ക്ലാ​സ് മു​റി​ക​ളി​ലേ​ക്ക്​ കോ​ണി​യി​ല്ലാ​​​തെ ​കെട്ടിടം പണിത സംഭവം: സം​സ്ഥാ​ന ത​ദ്ദേ​ശ സ്വ​യം​ഭ​ര​ണ വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി​യും ചീ​ഫ് എ​ൻ​ജി​നീ​യ​റും വി​ശ​ദീ​ക​ര​ണം തേ​ടി

കാ​ളി​കാ​വ്: മാ​ളി​യേ​ക്ക​ൽ ഗ​വ. യു.​പി സ്കൂ​ൾ കെ​ട്ടി​ട നി​ർ​മാ​ണ​ത്തി​ലെ അ​പാ​ക​ത സം​ബ​ന്ധി​ച്ച്​ സം​സ്ഥാ​ന ത​ദ്ദേ​ശ സ്വ​യം​ഭ​ര​ണ വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി​യും ചീ​ഫ് എ​ൻ​ജി​നീ​യ​റും വി​ശ​ദീ​ക​ര​ണം തേ​ടി. സ്കൂ​ളി​ൽ കോ​ണി​പ്പ​ടി നി​ർ​മി​ക്കാ​ത്ത​തു​മാ​യി ബ​ന്ധ​പ്പെ​ട്ട മാ​ധ്യ​മ​വാ​ർ​ത്ത​യെ തു​ട​ർ​ന്നാ​ണ് ഉ​ന്ന​ത ഉ​ദ്യോ​ഗ​സ്ഥ​ർ വി​ശ​ദീ​ക​ര​ണം തേ​ടി​യ​ത്. നി​ല​വി​ലെ പ്രീ ​പ്രൈ​മ​റി കെ​ട്ടി​ട​ത്തി​നു മു​ക​ളി​ൽ നി​ർ​മി​ച്ച ര​ണ്ടു ക്ലാ​സ് മു​റി​ക​ളി​ലേ​ക്ക്​ ക​യ​റാ​ൻ കോ​ണി​യി​ല്ലാ​ത്ത​താ​ണ് വാ​ർ​ത്ത​യാ​യ​ത്. നാ​ട്ടു​കാ​ർ ഫു​ട്ബാ​ൾ ടൂ​ർ​ണ​മെ​ന്റ് സം​ഘ​ടി​പ്പി​ച്ചും സം​ഭാ​വ​ന​ക​ളാ​യും സ​മാ​ഹ​രി​ച്ച നാ​ലു ല​ക്ഷ​വും പ​ഞ്ചാ​യ​ത്തി​ന്‍റെ അ​ഞ്ച് ല​ക്ഷ​വും ചെ​ല​വ​ഴി​ച്ചാ​ണ് ര​ണ്ടു ക്ലാ​സ് മു​റി​ക​ൾ നി​ർ​മി​ച്ച​ത്. കെ​ട്ടി​ട നി​ർ​മാ​ണം പൂ​ർ​ത്തി​യാ​യി ഒ​രു വ​ർ​ഷ​ത്തി​ല​ധി​ക​മാ​യെ​ങ്കി​ലും കോ​ണി​പ്പ​ടി ഇ​തേ​വ​രെ നി​ർ​മി​ച്ചി​ട്ടി​ല്ല. കെ​ട്ടി​ട​ത്തി​ന്‍റെ പെ​യ്ന്‍റി​ങ് പ്ര​വൃ​ത്തി മാ​ത്ര​മേ ഇ​നി പൂ​ർ​ത്തീ​ക​രി​ക്കാ​നു​ള്ളൂ.

ത​ദ്ദേ​ശ സ്വ​യം​ഭ​ര​ണ വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി ചോ​ക്കാ​ട് ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​യോ​ടാ​ണ് വി​ശ​ദീ​ക​ര​ണം തേ​ടി​യ​ത്. ചീ​ഫ് എ​ൻ​ജി​നീ​യ​ർ കാ​ളി​കാ​വ് ബ്ലോ​ക്ക് അ​സി​സ്റ്റ​ന്‍റ്​ എ​ക്സി​ക്യൂ​ട്ടി​വ് എ​ൻ​ജി​നീ​യ​റോ​ടാ​ണ് വി​ശ​ദീ​ക​ര​ണം തേ​ടി​യത്. കാ​ളി​കാ​വ് ബ്ലോ​ക്ക് അ​സി​സ്റ്റ​ന്‍റ്​ എ​ക്സി​ക്യൂ​ട്ടി​വ് എ​ൻ​ജി​നീ​യ​ർ എ​ൻ. അ​നി​ൽ കു​മാ​ർ സം​ഭ​വ സ്ഥ​ലം സ​ന്ദ​ർ​ശി​ച്ച് സം​സ്ഥാ​ന ചീ​ഫ് എ​ൻ​ജി​നീ​യ​ർ​ക്ക് റി​പ്പോ​ർ​ട്ട് ന​ൽ​കി.

പ്ര​ശ്ന​പ​രി​ഹാ​ര​ത്തി​ന് ന​ട​പ​ടി നേ​ര​ത്തേ തു​ട​ങ്ങി​യി​ട്ടു​ണ്ടെ​ന്ന് കാ​ണി​ച്ചാ​ണ്​ ഡി.​ഡി.​പി മു​ഖേ​ന പ്രി​ൻ​സി​പ്പ​ൽ സെ​ക്ര​ട്ട​റി​ക്ക് ചോ​ക്കാ​ട് പ​ഞ്ചാ​യ​ത്ത് സെ​ക്ര​ട്ട​റി പി. ​രാ​ഘ​വ​ൻ റി​പ്പോ​ർ​ട്ട് ന​ൽ​കി​യ​ത്. കെ​ട്ടി​ട​ത്തി​ന്‍റെ അ​പാ​ക​ത​ക​ൾ പ​രി​ഹ​രി​ക്കു​ന്ന​തി​ന് കോ​ണി​പ്പ​ടി നി​ർ​മി​ക്കു​ന്ന​തി​ന്​ ടെ​ൻ​ഡ​ർ ന​ട​പ​ടി​ക​ൾ തു​ട​ങ്ങി​യ​താ​യും ഉ​ട​ൻ പ​രി​ഹ​രി​ക്കാ​നാ​കു​മെ​ന്നും റി​പ്പോ​ർ​ട്ടി​ൽ പ​രാ​മ​ർ​ശി​ച്ചി​ട്ടു​ണ്ട്.

മാ​ളി​യേ​ക്ക​ൽ ഗ​വ. യു.​പി സ്കൂ​ൾ കെ​ട്ടി​ട​ത്തി​ന് കോ​ണി​പ്പ​ടി ഇ​ല്ലാ​തെ ഒ​ന്നാം നി​ല പ​ണി​ത വാ​ർ​ത്ത പു​റ​ത്ത് വ​ന്ന​തോ​ടെ നി​ർ​മാ​ണ മേ​ഖ​ല​യി​ൽ സം​സ്ഥാ​ന​ത്തു​ട​നീ​ളം ജാ​ഗ്ര​ത പു​ല​ർ​ത്താ​ൻ നി​ർ​ദേ​ശ​മു​ള്ള​താ​യി അ​റി​യു​ന്നു. എ​ൻ​ജി​നീ​യ​റി​ങ്​ വി​ഭാ​ഗ​വും ക​രാ​റു​കാ​രും ജ​ന​പ്ര​തി​നി​ധി​ക​ളും ചേ​ർ​ന്ന്‌ ന​ട​ത്തു​ന്ന പ്ര​വൃ​ത്തി​ക​ൾ കൃ​ത്യ​മാ​യ പ​രി​ശോ​ധ​ന ന​ട​ത്താ​ൻ പ്ര​ത്യേ​ക നി​ർ​ദേ​ശ​ങ്ങ​ളും അ​ധി​കൃ​ത​ർ​ക്ക് ഉ​ന്ന​ത​ർ ന​ൽ​കി​യി​ട്ടു​ണ്ട്. കോ​ണി നി​ർ​മി​ക്കാ​ൻ ഫ​ണ്ട് കു​റ​വാ​ണ് ത​ട​സ്സ​മാ​യ​തെ​ന്ന​റി​യു​ന്നു.