മലപ്പുറം ജില്ലയിൽ കോവിഡ് രോഗികളിൽ വർധന

മ​ല​പ്പു​റം: ജി​ല്ല​യി​ൽ കോ​വി​ഡ് രോ​ഗി​ക​ളു​ടെ എ​ണ്ണം വ​ർ​ധി​ക്കു​ന്നു. പ്രാ​യ​മാ​യ​വ​രാ​ണ് അ​ധി​ക​വും ചി​കി​ത്സ തേ​ടു​ന്ന​ത്. ഇ​വ​രി​ൽ പ​ല​രും മ​റ്റ് അ​സു​ഖ​ങ്ങ​ളു​മാ​യി എ​ത്തു​ന്ന​വ​രാ​ണ്. മ​ല​പ്പു​റം താ​ലൂ​ക്ക് ആ​ശു​പ​ത്രി​യി​ലും മ​ഞ്ചേ​രി മെ​ഡി​ക്ക​ൽ കോ​ള​ജ് ആശുപത്രിയിലും നി​ല​വി​ൽ ചി​കി​ത്സ തേ​ടു​ന്ന​വ​രി​ൽ പ​ല​ർ​ക്കും കോ​വി​ഡ് സ്ഥി​രീ​ക​രി​ക്കു​ന്നു​ണ്ട്. പ​നി, ചു​മ, തൊ​ണ്ട​വേ​ദ​ന, ഛർ​ദി തു​ട​ങ്ങി​യ ല​ക്ഷ​ണ​ങ്ങ​ളു​മാ​യി എ​ത്തു​ന്ന​വ​രി​ലാ​ണ് കൂ​ടു​ത​ൽ രോ​ഗം സ്ഥി​രീ​ക​രി​ക്കു​ന്ന​ത്.

ക​ഴി​ഞ്ഞ ആ​ഴ്ച വ​രെ ജി​ല്ല​യി​ൽ 10 മു​ത​ൽ 14 വ​രെ കോ​വി​ഡ് കേ​സു​ക​ളാ​ണ് ഉ​ണ്ടാ​യി​രു​ന്ന​ത്. ചൊ​വ്വാ​ഴ്ച 32 കേ​സു​ക​ളാ​ണ് സ്ഥി​രീ​ക​രി​ച്ച​ത്. ഇ​തു​വ​രെ ആ​കെ 78 പേ​ർ​ക്കാ​ണ് രോ​ഗ​ബാ​ധ. മ​ല​പ്പു​റം താ​ലൂ​ക്ക് ആ​ശു​പ​ത്രി​യി​ൽ ബു​ധ​നാ​ഴ്ച 12 കേ​സു​ക​ൾ പ​രി​ശോ​ധി​ച്ച​തി​ൽ അ​ഞ്ചു​പേ​ർ​ക്ക് രോ​ഗം സ്ഥി​രീ​ക​രി​ച്ചു. മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും കോ​വി​ഡ് രോ​ഗി​ക​ളു​ടെ എ​ണ്ണ​ത്തി​ൽ വ​ർ​ധ​ന​വ​ണ്ട്. രോ​ഗ​ബാ​ധ നി​യ​ന്ത്രി​ക്കാ​ൻ ആ​രോ​ഗ്യ​വ​കു​പ്പ് ആ​ശു​പ​ത്രി​ക​ൾ​ക്ക് ക​ർ​ശ​ന നി​ർ​ദേ​ശം ന​ൽ​കി. രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും ആ​ശു​പ​ത്രി​ക​ളി​ൽ എ​ത്തു​ന്ന​വ​ർ​ക്കു​മെ​ല്ലാം മാ​സ്ക് ക​ർ​ശ​ന​മാ​ക്കി. മാ​സ്ക് ഇ​ല്ലാ​തെ എ​ത്തു​ന്ന​വ​രെ പ​രി​ശോ​ധി​ക്ക​രു​തെ​ന്ന് ജി​ല്ല ആ​രോ​ഗ്യ വ​കു​പ്പ് ആ​ശു​പ​ത്രി​ക​ൾ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്. വി​ഷു, ഈ​സ്റ്റ​ർ, പെ​രു​ന്നാ​ൾ തു​ട​ങ്ങി​യ ആ​ഘോ​ഷ​ങ്ങ​ൾ അ​ടു​ത്തെ​ത്തി​യ​തി​നാ​ൽ ജ​ന​സ​മ്പ​ർ​ക്കം ഉ​യ​രും. ഈ ​സാ​ഹ​ച​ര്യ​ത്തി​ൽ കോ​വി​ഡ് കേ​സു​ക​ൾ ഇ​നി​യും ഉ​യ​രാ​നി​ട​യു​ണ്ട്. പൊ​തു​ഇ​ട​ങ്ങ​ളി​ലും ആ​ഘോ​ഷ വേ​ള​ക​ളി​ലും മാ​സ്ക് ധ​രി​ക്കാ​നും കോ​വി​ഡ് മാ​ന​ദ​ണ്ഡ​ങ്ങ​ൾ പാ​ലി​ക്കാ​നും ജി​ല്ല ആ​രോ​ഗ്യ​വ​കു​പ്പ് നി​ർ​ദേ​ശം ന​ൽ​കി.