കാട്ടാന, പുലി: മലയോരം ഭീതിയിൽ

എ​ട​ക്ക​ര: കൃ​ഷി​യി​ട​ത്തി​ലി​റ​ങ്ങി​യ കാ​ട്ടാ​ന​ക്കൂ​ട്ടം ഉ​ള്‍ക്കാ​ട്ടി​ലേ​ക്ക് ക​യ​റാ​ന്‍ കൂ​ട്ടാ​ക്കാ​തെ ജ​ന​വാ​സ കേ​ന്ദ്ര​ത്തി​ന് ന​ടു​വി​ലെ ചെ​റി​യ വ​ന​ത്തി​ല്‍ നി​ല​യു​റ​പ്പി​ച്ച​ത് ജ​ന​ങ്ങ​ളെ മ​ണി​ക്കൂ​റു​ക​ളോ​ളം ഭീ​തി​യു​ടെ മു​ള്‍മു​ന​യി​ലാ​ഴ്ത്തി. ചു​ങ്ക​ത്ത​റ പ​ഞ്ചാ​യ​ത്തി​ലെ കു​റു​മ്പ​ല​ങ്ങോ​ട് സ്‌​കൂ​ളി​ന് സ​മീ​പം മാ​ത​യി​ലെ ചെ​റി​യ വ​ന​ത്തി​ലാ​ണ് കൊ​മ്പ​നും പി​ടി​യും കു​ട്ടി​യും അ​ട​ങ്ങു​ന്ന മൂ​ന്ന് ആ​ന​ക​ള്‍ ചൊ​വ്വാ​ഴ്ച പു​ല​ര്‍ച്ചെ മു​ത​ല്‍ ജ​ന​ങ്ങ​ളെ ഭീ​തി​യി​ലാ​ഴ്ത്തി​ക്കൊ​ണ്ടി​രി​ക്കു​ന്ന​ത്. രാ​ത്രി ഏ​റെ വൈ​കി​യും കാ​ട്ടാ​ന​ക​ള്‍ ഇ​വി​ടം വി​ട്ട് പോ​കാ​ന്‍ കൂ​ട്ടാ​ക്കി​യി​ട്ടി​ല്ല.

പു​ല​ര്‍ച്ചെ മൂ​ന്നി​ന് മാ​ത​യി​ലെ പൂ​വ​ത്തി ബ​ഷീ​ര്‍, ക​ല്‍പ്പാ​ത്തൊ​ടി ഗം​ഗാ​ധ​ര​ന്‍, ക​ല്‍പ്പാ​ത്തൊ​ടി ദേ​വ​രാ​ജ​ന്‍ എ​ന്നി​വ​രു​ടെ കൃ​ഷി​യി​ട​ങ്ങ​ളി​ല്‍ കാ​ട്ടാ​ന​ക​ള്‍ ഇ​റ​ങ്ങി കൃ​ഷി ന​ശി​പ്പി​ച്ച വി​വ​രം നാ​ട്ടു​കാ​ര്‍ കാ​ഞ്ഞി​ര​പ്പു​ഴ വ​നം ഓ​ഫി​സി​ല്‍ അ​റി​യി​ച്ചി​രു​ന്നു. നാ​ലോ​ടെ എ​ത്തി​യ ര​ണ്ട് വ​നം ജീ​വ​ന​ക്കാ​ര്‍ പ​ട​ക്കം പൊ​ട്ടി​ച്ച​തോ​ടെ ആ​ന​ക​ള്‍ കാ​ട്ടി​ലേ​ക്ക് മ​റ​ഞ്ഞു. നേ​രം പു​ല​ര്‍ന്ന​പ്പോ​ഴാ​ണ് ജ​ന​വാ​സ കേ​ന്ദ്ര​ത്തി​ന് ന​ടു​വി​ലെ ചെ​റി​യ വ​ന​ത്തി​ല്‍ ആ​ന​ക​ള്‍ ഉ​ള്ള​താ​യി നാ​ട്ടു​കാ​ര്‍ ക​ണ്ട​ത്. നി​ര​വ​ധി വീ​ടു​ക​ളും കു​റു​മ്പ​ല​ങ്ങോ​ട് ജി.​യു.​പി സ്‌​കൂ​ളും സ്ഥി​തി ചെ​യ്യു​ന്ന​തി​ന്റെ നൂ​റ് മീ​റ്റ​ര്‍ അ​ടു​ത്താ​ണ് ആ​ന​ക​ള്‍ ത​മ്പ​ടി​ച്ചി​രു​ന്ന​ത്.

ആ​ന​ക​ളെ പേ​ടി​ച്ച് സ്‌​കൂ​ള്‍ നേ​ര​ത്തെ വി​ടു​ക​യും ചെ​യ്തു. വൈ​കീ​ട്ട് അ​ഞ്ചി​ന് ആ​ന​ക​ളെ പ​ട​ക്കം പൊ​ട്ടി​ച്ച് ഇ​വി​ടെ​നി​ന്ന് പു​റ​ത്തി​റ​ക്കാ​ന്‍ വ​നം ഉ​ദ്യോ​ഗ​സ്ഥ​ര്‍ ന​ട​ത്തി​യ ശ്ര​മം ജ​ന​ങ്ങ​ളു​ടെ ക​ടു​ത്ത എ​തി​ര്‍പ്പി​നും പ്ര​തി​ഷേ​ധ​ത്തി​നു​മി​ട​യാ​ക്കി. ജ​ന​ങ്ങ​ള്‍ക്ക് യാ​തൊ​രു മു​ന്ന​റി​യി​പ്പും ന​ല്‍കാ​തെ​യാ​യി​രു​ന്നു ഈ ​ന​ട​പ​ടി. തു​ട​ര്‍ന്ന് വ​നം ആ​ര്‍.​ആ​ര്‍.​ടി സം​ഘ​വും പോ​ത്തു​ക​ല്‍ പൊ​ലീ​സും രാ​ത്രി ഏ​ഴോ​ടെ ഇ​തു​വ​ഴി​യു​ള്ള റോ​ഡു​ക​ള്‍ അ​ട​ച്ച ശേ​ഷം പ​ട​ക്കം പൊ​ട്ടി​ച്ച് ആ​ന​ക​ളെ മു​ണ്ട​പ്പാ​ടം വ​ന​ത്തി​ലേ​ക്ക് തു​ര​ത്താ​ന്‍ ശ്ര​മി​ച്ചു. എ​ന്നാ​ല്‍ സ​മീ​പ​ത്തെ കൃ​ഷി​യി​ട​ത്തി​ലേ​ക്കി​റ​ങ്ങി​യ ആ​ന​ക​ള്‍ വീ​ണ്ടും ഇ​തേ കാ​ട്ടി​ലേ​ക്ക് തി​രി​ച്ചു​ക​യ​റി.

രാ​ത്രി വീ​ണ്ടും പ​ട​ക്കം പൊ​ട്ടി​ച്ച് ആ​ന​ക​ളെ തു​ര​ത്താ​നു​ള്ള ശ്ര​മ​ങ്ങ​ള്‍ ന​ട​ന്നു​കൊ​ണ്ടി​രി​ക്കു​ക​യാ​ണ്. പ്ര​ദേ​ശ​ത്ത് രൂ​ക്ഷ​മാ​യ കാ​ട്ടാ​ന​ശ​ല്യം​മൂ​ലം ജ​ന​ങ്ങ​ള്‍ ക​ടു​ത്ത ദു​രി​ത​ത്തി​ലാ​ണ്. ക​ഴി​ഞ്ഞ ആ​റി​ന് പ്ര​ദേ​ശ​ത്ത് വ്യാ​പ​ക കൃ​ഷി​നാ​ശ​മാ​ണ് കാ​ട്ടാ​ന​ക​ള്‍ വ​രു​ത്തി​യ​ത്. തു​ട​ര്‍ന്ന് നാ​ട്ടു​കാ​ര്‍ കാ​ഞ്ഞി​ര​പ്പു​ഴ വ​നം ഓ​ഫി​സ് ഉ​പ​രോ​ധി​ച്ചി​രു​ന്നു.

മാമാങ്കരയിലും ആനമറിയിലും പുലിയെ കണ്ടതായി നാട്ടുകാർ

എ​ട​ക്ക​ര: വ​ഴി​ക്ക​ട​വ് പ​ഞ്ചാ​യ​ത്തി​ലെ മാ​മാ​ങ്ക​ര​യി​ലും ആ​ന​മ​റി​യി​ലും ചൊ​വ്വാ​ഴ്ച പു​ലി​യെ ക​ണ്ട​താ​യി നാ​ട്ടു​കാ​ര്‍. ചൊ​വ്വാ​ഴ്ച വൈ​കീ​ട്ട് നാ​ലി​ന് ആ​ന​മ​റി​യി​ലെ ആ​ര്‍.​ടി.​ഒ ചെ​ക്കു​പോ​സ്റ്റി​ന് മു​ന്നി​ലൂ​ടെ പു​ലി റോ​ഡ് മു​റി​ച്ച് ക​ട​ന്ന് സ​മീ​പ​ത്തെ കു​ന്നി​ലേ​ക്ക് ഓ​ടി​പ്പോ​കു​ന്ന​താ​ണ് നാ​ട്ടു​കാ​ര്‍ ക​ണ്ട​ത്. വ​ന​ത്തോ​ട് ചേ​ര്‍ന്ന ശ്മ​ശാ​ന​ത്തി​ന്റെ ഭാ​ഗ​ത്തേ​ക്കാ​ണ് പു​ലി പോ​യ​ത്. മാ​മാ​ങ്ക​ര​യി​ല്‍ പു​ല​ര്‍ച്ചെ ടാ​പ്പി​ങ്ങി​ന് പോ​യ തൊ​ഴി​ലാ​ളി​യാ​ണ് പു​ലി​യെ ക​ണ്ട​ത്.

ക​ഴി​ഞ്ഞ ദി​വ​സം അ​ങ്ങാ​ടി​യോ​ട് ചേ​ര്‍ന്ന വീ​ട്ടി​ല്‍ സ്ഥാ​പി​ച്ച സി.​സി.​ടി.​വി​യി​ലും പു​ലി​യെ പോ​ലു​ള്ള ജീ​വി റോ​ഡി​ലൂ​ടെ പോ​കു​ന്ന​ത് ക​ണ്ടി​രു​ന്നു. ഇ​തി​ന് പി​ന്നാ​ലെ​യാ​ണ് മാ​മാ​ങ്ക​ര​യി​ല്‍ പു​ലി​യു​ടെ സാ​ന്നി​ധ്യം ഉ​ണ്ടാ​യി​ട്ടു​ള്ള​ത്. ഇ​തോ​ടെ നാ​ട്ടു​കാ​ർ ആ​ശ​ങ്ക​യി​ലാ​ണ്. സം​ഭ​വ​ത്തെ​ത്തു​ട​ര്‍ന്ന് നെ​ല്ലി​ക്കു​ത്ത് ഫോ​റ​സ്റ്റ് സ്‌​റ്റേ​ഷ​നി​ലെ സെ​ക്ഷ​ന്‍ ഫോ​റ​സ്റ്റ് ഓ​ഫി​സ​റു​ടെ നേ​തൃ​ത്വ​ത്തി​ലു​ള്ള നാ​ലം​ഗ സം​ഘം മാ​മാ​ങ്ക​ര, ആ​ന​മ​റി പ്ര​ദേ​ശ​ങ്ങ​ളി​ല്‍ രാ​ത്രി പ​ട്രോ​ളി​ങ് ആ​രം​ഭി​ച്ചു. ര​ണ്ടി​ട​ങ്ങ​ളി​ലും ക​ണ്ട​ത് വേ​വ്വെ​റെ പു​ലി​ക​ളാ​ണെ​ന്നാ​ണ് വ​നം വ​കു​പ്പ് അ​ധി​കൃ​ത​ര്‍ പ​റ​യു​ന്ന​ത്.

ജ​ന​ങ്ങ​ള്‍ ക​ണ്ട​ത് പു​ലി​ത​ന്നെ​യാ​ണോ എ​ന്ന് സ്ഥി​രീ​ക​രി​ക്കു​ന്ന​തി​ന് വ​നം​വ​കു​പ്പി​ന്റെ കാ​മ​റ​ക​ള്‍ സ്ഥാ​പി​ക്കാ​നും നീ​ക്ക​മു​ണ്ട്. വ​ന​യോ​ര മേ​ഖ​ല​യാ​യ​തി​നാ​ല്‍ വ​ന്യ​മൃ​ഗ​ങ്ങ​ളു​ടെ സാ​ന്നി​ധ്യം ഉ​ണ്ടാ​വു​മെ​ന്നും ജ​ന​ങ്ങ​ള്‍ ജാ​ഗ്ര​ത പാ​ലി​ക്ക​ണ​മെ​ന്നും വ​നം വ​കു​പ്പ് അ​ധി​കൃ​ത​ര്‍ അ​റി​യി​ച്ചു.

വൈ​കു​ന്നേ​ര​ങ്ങ​ളി​ലും പു​ല​ര്‍ച്ചെ​യും കു​ട്ടി​ക​ളെ ത​നി​യെ സ​ഞ്ച​രി​ക്കാ​ന്‍ അ​നു​വ​ദി​ക്ക​രു​തെ​ന്നും മു​തി​ര്‍ന്ന​വ​ര്‍ ന​ല്ല പ്ര​കാ​ശ​മു​ള്ള സം​വി​ധാ​ന​ങ്ങ​ളു​മാ​യി മാ​ത്ര​മേ പു​റ​ത്തി​റ​ങ്ങാ​വൂ എ​ന്നും വ​നം അ​ധി​കൃ​ത​ര്‍ നി​ര്‍ദേ​ശി​ച്ചി​ട്ടു​ണ്ട്. കാ​ട്ടാ​ന, കാ​ട്ടു​പ​ന്നി, കു​ര​ങ്ങ് എ​ന്നി​വ​യു​ടെ ശ​ല്യം​മൂ​ലം പൊ​റു​തി​മു​ട്ടി​യ ജ​ന​ങ്ങ​ള്‍ക്ക് പ​ക​ല്‍പോ​ലും പു​ലി​യു​ടെ സാ​ന്നി​ധ്യം ക​ടു​ത്ത ഭീ​ഷ​ണി​യാ​യി​രി​ക്കു​ക​യാ​ണ്.