ചേ​ലേ​മ്പ്ര​യി​ൽ ജ​ൽ​ജീ​വ​ൻ മി​ഷ​ൻ അ​വ​ലോ​ക​ന​യോ​ഗം

ചേ​ലേ​മ്പ്ര: ജ​ൽ​ജീ​വ​ൻ മി​ഷ​ൻ പ്ര​വൃ​ത്തി​യു​ടെ മെ​ല്ലെ​പ്പോ​ക്കി​നെ തു​ട​ർ​ന്ന് നി​ർ​വ​ഹ​ണ വ​കു​പ്പാ​യ ജ​ല അ​തോ​റി​റ്റി​യു​ടെ ഉ​ന്ന​ത ഉ​ദ്യോ​ഗ​സ്ഥ​രു​ടെ യോ​ഗം ചേ​ലേ​മ്പ്ര ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി വി​ളി​ച്ചു​ചേ​ർ​ത്തു. കാ​ല​വ​ർ​ഷം ശ​ക്തി പ്രാ​പി​ച്ച​തോ​ടെ ജ​ല​ജീ​വ​ൻ മി​ഷ​ൻ പൈ​പ്പ് ലൈ​ൻ സ്ഥാ​പി​ക്കു​ന്ന​തി​ന്റെ ഭാ​ഗ​മാ​യി പൊ​ളി​ച്ച റോ​ഡു​ക​ൾ താ​റു​മാ​റാ​യ​തി​ലും പ​ണി ഇ​ഴ​ഞ്ഞു​നീ​ങ്ങു​ന്ന​തി​ലും പ്ര​വൃ​ത്തി​യി​ലെ പോ​രാ​യ്മ​ക​ളിലും ജ​ന​പ്ര​തി​നി​ധി​ക​ൾ ശ​ക്ത​മാ​യ പ്ര​തി​ഷേ​ധം രേ​ഖ​പ്പെ​ടു​ത്തി. തു​ട​ർ​ന്നു​ള്ള പ്ര​വൃ​ത്തി​ക​ൾ വേ​ഗ​ത്തി​ൽ ചെ​യ്യാ​നും പ​ഞ്ചാ​യ​ത്തി​ലെ ത​ക​ർ​ന്ന പ്ര​ധാ​ന​പ്പെ​ട്ട റോ​ഡു​ക​ൾ എ​ത്ര​യും പെ​ട്ടെ​ന്ന് പൂ​ർ​വ​സ്ഥി​തി​യി​ലാ​ക്കാ​നും നി​ർ​ദേ​ശം ന​ൽ​കി. പ​ല റോ​ഡു​ക​ളി​ലൂ​ടെ​യും സ്കൂ​ൾ വാ​ഹ​ന​ങ്ങ​ൾ​ക്കും ഓ​ട്ടോ​റി​ക്ഷ​ക​ൾ​ക്കും പോ​കാ​നും കാ​ൽ​ന​ട​യാ​ത്ര​ക്കും പ്ര​യാ​സം നേ​രി​ടു​ന്ന അ​വ​സ്ഥ​യാ​ണ് ഉ​ള്ള​ത്.

306 കി​ലോ​മീ​റ്റ​ർ പൈ​പ്പ് ലൈ​ൻ സ്ഥാ​പി​ക്കേ​ണ്ട സ്ഥാ​ന​ത്ത് 124 കി​ലോ​മീ​റ്റ​ർ മാ​ത്ര​മേ പൂ​ർ​ത്തി​യാ​യു​ള്ളൂ. 7,641 ഗാ​ർ​ഹി​ക ക​ണ​ക്ഷ​ൻ കൊ​ടു​ക്കേ​ണ്ട സ്ഥാ​ന​ത്ത് 2,086 എ​ണ്ണം പൂ​ർ​ത്തി​യാ​ക്കി. 18 കി​ലോ​മീ​റ്റ​ർ റോ​ഡു​ക​ൾ അ​റ്റ​കു​റ്റ​പ്പ​ണി ചെ​യ്യാ​നു​ണ്ട്. റോ​ഡ് അ​റ്റ​കു​റ്റ​പ്പ​ണി ചെ​യ്യാ​ൻ പ​ത്തു കോ​ടി അ​നു​വ​ദി​ച്ചെ​ങ്കി​ലും പ്ര​വൃ​ത്തി തു​ട​ങ്ങാ​നു​ള്ള ഒ​രു ന​ട​പ​ടി​യും ബ​ന്ധ​പ്പെ​ട്ട വ​കു​പ്പു​ക​ൾ സ്വീ​ക​രി​ച്ചി​ട്ടു​മി​ല്ല. ശു​ദ്ധീ​ക​ര​ണ​ശാ​ല​യു​ടെ​യും കി​ണ​റി​ന്റെ​യും പ​ണി 80 ശ​ത​മാ​നം പൂ​ർ​ത്തി​യാ​ക്കി​യി​ട്ടു​ണ്ട്.

പ​ഞ്ചാ​യ​ത്ത് പ്ര​സി​ഡ​ന്റ് ടി.​പി. സ​മീ​റ അ​ധ്യ​ക്ഷ​ത വ​ഹി​ച്ചു. വൈ​സ് പ്ര​സി​ഡ​ന്റ് കെ.​പി. ദേ​വ​ദാ​സ്, ജ​ല അ​തോ​റി​റ്റി അ​സി​സ്റ്റ​ന്റ് എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ ജോ​ബി ജോ​സ​ഫ്, അ​സി​സ്റ്റ​ന്റ് എ​ൻ​ജി​നീ​യ​ർ ഷി​ബി​ൻ, പ​ഞ്ചാ​യ​ത്ത് സെ​ക്ര​ട്ട​റി ആ​യി​ഷ റ​ഹ്ഫ​ത് കോ​യ, അ​ഖി​ൽ തുടങ്ങിയവർ സം​ബ​ന്ധി​ച്ചു.