സ​ന്തോ​ഷ തി​ര​യി​ള​ക്ക​മില്ലാതെ മത്സ്യത്തൊഴിലാളി ജീവിതം

അ​സ്ത​മി​ക്കു​ന്ന ന​ല്ല​കാ​ലം

ക​ട​ൽ ആ​വോ​ളം ക​നി​ഞ്ഞി​രു​ന്ന കാ​ലം പ​തി​യെ അ​സ്​​ത​മി​ക്കു​ക​യാ​ണ്. മ​ത്സ്യ​ത്തൊ​ഴി​ലാ​ളി​ക​ളു​ടെ വീ​ട്ട​ക​ങ്ങ​ളി​ലി​പ്പോ​ൾ സ​ന്തോ​ഷ തി​ര​യി​ള​ക്ക​മു​ണ്ടാ​വാ​റി​ല്ല.

വ​ർ​ഷ​ങ്ങ​ളാ​യി പ്രാ​ദേ​ശി​ക മാ​ർ​ക്ക​റ്റു​ക​ളി​ൽ വി​റ്റ​ഴി​ക്കു​ന്ന മ​ത്സ്യ​ത്തേ​ക്കാ​ളു​പ​രി ക​യ​റ്റു​മ​തി​യി​ലൂ​ടെ​യാ​ണ് തൊ​ഴി​ലാ​ളി​ക​ളും ബോ​ട്ടു​ട​മ​ക​ളും നേ​ട്ട​മു​ണ്ടാ​ക്കി​യി​രു​ന്ന​ത്. വ​ലി​യ മ​ത്സ്യ​ങ്ങ​ൾ ക​ട​ലി​ൽ​നി​ന്ന്​ ല​ഭി​ക്കു​ന്ന മു​റ​ക്ക്​ കൊ​ച്ചി​യി​ലേ​ക്കും മം​ഗ​ലാ​പു​ര​ത്തേ​ക്കും കൊ​ണ്ടു​പോ​യി​രു​ന്ന കാ​ഴ്ച​ക​ൾ മ​ങ്ങി​യി​ട്ട്​ വ​ർ​ഷ​ങ്ങ​ളാ​യി. കൂ​ടു​ത​ൽ പ​ണ​വും ലാ​ഭ​വു​മാ​ണ്​ ക​യ​റ്റു​മ​തി മേ​ഖ​ല​യെ ആ​ക​ർ​ഷ​ക​മാ​ക്കി​യി​രു​ന്ന​ത്.

ക​യ​റ്റു​മ​തി മ​ത്സ്യ​ങ്ങ​ളു​ടെ ല​ഭ്യ​ത​ക്കു​റ​വി​നെ​ത്തു​ട​ർ​ന്ന് ഇൗ ​മേ​ഖ​ല​യി​ൽ സ​ജീ​വ​മാ​യി​രു​ന്ന പ​ല​രും പി​ൻ​വാ​ങ്ങി. ഇ​തി​നി​ടെ കോ​വി​ഡി​നെ​ത്തു​ട​ർ​ന്ന് കൊ​ച്ചി​യി​ലെ ക​യ​റ്റു​മ​തി മേ​ഖ​ല​യി​ൽ നാ​ളു​ക​ളാ​യി അ​നു​ഭ​വ​പ്പെ​ടു​ന്ന മാ​ന്ദ്യ​വും ജി​ല്ല​ക്ക് തി​രി​ച്ച​ടി​യാ​യി. തു​ട​ർ​ച്ച​യാ​യ ഇ​ന്ധ​ന​വി​ല വ​ർ​ധ​ന കാ​ര​ണം ച​ര​ക്കു​ഗ​താ​ഗ​ത​വും ദു​സ്സ​ഹ​മാ​യ​തോ​ടെ ക​യ​റ്റു​മ​തി കു​ത്ത​നെ ഇ​ടി​ഞ്ഞു. വ​ലി​യ ഇ​ട​പാ​ടു​ക​ൾ ന​ട​ത്തു​ന്ന​തി​ലെ നി​യ​ന്ത്ര​ണ​ങ്ങ​ളും നൂ​ലാ​മാ​ല​ക​ളും പ​ല​രെ​യും മ​ത്സ്യ​ക്ക​യ​റ്റു​മ​തി​യി​ൽ​നി​ന്ന്​ പി​ന്തി​രി​പ്പി​ക്കു​ക​യും ചെ​യ്തു.

പൊ​ളി​ച്ചു​വി​റ്റ്​ ബോ​ട്ടു​ക​ൾ

ക​ന​ത്ത ന​ഷ്​​ടം മൂ​ലം ജി​ല്ല​യി​ലെ ബോ​ട്ടു​ക​ൾ പൊ​ളി​ച്ചു​വി​ൽ​ക്കു​ക​യാ​ണ്. ര​ണ്ടു​വ​ർ​ഷ​ത്തി​ന​കം ഏ​ഴ്​ ബോ​ട്ടു​ക​ളാ​ണ് പൊ​ളി​ച്ചു​വി​റ്റ​ത്. തൊ​ഴി​ലാ​ളി​ക​ളെ കി​ട്ടാ​നി​ല്ലാ​ത്ത​ത് മ​ത്സ്യ​മേ​ഖ​ല​യെ പ്ര​തി​സ​ന്ധി​യി​ലാ​ക്കി. പൊ​ന്നാ​നി, താ​നൂ​ര്‍, പ​ര​പ്പ​ന​ങ്ങാ​ടി എ​ന്നി​വി​ട​ങ്ങ​ളി​ലെ ഹാ​ര്‍ബ​റു​ക​ളി​ല്‍ തൊ​ഴി​ലാ​ളി​ക​ളെ കി​ട്ടാ​നി​ല്ലാ​ത്ത സ്ഥി​തി​യാ​ണ്. പ​ല ബോ​ട്ടു​ക​ളും ഇ​പ്പോ​ള്‍ ക​ട​ലി​ല്‍ പോ​കു​ന്നി​ല്ല. ചെ​റി​യൊ​രു ബോ​ട്ടി​ല്‍ കു​റ​ഞ്ഞ​ത് ആ​റ്​ ജോ​ലി​ക്കാ​ര്‍ വേ​ണം. ര​ണ്ട​ു​ദി​വ​സം ക​ട​ലി​ല്‍ ത​ങ്ങി മ​ത്സ്യ​ബ​ന്ധ​നം ന​ട​ത്തു​ന്ന വ​ലി​യ ബോ​ട്ടാ​ണെ​ങ്കി​ല്‍ 10 തൊ​ഴി​ലാ​ളി​ക​ളെ​ങ്കി​ലും വേ​ണം. ജി​ല്ല​യി​ലെ ഹാ​ര്‍ബ​റു​ക​ളി​ലെ മി​ക്ക ബോ​ട്ടു​ക​ളി​ലും അ​ന്ത​ർ സം​സ്ഥാ​ന​ക്കാ​രാ​ണ് തൊ​ഴി​ലാ​ളി​ക​ൾ. ഇ​വ​രി​ല്‍ ന​ല്ലൊ​രു പ​ങ്കും കോ​വി​ഡി​നെ​ത്തു​ട​ർ​ന്ന് സ്വ​ദേ​ശ​ത്തേ​ക്ക് മ​ട​ങ്ങി. ഒ​ന്ന​ര വ​ര്‍ഷ​മാ​യി ക​ട​ലി​ല്‍നി​ന്ന് വേ​ണ്ട​ത്ര മ​ത്സ്യം കി​ട്ടാ​ത്ത സ്ഥി​തി​യാ​ണ്. ഇ​തി​നു​പു​റ​മെ അ​ടി​ക്ക​ടി​യു​ള്ള ഡീ​സ​ല്‍ വി​ല​ക്ക​യ​റ്റ​വും തീ​ര​ദേ​ശ മേ​ഖ​ല​യെ പ​ട്ടി​ണി​യി​ലാ​ക്കി. ബോ​ട്ടു​ക​ള്‍ വാ​ങ്ങാ​ന്‍ ആ​ളു​ക​ള്‍ ത​യാ​റാ​കാ​ത്ത​തോ​ടെ കി​ട്ടി​യ വി​ല​യ്​​ക്ക് പൊ​ളി​ച്ചു വി​ല്‍ക്കു​ക​യാ​ണി​പ്പോ​ൾ.

തി​രി​ച്ച​ടി​യാ​യി കാ​ലാ​വ​സ്ഥ​യും

കാ​ലാ​വ​സ്ഥ വ്യ​തി​യാ​നം മൂ​ലം ക​ര​യോ​ടൊ​പ്പം ക​ട​ലി​ലും ചൂ​ട് കൂ​ടി​യ​തോ​ടെ മ​ത്സ്യ​ല​ഭ്യ​ത​യി​ൽ ഗ​ണ്യ​മാ​യ കു​റ​വാ​ണു​ണ്ടാ​യ​ത്. ചൂ​ട് വ​ർ​ധി​ച്ച​തോ​ടെ ചെ​റു​മ​ത്സ്യ​ങ്ങ​ൾ മ​റ്റി​ട​ങ്ങ​ളി​ലേ​ക്ക് മാ​റു​ന്ന​താ​യി മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്നു. ഇ​തു​മൂ​ലം വ​ലി​യ ബോ​ട്ടു​ക​ൾ ന​ഷ്​​ടം ഭ​യ​ന്ന് ഉ​ൾ​ക്ക​ട​ലി​ൽ പോ​കാ​തെ ക​ര​യോ​ട് ചേ​ർ​ന്നാ​ണ് മീ​ൻ പി​ടി​ക്കു​ന്ന​ത്. ചെ​റു​തോ​ണി​ക​ളി​ൽ മീ​ൻ പി​ടി​ച്ച് ഉ​പ​ജീ​വ​നം ന​ട​ത്തു​ന്ന​വ​ർ​ക്കാ​ണി​ത്​ തി​രി​ച്ച​ടി​യാ​യ​ത്.

ക​ഴി​ഞ്ഞ ട്രോ​ളി​ങ്​ നി​രോ​ധ​ന​ത്തി​ന് ശേ​ഷം ക​ട​ലി​ലി​റ​ങ്ങി​യ​വ​ർ​ക്ക് കാ​ര്യ​മാ​യി മ​ത്സ്യം ല​ഭി​ച്ചി​ട്ടി​ല്ല. നി​രോ​ധ​ന സ​മ​യ​ത്ത് ല​ക്ഷ​ങ്ങ​ൾ ചെ​ല​വ​ഴി​ച്ചാ​ണ് പ​ല​രും ബോ​ട്ടി​െൻറ അ​റ്റ​കു​റ്റ​പ്പ​ണി ന​ട​ത്തി​യ​ത്. മി​ക്ക തൊ​ഴി​ലാ​ളി​ക​ളും ജീ​വി​തം മു​ന്നോ​ട്ട് കൊ​ണ്ടു​പോ​കാ​ൻ മ​റ്റു പ​ണി​ക​ളാ​ണ് ചെ​യ്യു​ന്ന​ത്. കൃ​ത്യ​മാ​യ കാ​ലാ​വ​സ്ഥ​യും ജ​ല​പ്ര​വാ​ഹ​ങ്ങ​ളു​മാ​ണ് മ​ത്സ്യോ​ൽ​പാ​ദ​ന​ത്തി​െൻറ മാ​ന​ദ​ണ്ഡം. കാ​ല​വ​ർ​ഷം ഒ​ന്നു പി​ഴ​ച്ചാ​ൽ, മ​ഴ നേ​ര​േ​ത്ത വ​ന്നാ​ൽ, മ​ഴ പെ​യ്യാ​ൻ അ​ൽ​പം വൈ​കി​യാ​ൽ, ചൂ​ടു കൂ​ടി​യാ​ൽ എ​ല്ലാം മ​ത്സ്യ​ത്തൊ​ഴി​ലാ​ളി​ക​ളു​ടെ നെ​ഞ്ചി​ടി​പ്പേ​റും. ചൂ​ടു കൂ​ടു​മ്പോ​ൾ മ​ത്സ്യ​ങ്ങ​ളു​ടെ ഭ​ക്ഷ​ണ​മാ​യ പ്ല​വ​ക​ങ്ങ​ളു​ടെ ല​ഭ്യ​ത​യി​ൽ കാ​ര്യ​മാ​യ കു​റ​വു​ണ്ടാ​വും. ഒ​പ്പം മ​ഴ​യു​ടെ അ​ള​വും കു​റ​യു​മ്പോ​ള്‍ പു​ഴ​ക​ളി​ലെ വെ​ള്ളം ക​ട​ലി​ല്‍ എ​ത്താ​തെ​യാ​വും. മീ​നു​ക​ള്‍ മു​ട്ട​യി​ടു​ന്ന സ​മ​യ​ങ്ങ​ളി​ലും മാ​റ്റം ഉ​ണ്ടാ​വു​ന്നു. മ​ത്സ്യ​ങ്ങ​ള്‍ പ​തി​വി​ലും നേ​ര​േ​ത്ത മു​ട്ട ഇ​ടു​ന്ന സ്ഥി​യു​ണ്ടാ​വും. ഇ​ക്കാ​ര​ണ​ത്താ​ൽ മു​ട്ട​യു​ടെ​യും അ​തി​ല്‍നി​ന്ന്​ വി​രി​ഞ്ഞു​ണ്ടാ​കു​ന്ന കു​ഞ്ഞു​ങ്ങ​ളു​ടെ​യും എ​ണ്ണ​ത്തി​ൽ കു​റ​വു​ണ്ടാ​കു​മെ​ന്ന് സ​മു​ദ്ര മ​ത്സ്യ ഗ​വേ​ഷ​ക​ർ ചൂ​ണ്ടി​ക്കാ​ട്ടു​ന്നു.

കാ​ലാ​വ​സ്ഥ​യി​ൽ പ്ര​ക​ട​മാ​യ താ​ളം​തെ​റ്റ​ൽ തു​ട​ങ്ങി​യ​തോ​ടെ​യാ​ണ് 2012നു ​ശേ​ഷം മീ​ൻ ല​ഭ്യ​ത കു​റ​ഞ്ഞ​ത്. അ​വി​ടം മു​ത​ലാ​ണ്​ തീ​ര​വാ​സി​ക​ളു​ടെ ജീ​വി​ത​ത്തി​ലും ഉ​പ്പു ക​ല​രാ​ൻ തു​ട​ങ്ങി​യ​ത്.

ക​ട​ലി​നോ​ട്​ അ​ങ്കം വെ​ട്ടി​യാ​ണ്​ മ​ത്സ്യ​ത്തൊ​ഴി​ലാ​ളി​ക​ളു​ടെ ജീ​വി​തം. എ​ങ്കി​ലും ജീ​വി​തം​ തോ​ൽ​ക്കാ​നു​ള്ള​ത​ല്ലെ​ന്ന്​ ഏ​ണ​സ്​​റ്റ്​ ഹെ​മി​ങ്​ വേ​യു​ടെ വി​ഖ്യാ​ത നോ​വ​ലി​ലെ കി​ഴ​വ​ൻ പ​റ​യു​ന്നു​ണ്ട്. അ​തു​പോ​ലെ മാ​നം തെ​ളി​യു​ന്ന​തും ക​ട​ൽ ക​നി​യു​ന്ന​തും കാ​ത്ത്​ അ​വ​ർ തീ​ര​ത്തു​ത​ന്നെ​യു​ണ്ടാ​വും.

(അ​വ​സാ​നി​ച്ചു)