നാട് കീഴടക്കി ഇ-കോമേഴ്സ് സ്ഥാപനങ്ങൾ; ജീവിതം വഴിമുട്ടി ചെറുകിട വ്യാപാരികൾ

കാ​ളി​കാ​വ്: ഓ​ൺ​ലൈ​നി​ൽ വ്യാ​പാ​രം ന​ട​ത്തു​ന്ന ഇ-​കോ​മേ​ഴ്സ് സ്ഥാ​പ​ന​ങ്ങ​ൾ നാ​ട് കീ​ഴ​ട​ക്കി​യ​തോ​ടെ ചെ​റു​കി​ട വ്യാ​പാ​രി​ക​ൾ ആ​ത്മ​ഹ​ത്യ മു​ന​മ്പി​ൽ. ഗ്രാ​മീ​ണ മേ​ഖ​ല​യി​ൽ പൂ​ട്ടി​പ്പോ​യ വ്യാ​പാ​ര സ്ഥാ​പ​ന​ങ്ങ​ളു​ടെ ക​ണ​ക്ക് ഞെ​ട്ടി​ക്കു​ന്ന​താ​ണ്. സം​ഘ​ട​ന​ക​ളു​ടെ ക​ണ​ക്ക​നു​സ​രി​ച്ച് 10.5 ല​ക്ഷം വ്യാ​പാ​രി​ക​ളാ​ണ് സം​സ്ഥാ​ന​ത്തു​ള്ള​ത്. ഓ​രോ പ​ഞ്ചാ​യ​ത്തി​ലും 20-25 ശ​ത​മാ​നം വ്യാ​പാ​ര സ്ഥാ​പ​ന​ങ്ങ​ൾ പൂ​ട്ടി​യ​താ​യാ​ണ് ക​ണ​ക്കാ​ക്കു​ന്ന​ത്. ല​ക്ഷ​ക്ക​ണ​ക്കി​ന് അ​നു​ബ​ന്ധ തൊ​ഴി​ലാ​ളി​ക​ളും ഇ​തി​ലൂ​ടെ വ​ഴി​യാ​ധാ​ര​മാ​കു​ന്നു.

ഇ-​കോ​മേ​ഴ്സ് സ്ഥാ​പ​ന​ങ്ങ​ളു​ടെ ക​ട​ന്നു​ക​യ​റ്റ​മാ​ണ് കാ​ര്യ​മാ​യി ബാ​ധി​ച്ച​ത്. ഇ​തി​നു​പു​റ​മെ കെ​ട്ടി​ട​വാ​ട​ക ജി.​എ​സ്.​ടി കൂ​ടി വ​ന്ന​ത് മ​റ്റൊ​രു പ്ര​തി​സ​ന്ധി​യാ​യ​താ​യും അ​യ​ൽ​സം​സ്ഥാ​ന​ങ്ങ​ൾ വ്യ​വ​സാ​യ- വ്യാ​പാ​ര സൗ​ഹൃ​ദ​മാ​കു​മ്പോ​ൾ കേ​ര​ളം നി​കു​തി​യി​ത​ര നി​ബ​ന്ധ​ന​ക​ൾ ക​ടു​പ്പി​ക്കു​ന്ന നി​ല​പാ​ടാ​ണ് സ്വീ​ക​രി​ക്കു​ന്ന​തെ​ന്നും വ്യാ​പാ​രി​ക​ൾ പ​റ​യു​ന്നു. ഒ​രു​ത​ര​ത്തി​ലു​ള്ള നി​യ​ന്ത്ര​ണ​മോ നി​യ​മ​മോ ഫീ​സോ ആ​വ​ശ്യ​മി​ല്ലാ​ത്ത ഓ​ൺ​ലൈ​ൻ വ്യാ​പാ​രം സ​ജീ​വ​മാ​ണ്. ഓ​ൺ​ലൈ​ൻ വ്യാ​പാ​ര​ത്തി​ന് സെ​സ് ഏ​ർ​പ്പെ​ടു​ത്ത​ണ​മെ​ന്നാ​ണ് വ്യാ​പാ​രി സം​ഘ​ട​ന​ക​ളു​ടെ ആ​വ​ശ്യം.

ഇ​തോ​ടൊ​പ്പം, മാ​ളു​ക​ളും ത​ങ്ങ​ൾ​ക്ക് ഭീ​ഷ​ണി​യാ​യ​താ​യി ചെ​റു​കി​ട വ്യാ​പാ​രി​ക​ൾ പ​റ​യു​ന്നു. ആ​ഗോ​ള ഭീ​മ​ൻ​മാ​രു​ടെ നേ​രി​ട്ടു​ള്ള നി​യ​ന്ത്ര​ണ​ത്തി​ലാ​ണ് ഇ-​കോ​മേ​ഴ്‌​സ് സം​വി​ധാ​നം. അ​തു​വ​ഴി പ​ണം പു​റ​ത്തേ​ക്ക് ക​ട​ക്കു​ന്ന​ത് സം​സ്ഥാ​ന​ത്തി​ന്റെ സ​മ്പ​ദ്ഘ​ട​ന​യെ​യും ബാ​ധി​ക്കു​ന്നു. തു​ണി​ക്ക​ട​ക​ളും ഗൃ​ഹോ​പ​ക​ര​ണ ക​ട​ക​ളും കെ​ട്ടി​ട​വാ​ട​ക പോ​ലും ന​ൽ​കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ്. റൂം ​ഫോ​ർ റെൻറ്, പ​കു​തി വി​ല​ക്ക് വി​റ്റ​ഴി​ക്ക​ൽ തു​ട​ങ്ങി​യ ബോ​ർ​ഡു​ക​ളാ​ണ് അ​ങ്ങാ​ടി​ക​ളി​ലെ​വി​ടെ​യും. വ്യാ​പാ​രി​ക​ൾ​ക്ക് ഇ​ൻ​ഷു​റ​ൻ​സ് പ​രി​ര​ക്ഷ ന​ൽ​കു​ക, വാ​യ്പ​യു​ടെ പ​ലി​ശ​യി​ലെ നി​ശ്ചി​ത ശ​ത​മാ​നം വ്യാ​പാ​രി​ക​ൾ​ക്ക് തി​രി​ച്ചു ന​ൽ​കു​ക, ഇ​ൻ​ഷു​റ​ൻ​സ് പ്രീ​മി​യ​ത്തി​ന്റെ അ​മ്പ​ത് ശ​ത​മാ​നം സ​ബ്സി​ഡി ന​ൽ​കു​ക തു​ട​ങ്ങി​യ ആ​വ​ശ്യ​ങ്ങ​ളാ​ണ് വ്യാ​പാ​രി​ക​ൾ മു​ന്നോ​ട്ടു​വെ​ക്കു​ന്ന​ത്.