സൗ​ത്ത് പ​ല്ലാ​റി​ൽ പ​ന്ത​ലൊ​രു​ക്കി സ​മ​ര​സ​മി​തി ജാ​ഗ്ര​ത​യി​ൽ

തി​രു​നാ​വാ​യ: പ​ഞ്ചാ​യ​ത്തി​ൽ ഇ​നി സി​ൽ​വ​ർ ലൈ​ൻ സ​ർ​വേ ന​ട​ക്കാ​നു​ള്ള സൗ​ത്ത് പ​ല്ലാ​റി​ൽ സ​മ​ര​സ​മി​തി ജാ​ഗ്ര​ത​യി​ൽ. ശ​ക്ത​മാ​യ പ്ര​തി​ഷേ​ധ​ത്തെ തു​ട​ർ​ന്ന് നാ​ലു ദി​വ​സ​മാ​യി ന​ട​ക്കാ​തെ പോ​യ സൗ​ത്ത് പ​ല്ലാ​ർ ഭാ​ഗ​ത്തെ സ​ർ​വേ ചെ​റു​ക്കാ​ൻ സ​മ​ര​സ​മി​തി സ്ഥി​രം പ​ന്ത​ലൊ​രു​ക്കി ജാ​ഗ്ര​ത​യോ​ടെ കാ​ത്തി​രി​ക്കു​ക​യാ​ണ്. ഇ​വി​ടേ​ക്ക് എ​ത്തി​ച്ചേ​രാ​ൻ പ​റ്റു​ന്ന വ​ഴി​ക​ളി​ലെ​ല്ലാം സ​മ​ര​ഭ​ട​ന്മാ​ർ സ​ജീ​വം. സ​ർ​വേ ഉ​ദ്യോ​ഗ​സ്ഥ​ർ ക​ട​ന്നു​വ​ന്ന​താ​യി എ​ന്തെ​ങ്കി​ലും സൂ​ച​ന​ക​ൾ ല​ഭി​ച്ചാ​ൽ വി​വ​രം വാ​ട്സ്ആ​പ് വ​ഴി സ​മ​ര​പ്പ​ന്ത​ലി​ലെ​ത്തും. അ​വി​ടെ നി​ന്ന് നി​മി​ഷ​നേ​രം കൊ​ണ്ട് നാ​ടി​ന്‍റെ മു​ക്കി​ലും മൂ​ല​യി​ലു​മെ​ത്തും.

അ​തോ​ടെ നാ​ടി​ള​കും. ജ​നം ഇ​ര​ച്ചെ​ത്തും. അ​ത്ര​യും വ​ലി​യ സം​വി​ധാ​ന​മാ​ണ് ഇ​വി​ടെ ഒ​രു​ക്കി​യി​രി​ക്കു​ന്ന​ത്. ഈ ​പ്ര​ദേ​ശ​ത്ത് താ​ൽ​ക്കാ​ലി​ക​മാ​യി സ​ർ​വേ നി​ർ​ത്തി​വെ​ച്ച​താ​യും റ​മ​ദാ​ന്​ ശേ​ഷ​മേ ഇ​നി തു​ട​ങ്ങൂ എ​ന്നൊ​ക്കെ പ്ര​ചാ​ര​ണം ന​ട​ക്കു​ന്നു​ണ്ടെ​ങ്കി​ലും അ​തൊ​ന്നും സ​മ​ര​സ​മി​തി മു​ഖ​വി​ല​യ്ക്കെ​ടു​ത്തി​ട്ടി​ല്ല. മു​ന്ന​റി​യി​പ്പി​ല്ലാ​തെ ഏ​തു സ​മ​യ​ത്തും വ​ന്ന് സ​ർ​വേ ന​ട​ത്താ​നു​ള്ള സാ​ധ്യ​ത ക​ണ​ക്കി​ലെ​ടു​ത്ത് ഇ​വി​ടേ​ക്കു​ള്ള എ​ല്ലാ വ​ഴി​ക​ളും സ​മ​ര​ക്കാ​രു​ടെ നി​രീ​ക്ഷ​ണ​ത്തി​ലാ​ണ്.

തി​രു​നാ​വാ​യ വി​ല്ലേ​ജി​ന്‍റെ അ​തി​ർ​ത്തി പ്ര​ദേ​ശ​മാ​യ പാ​ല​പ്പ​റ​മ്പി​ലാ​ണ് പ​ന്ത​ൽ കെ​ട്ടി സ​മ​രം തു​ട​ങ്ങി​യി​ട്ടു​ള്ള​ത്. പാ​ട​ത്തി​ന്‍റെ ന​ടു​ക്കാ​യ​തി​നാ​ലും ഒ​രു​ഭാ​ഗം നി​ല​വി​ലെ റെ​യി​ൽ​പാ​ത ഉ​ള്ള​തി​നാ​ലും ഇ​വി​ടേ​ക്ക് വ​ലി​യ പൊ​ലീ​സ് സ​ന്നാ​ഹ​ത്തി​ന് വാ​ഹ​ന​ത്തി​ൽ എ​ത്തി​പ്പെ​ടാ​ൻ പ​റ്റാ​ത്ത അ​വ​സ്ഥ​യു​മു​ണ്ട്. ഒ​രു കാ​ര​ണ​വ​ശാ​ലും സ​ർ​വേ ന​ട​ത്താ​ൻ സ​മ്മ​തി​ക്കി​ല്ലെ​ന്നാ​ണ് ഇ​ര​ക​ളാ​യ കു​ടും​ബ​ങ്ങ​ളു​ടെ​യും സ​മ​ര​സ​മി​തി​യു​ടെ​യും തീ​രു​മാ​നം.

നി​ല​വി​ൽ ര​ണ്ടാ​യി മു​റി​ച്ചു​മാ​റ്റി​യ പ​ല്ലാ​റി​നെ ഇ​നി​യും വി​ഭ​ജി​ച്ചാ​ൽ ഈ ​നാ​ട് തീ​ർ​ത്തും ഒ​റ്റ​പ്പെ​ടു​മെ​ന്ന ഭ​യ​ത്താ​ലാ​ണ് സ​മ​രം ശ​ക്ത​മാ​കാ​ൻ കാ​ര​ണം. ഇ​തി​നി​ട​യി​ൽ സി​ൽ​വ​ർ ലൈ​ൻ വി​രു​ദ്ധ സ​മ​ര ജാ​ഥ​യു​ടെ സ​മാ​പ​ന​ത്തി​ൽ പ​ങ്കെ​ടു​ക്കാ​ൻ സൗ​ത്ത് പ​ല്ലാ​ർ സ​മ​ര​സ​മി​തി അം​ഗ​ങ്ങ​ൾ വ്യാ​ഴാ​ഴ്ച തി​രു​വ​ന​ന്ത​പു​ര​ത്തേ​ക്ക് യാ​ത്ര തി​രി​ച്ചു.