വ​നാ​തി​ര്‍ത്തി​യി​ലെ കാ​ട്ടാ​ന സാ​ന്നി​ധ്യം; അ​റ​ന്നാ​ടം​പാ​ടം നി​വാ​സി​ക​ൾ ദു​രി​ത​ത്തി​ൽ

എ​ട​ക്ക​ര: രാ​വും പ​ക​ലും വ​നാ​തി​ര്‍ത്തി​യി​ലെ കാ​ട്ടാ​ന​ക​ളു​ടെ സാ​ന്നി​ധ്യം അ​റ​ന്നാ​ടം​പാ​ടം നി​വാ​സി​ക​ളെ ദു​രി​ത​ത്തി​ലാ​ക്കു​ന്നു. വ​ഴി​ക്ക​ട​വ് റേ​ഞ്ച് പ​രി​ധി​യി​ലെ ക​രി​യം​മു​രി​യം വ​നാ​തി​ര്‍ത്തി​യോ​ട് ചേ​ര്‍ന്നു​ള്ള അ​റ​ന്നാ​ടം​പാ​ടം തീ​ക്ക​ടി​യി​ലാ​ണ് മൂ​ന്ന് കാ​ട്ടാ​ന​ക​ള്‍ ജ​ന​ങ്ങ​ളു​ടെ ജീ​വ​ന് ഭീ​ഷ​ണി​യാ​യി​രി​ക്കു​ന്ന​ത്.

വ​നാ​തി​ര്‍ത്തി​യോ​ട് ചേ​ര്‍ന്ന് പ​ന്ത്ര​ണ്ടോ​ളം കു​ടും​ബ​ങ്ങ​ളാ​ണ് ഇ​വി​ടെ താ​മ​സി​ക്കു​ന്ന​ത്. ഒ​രു കൊ​മ്പ​ന്‍, ഒ​രു ചു​ള്ളി​ക്കൊ​മ്പ​ന്‍, ഒ​രു മോ​ഴ എ​ന്നി​ങ്ങ​നെ മൂ​ന്ന് ആ​ന​ക​ളാ​ണ് ഭീ​ഷ​ണി​യാ​യി​രി​ക്കു​ന്ന​ത്. മൂ​ന്ന് ആ​ഴ്ച​യി​ല​ധി​ക​മാ​യി ഇ​വ അ​റ​ന്നാ​ടം​പാ​ടം ജ​ന​വാ​സ കേ​ന്ദ്ര​ത്തി​ന് സ​മീ​പം താ​വ​ള​മു​റ​പ്പി​ച്ചി​രി​ക്കു​ക​യാ​ണ്. ജ​ല​ല​ഭ്യ​ത​യു​ള്ള ച​തു​പ്പാ​ണി​വി​ടം. ഇ​ക്കാ​ര​ണ​ത്താ​ല്‍ ആ​ന​ക​ള്‍ ഇ​വി​ടെ നി​ന്നും മാ​റു​ന്നി​ല്ലെ​ന്ന് നാ​ട്ടു​കാ​ര്‍ പ​റ​യു​ന്നു.

വ​നാ​തി​ര്‍ത്തി​യി​ല്‍ സൗ​രോ​ര്‍ജ വേ​ലി​യു​ണ്ടെ​ങ്കി​ലും ചി​ല ദി​വ​സ​ങ്ങ​ളി​ല്‍ വേ​ലി ചാ​ര്‍ജ് ചെ​യ്യാ​ന്‍ ജീ​വ​ന​ക്കാ​ര്‍ മ​റ​ന്നു​പോ​കും. ഇ​ങ്ങ​നെ​യു​ള്ള ദി​വ​സ​ങ്ങ​ളി​ല്‍ വേ​ലി ത​ക​ര്‍ത്ത് ആ​ന​ക​ള്‍ കൃ​ഷി​യി​ട​ങ്ങ​ളി​ല്‍ ഇ​റ​ങ്ങി വി​ള​നാ​ശം വ​രു​ത്തു​ന്ന​തും പ​തി​വാ​ണ്. വീ​ടു​ക​ളു​ടെ 20 മീ​റ്റ​ര്‍ അ​ടു​ത്തു​വ​രെ പ​ക​ല്‍ സ​മ​യ​ങ്ങ​ളി​ല്‍ ആ​ന​ക​ളെ​ത്താ​റു​ണ്ട്. തി​ങ്ക​ളാ​ഴ്ച വൈ​കീ​ട്ടും ഒ​രു ആ​ന ഇ​വി​ടെ നി​ല​യു​റ​പ്പി​ച്ചി​ട്ടു​ണ്ട്.

നാ​ട്ടു​കാ​രു​ടെ പ​രാ​തി​യെ​ത്തു​ട​ര്‍ന്ന് ക​ഴി​ഞ്ഞ ദി​വ​സം വ​നം ജീ​വ​ന​ക്കാ​ര്‍ പ്ര​ദേ​ശം സ​ന്ദ​ര്‍ശി​ച്ചി​രു​ന്നു. എ​ട​ക്ക​ര ഗ്രാ​മ​പ​ഞ്ചാ​യ​ത്ത് സ്ഥാ​പി​ച്ച ശ​ക്തി​കു​റ​ഞ്ഞ ഒ​രു ലൈ​റ്റ് മാ​ത്ര​മാ​ണ് ഇ​വി​ടെ രാ​ത്രി​യി​ല്‍ വെ​ളി​ച്ചം പ​ക​രു​ന്ന​ത്. വ​നം അ​ധി​കൃ​ത​ര്‍ യാ​തൊ​രു ന​ട​പ​ടി​യും സ്വീ​ക​രി​ക്കാ​ത്ത സാ​ഹ​ച​ര്യ​ത്തി​ല്‍ ശ​ക്തി​യേ​റി​യ ഒ​രു ലൈ​റ്റ് ഈ ​ഭാ​ഗ​ത്ത് സ്ഥാ​പി​ക്കാ​നു​ള്ള ത​യാ​റെ​ടു​പ്പി​ലാ​ണ് നാ​ട്ടു​കാ​ര്‍.