ചേളാരി സബ്​ സ്​റ്റേഷനിൽ നിന്നും കിഴിശ്ശേരി സബ്​സ്​റ്റേഷൻ വരെ പോകുന്ന 33​​കെ.വി ടവർലൈനിലൂടെ വൈദ്യുതി പ്രവഹിക്കും -കെ.എസ്.ഇ.ബി

കൊണ്ടോട്ടി/ചോളാരി: 100 കെ.വി ചേളാരി സബ്​ സ്​റ്റേഷനിൽ നിന്നും 110 കെ.വി കിഴിശ്ശേരി സബ്​സ്​റ്റേഷൻ വരെ പോകുന്ന നിലവിലുള്ള 33​​കെ.വി ടവർലൈനിലൂടെ മെയ്​ 29 മുതൽ ഏത്​ സമയത്തും 11 കെ.വി ഹൈവോൾടേജ്​ ​വൈദ്യുതി പ്രവഹിക്കുന്നതാണെന്നും പൊതുജനങ്ങൾ ജാഗ്രതപുലർത്തണമെന്നും കെ.എസ്​.ഇ.ബി അധികൃതർ വാർത്തകുറിപ്പിൽ അറിയിച്ചു.

മേൽപറഞ്ഞ ലൈനുകളും പോസ്റ്റുകളുമായി മനുഷ്യനോ മറ്റ്​ ജീവജാലങ്ങളോ സമ്പർക്കും പുലർത്തുന്നതോ കന്നുകാലികളെ കെട്ടുന്നതോ പാടില്ല. ലൈനിന്​ താഴെ മരങ്ങൾ വെച്ചുപിടിപ്പിക്കുന്നതും കെട്ടിടങ്ങൾ പണിയുന്നതും പരസ്യ​ബോർഡുകൾ സ്ഥാപിക്കുന്നതും കുറ്റകരമാണ്​.

പൊതുജനങ്ങൾ ഇലക്​ട്രിക്​ ടവറുമായും ലൈനുകളുമായും യാതൊരുവിധ സമ്പർക്കവും ഉണ്ടാവാൻ പാടില്ല. മുന്നറിയിപ്പ്​ ലംഘിച്ചുള്ള അപകടങ്ങൾക്കും നഷ്ടങ്ങൾക്കും കെ.എസ്​.ഇ.ബി.ഇ.എല്ലിനോ ജീവനക്കാർക്കോ ഉത്തരവാദിത്വമുണ്ടായിരിക്കില്ലെന്നും ലൈനിൽ നിന്ന്​ അസാധാരണ ശബ്​ദമോ പ്രശ്നങ്ങളോ ശ്രദ്ധയിൽപ്പെട്ടാൽ താ​ഴെ പറയുന്ന നമ്പറിൽ ബന്ധപ്പെടണമെന്നും അധികൃതർ അറിയിച്ചു. ഫോൺ: 04942400330,04832793850, 9496010523, 9496010301.