പകലും 'ക​സേ​ര കൊ​മ്പ​ന്‍റെ' സാന്നിധ്യം; അറനാടംപാടം നിവാസികള്‍ ഭീതിയില്‍

എ​ട​ക്ക​ര: ജ​ന​വാ​സ കേ​ന്ദ്ര​ത്തോ​ട് ചേ​ര്‍ന്ന വ​നാ​തി​ര്‍ത്തി​യി​ല്‍ കാ​ട്ടാ​ന​ക​ളു​ടെ സ്ഥി​ര​സാ​ന്നി​ധ്യം പ്ര​ദേ​ശ​വാ​സി​ക​ളെ ഭീ​തി​യി​ലാ​ക്കു​ന്നു. ക​രി​യം​മു​രി​യം വ​നാ​തി​ര്‍ത്തി ജ​ന​ങ്ങ​ള്‍ തി​ങ്ങി​പ്പാ​ര്‍ക്കു​ന്ന പ്ര​ദേ​ശ​മാ​ണ്. ക​രി​യം​മു​രി​യം വ​ന​ത്തോ​ട് ചേ​ര്‍ന്ന് അ​റ​നാ​ടം​പാ​ടം ച​ങ്ങ​ല​ക്ക് സ​മീ​പം തീ​ക്ക​ടി ഭാ​ഗ​ത്ത് എ​ത്തു​ന്ന കാ​ട്ടാ​ന​ക​ള്‍ പ്ര​ദേ​ശ​ത്തെ താ​മ​സ​ക്കാ​രു​ടെ സൈ​ര്വ​ജീ​വി​തം താ​റു​മാ​റാ​ക്കി​യി​രി​ക്കു​ക​യാ​ണ്.

ക​സേ​ര കൊ​മ്പ​ന്‍ എ​ന്ന് നാ​ട്ടു​കാ​ര്‍ വി​ളി​ക്കു​ന്ന ആ​ക്ര​മ​ണ​കാ​രി​യാ​യ കൊ​മ്പ​നും മ​റ്റൊ​രു മോ​ഴ​യാ​ന​യു​മാ​ണ് സ്ഥി​ര​മാ​യി വ​നാ​തി​ര്‍ത്തി​യി​ലു​ണ്ടാ​കു​ക. സ​ന്ധ്യ​ക​ഴി​ഞ്ഞാ​ല്‍ പു​റ​ത്തി​റ​ങ്ങാ​ന്‍ ക​ഴി​യാ​തെ കാ​ട്ടാ​ന​ക​ളെ പേ​ടി​ച്ച് വീ​ടു​ക​ള്‍ക്കു​ള്ളി​ല്‍ ഒ​തു​ങ്ങു​ക​യാ​ണ് പ്ര​ദേ​ശ​വാ​സി​ക​ളി​പ്പോ​ള്‍. വ​നാ​തി​ര്‍ത്തി​യി​ലു​ള്ള ഫെ​ന്‍സി​ങ് ലൈ​നി​ന് സ​മീ​പ​മെ​ത്തു​ന്ന ആ​ന​ക​ള്‍ മ​ര​ങ്ങ​ള്‍ വ​ലി​ച്ചി​ട്ട് ലൈ​ന്‍ ത​ക​ര്‍ത്ത് പു​റ​ത്ത് എ​ത്താ​ന്‍ സാ​ധ്യ​ത കൂ​ടു​ത​ലാ​ണെ​ന്ന് ആ​ളു​ക​ള്‍ പ​റ​യു​ന്നു.

മോ​ഴ​യാ​ന പൊ​തു​വെ നി​രു​പ​ദ്ര​വ​കാ​രി​യാ​ണെ​ങ്കി​ലും ക​സേ​ര കൊ​മ്പ​ന്‍ മ​നു​ഷ്യ​ഗ​ന്ധം പി​ന്തു​ട​ര്‍ന്ന് എ​ത്തു​ന്ന​താ​ണ് ഇ​പ്പോ​ള്‍ നാ​ട്ടു​കാ​രി​ല്‍ ഭീ​തി സൃ​ഷ്​​ടി​ക്കു​ന്ന​ത്. ശ​നി​യാ​ഴ്ച രാ​വി​ലെ മു​ത​ല്‍ കൊ​മ്പ​ന്‍ വ​നാ​തി​ര്‍ത്തി​യി​ല്‍ കു​ട്ടി​ക​ള്‍ ക​ളി​ക്കു​ന്ന ഗ്രൗ​ണ്ടി​ല്‍ നി​ല​യു​റ​പ്പി​ച്ചി​രു​ന്നു. ചി​ന്നം വി​ളി​ച്ച് കു​ട്ടി​ക​ള്‍ക്ക് പി​ന്നാ​ലെ കൂ​ടാ​ന്‍ കൊ​മ്പ​ന്‍ ശ്ര​മി​ച്ച​താ​യും പ്ര​ദേ​ശ​വാ​സി​ക​ള്‍ പ​റ​യു​ന്നു. വ​നാ​തി​ര്‍ത്തി​യി​ല്‍പോ​ലും തെ​രു​വു​വി​ള​ക്ക് സ്ഥാ​പി​ക്കാ​ത്ത​തി​നാ​ല്‍ സ​ന്ധ്യ​യാ​കു​ന്ന​തോ​ടെ പ്ര​ദേ​ശ​മാ​കെ ഇ​രു​ട്ടി​ലാ​കും.

പ്ര​ദേ​ശ​ത്ത് അ​ടി​യ​ന്ത​ര​മാ​യി തെ​രു​വ് വി​ള​ക്കു​ക​ള്‍ സ്ഥാ​പി​ക്ക​ണ​മെ​ന്നും നി​ല​വി​ലെ മൂ​ന്ന് ലൈ​നു​ള്ള വേ​ലി അ​ഞ്ച് ലൈ​നാ​ക്കി ഉ​യ​ര്‍ത്ത​ണ​മെ​ന്നും ജ​ന​വാ​സ കേ​ന്ദ്ര​ത്തോ​ട് ചേ​ര്‍ന്ന് നി​ല​യു​റ​പ്പി​ച്ച കാ​ട്ടാ​ന​ക​ളെ ഉ​ള്‍കാ​ട്ടി​ലേ​ക്ക് തു​ര​ത്താ​ന്‍ ന​ട​പ​ടി​വേ​ണ​മെ​ന്നും നാ​ട്ടു​കാ​ര്‍ ആ​വ​ശ്യ​പ്പെ​ടു​ന്നു.

വാഴകൃഷി നശിപ്പിച്ചു

ക​രു​വാ​ര​കു​ണ്ട്: ജ​ന​വാ​സ കേ​ന്ദ്ര​ത്തി​ന് സ​മീ​പ​ത്തെ റ​ബ​ർ തോ​ട്ട​ത്തി​ലി​റ​ങ്ങി​യ ആ​ന​ക്കൂ​ട്ടം വ്യാ​പ​ക​മാ​യി കൃ​ഷി ന​ശി​പ്പി​ച്ചു. തു​രു​മ്പോ​ട​യി​ലെ ആ​രോ​ഗ്യ ഉ​പ​കേ​ന്ദ്ര​ത്തി​ന് പി​റ​കു​വ​ശ​ത്തെ തോ​ര​പ്പ അ​ബ്​​ദ​ു​ൽ റ​സാ​ഖിെൻറ റ​ബ​ർ തോ​ട്ട​ത്തി​ലാ​ണ് ശ​നി​യാ​ഴ്ച പു​ല​ർ​ച്ച ആ​ന​ക​ളി​റ​ങ്ങി​യ​ത്. ര​ണ്ടേ​ക്ക​ർ കൃ​ഷി​യി​ട​ത്തി​ലെ കു​ല​ച്ച 200ഓ​ളം വാ​ഴ​ക​ൾ, 20ലേ​റെ റ​ബ​ർ തൈ​ക​ൾ എ​ന്നി​വ​യാ​ണ് ന​ശി​പ്പി​ച്ച​ത്. കേ​ര​ള റ​ബ​ർ എ​സ്​​റ്റേ​റ്റ് വ​ഴി​യാ​ണ് ആ​ന​ക​ൾ ഈ ​ഭാ​ഗ​ത്തെ​ത്തു​ന്ന​ത്. സി.​ടി എ​സ്​​റ്റേ​റ്റ്-​ചേ​രി റോ​ഡി​ന് സ​മീ​പ​മാ​ണി​ത്.