ മാ​ള സ്വ​ദേ​ശി​യാ​യ സു​ബീ​ഷ് മോ​ൻ കൊ​ഴി​ഞ്ഞി​പ്പ​റ​മ്പി​ലെ വാ​ട​ക വീ​ട്ടി​ലാ​യി​രു​ന്നു താ​മ​സം. ഞാ​യ​റാ​ഴ്ച​ത്തെ വി​ള​ങ്ങോ​ട്ടു​കാ​വ് പൂ​രാ​വേ​ശ​ത്തി​നും യു​വ ഉ​ദ്യോ​ഗ​സ്ഥ​ന്റെ വേ​ർ​പാ​ട് ക​രി​നി​ഴ​ൽ വീ​ഴ്ത്തി.

വി​ള​ങ്ങോ​ട്ടു​കാ​വ് പൂ​രം കാ​ണാ​ൻ കു​ടും​ബ​ത്തി​നൊ​പ്പം വി​രു​ന്നെ​ത്തി​യ വ​ല്യ​ച്ഛ​ന്റെ കൊ​ച്ചു​മോ​നെ കു​ന്തി​പ്പു​ഴ കാ​ണി​ക്കാ​നെ​ത്തി​യ​പ്പോ​ഴാ​ണ് സു​ബീ​ഷ് മോ​ൻ അ​പ​ക​ട​ത്തി​ൽപെ​ട്ട​ത്. നാ​ട്ടു​കാ​രും അ​ഗ്നി​ര​ക്ഷാ​സേ​ന​യും ന​ട​ത്തി​യ തി​ര​ച്ചി​ലി​ൽ ആ​ളെ ക​ണ്ടെ​ത്തി പെ​രി​ന്ത​ൽ​മ​ണ്ണ​യി​ലെ സ്വ​കാ​ര്യാ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

കൊ​ഴി​ഞ്ഞി​പ്പ​റ​മ്പി​ൽ താ​മ​സം തു​ട​ങ്ങി​യ നാ​ൾ മു​ത​ൽ ഹൃ​ദ്യ​മാ​യ പെ​രു​മാ​റ്റം കൊ​ണ്ട് നാ​ട്ടു​കാ​രു​ടെ മ​ന​സി​ൽ ക​യ​റി​പ​റ്റാ​ൻ സു​ബീ​ഷ് മോ​ന് സാ​ധി​ച്ചി​രു​ന്നു. ഉ​ച്ച​ക്ക് ഊ​ണു ക​ഴി​ക്കാ​ൻ എ​ത്താ​മെ​ന്നേ​റ്റ​താ​യി​രു​ന്നെ​ന്നും കാ​ണാ​തെ വി​ളി​ച്ചു​കൊ​ണ്ടി​രി​ക്കു​മ്പോ​ഴാ​ണ് അ​പ​ക​ട​വാ​ർ​ത്ത കേ​ട്ട​തെ​ന്നും സെ​ൻ​ട്ര​ൽ പൂ​രാ​ഘോ​ഷ ക​മ്മ​ിറ്റി സെ​ക്ര​ട്ട​റി എ​ൻ.​പി. ഷാ​ഹു​ൽ ഹ​മീ​ദ് പ​റ​ഞ്ഞു. ചു​രു​ങ്ങി​യ സ​മ​യം കൊ​ണ്ട് എ​ല്ലാ​വ​രു​മാ​യും സൗ​ഹൃ​ദം സ്ഥാ​പി​ച്ചി​രു​ന്നെ​ന്നും ഷാ​ഹു​ൽ ഹ​മീ​ദ് പ​റ​ഞ്ഞു. കൊ​പ്പം പൊ​ലീ​സ് സ്റ്റേ​ഷ​നി​ലെ സ​ഹ​പ്ര​വ​ർ​ത്ത​ക​ർ​ക്കും മേ​ലു​ദ്യോ​ഗ​സ്ഥ​ന്റെ ആ​ക​സ്മി​ക വി​യോ​ഗം ആ​ഘാ​ത​മാ​യി. തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യി ന​ട​ന്ന സ്ഥ​ലം മാ​റ്റ​ത്തി​ൽ എ​സ്.​ഐ ആ​യി​രു​ന്ന എം.​ബി. രാ​ജേ​ഷ് തൃ​ശൂ​ർ ജി​ല്ല​യി​ലെ വ​ട​ക്ക​ഞ്ചേ​രി​യി​ലേ​ക്ക് സ്ഥ​ലം മാ​റി​യ ഒ​ഴി​വി​ലാ​ണ് സു​ബീ​ഷ് മോ​ൻ കൊ​പ്പ​ത്തെ​ത്തി​യ​ത്.

കു​ന്തി​പ്പു​ഴ​യി​ൽ അ​പ​ക​ട​ം തു​ട​ർ​ക്കഥ; ആ​ഴ​ത്തി​ലു​ള്ള പൂ​ഴി​മ​ണ​ൽ കൂ​ന​യാ​ണ് അ​പ​ക​ട കാ​ര​ണം

പു​ലാ​മ​ന്തോ​ൾ: കു​ന്തി​പ്പു​ഴ​യി​ലെ സ്ഥി​രം അ​പ​ക​ട​മേ​ഖ​ല​യി​ലാ​ണ് എ​സ്.​ഐ സു​ബീ​ഷ് മോ​ന്റെ ജീ​വ​നും പൊ​ലി​ഞ്ഞ​ത്. വ​ർ​ഷംതോ​റും വേ​ന​ലി​ൽ കു​ന്തി​പ്പു​ഴ ത​ട​യ​ണ​ക്ക് താ​ഴെ​യു​ള്ള പ്ര​ദേ​ശ​ത്ത് അ​പ​ക​ട​ം തു​ട​ർക്കഥ​യാ​ണ്. പ്ര​ദേ​ശം പ​രി​ച​യ​മി​ല്ലാ​ത്ത​വ​രാ​ണ് അ​പ​ക​ട​ത്തി​ൽപെ​ടു​ന്ന​വ​രി​ൽ കൂ​ടു​ത​ലും. എ​സ്.​എ​സ്.​എ​ൽ.​സി പ​രീ​ക്ഷ​ക്ക് ശേ​ഷം കു​ളി​ക്കാ​നി​റ​ങ്ങി​യ വി​ദ്യാ​ർ​ഥി​ക​ളും വേ​ന​ല​വ​ധി​യി​ൽ വി​രു​ന്നെ​ത്തി​യ കു​ട്ടി​ക​ളും അന്തർ സം​സ്ഥാ​ന തൊ​ഴി​ലാ​ളി​ക​ളു​മെ​ല്ലാം ഇ​വി​ടെ മു​ങ്ങി​മ​രി​ച്ചി​ട്ടു​ണ്ട്. ത​ട​യ​ണ​ക്ക് താ​ഴെ കെ​ട്ടി നി​ൽ​ക്കു​ന്ന വെ​ള്ള​ത്തി​ൽ 15 മു​ത​ൽ 20 അ​ടി വ​രെ ആ​ഴ​ത്തി​ൽ പൂ​ഴി​മ​ണ​ൽ കൂ​ന​യാ​ണു​ള്ള​ത്.

ഇ​തി​ലേ​ക്ക് വീ​ഴു​ക​യോ ചാ​ടു​ക​യോ ചെ​യ്യു​ന്ന​വ​രു​ടെ കാ​ലു​ക​ൾ അതിൽ ആ​ണ്ടു പോ​കു​ന്ന​താ​ണ് അ​പ​ക​ട കാ​ര​ണ​മെ​ന്ന് മു​മ്പ് ര​ക്ഷാ​പ്ര​വ​ർ​ത്ത​ന​ത്തെി​യ അ​ഗ്നി​ര​ക്ഷാ​സേ​നാം​ഗ​ങ്ങ​ൾ പ​റ​ഞ്ഞി​രു​ന്നു. ഇതോടൊപ്പം ഇവിടെ നല്ല അടിയൊഴുക്കുണ്ട്. സ്ഥ​ലം പ​രി​ച​യ​മി​ല്ലാ​ത്ത​വ​രാ​ണ് അ​പ​ക​ട​ത്തി​ൽപെ​ടു​ന്ന​ത്. ചി​ര​പ​രി​ചി​ത​രാ​യ നി​ര​വ​ധി പേ​ർ ഈ ​ഭാ​ഗ​ത്ത് സ്ഥി​ര​മാ​യി കു​ളി​ക്കാറുണ്ട്. പു​ലാ​മ​ന്തോ​ൾ, വി​ള​യൂ​ർ പ​ഞ്ചാ​യ​ത്തു​ക​ൾ അ​തി​രി​ടു​ന്ന പു​ഴ​യി​ൽ അ​പ​ക​ട ബോ​ധ​വ​ത്ക​ര​ണ​ത്തി​നാ​യു​ള്ള മു​ന്ന​റി​യി​പ്പു​ക​ളോ സു​ര​ക്ഷാ​വേ​ലി​യോ സ്ഥാ​പി​ച്ചി​ട്ടി​ല്ല.