പൊ​തു​പ്ര​വ​ർ​ത്ത​ക​രു​ടെ ഇ​ട​പെ​ട​ൽ തു​ണ​യാ​യി; വെ​ള്ള​ന്റെ വീ​ട്ടി​ൽ വൈ​ദ്യു​തി ക​ണ​ക്ഷ​ൻ പു​നഃ​സ്ഥാ​പി​ച്ചു

കാ​ളി​കാ​വ്: പ​ന്നി​ക്കോ​ട്ടു​മു​ണ്ട നെ​ല്ലി​യാ​മ്പാ​ടം കോ​ള​നി​യി​ലെ വെ​ള്ള​ന്റെ വീ​ട്ടി​ൽ വൈ​ദ്യു​തി ക​ണ​ക്ഷ​ൻ പു​നഃ​സ്ഥാ​പി​ച്ചു. വാ​ർ​ഡ് അം​ഗം സ​ലീ​ന, ഭ​ർ​ത്താ​വും പൊ​തു​പ്ര​വ​ർ​ത്ത​ക​നു​മാ​യ കെ.​ടി. മ​ജീ​ദ് എ​ന്നി​വ​രു​ടെ ഇ​ട​പെ​ട​ലാ​ണ് തു​ണ​യാ​യ​ത്. സു​മ​ന​സ്സു​ക​ൾ ഇ​ട​പെ​ട്ട് 24,500 രൂ​പ​യു​ടെ കു​ടി​ശ്ശി​ക തീ​ർ​ത്ത​തോ​ടെ​യാ​ണ് വെ​ള്ള​ന്റെ വീ​ട്ടി​ൽ വെ​ളി​ച്ചം തെ​ളി​ഞ്ഞ​ത്.

നേ​ര​ത്തേ സൗ​ജ​ന്യ ക​ണ​ക്ഷ​ൻ എ​ന്ന നി​ല​യി​ലാ​ണ് ആ​ദി​വാ​സി​ക​ൾ​ക്ക് വൈ​ദ്യു​തി ന​ൽ​കി​യി​രു​ന്ന​ത്. സൗ​ജ​ന്യ​മാ​യി ഉ​പ​യോ​ഗി​ക്കാ​വു​ന്ന​തി​ന്റെ പ​രി​ധി ക​വി​ഞ്ഞെ​ന്ന് പ​റ​ഞ്ഞ് കെ.​എ​സ്.​ഇ.​ബി കു​ടി​ശ്ശി​ക ബി​ൽ ന​ൽ​കി. നി​ർ​ദി​ഷ്ട തീ​യ​തി​ക്ക​കം ബി​ൽ അ​ട​ക്കാ​ത്ത​തി​നാ​ൽ ക​ണ​ക്ഷ​ൻ വി​ച്ഛേ​ദി​ച്ചു. ഇ​തേ​ക്കു​റി​ച്ച് ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. വെ​ള്ള​ന് എ​ട്ടാം ക്ലാ​സ് മു​ത​ൽ പ്ല​സ് ടു ​വ​രെ പ​ഠി​ക്കു​ന്ന നാ​ല് കു​ട്ടി​ക​ളു​ണ്ട്. കു​ട്ടി​ക​ളു​ടെ പ്ര​യാ​സം ക​ണ​ക്കി​ലെ​ടു​ത്ത് വൈ​ദ്യു​തി പു​നഃ​സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് ഗ്രാ​മ​പ​ഞ്ചാ​യ​ത്ത് അം​ഗം കെ.​ടി. സ​ലീ​ന​യും ഭ​ർ​ത്താ​വും സി.​പി.​എം ബ്രാ​ഞ്ച് സെ​ക്ര​ട്ട​റി​യു​മാ​യ മ​ജീ​ദും രം​ഗ​ത്തു​വ​ന്നു.

സ​ലീ​ന വൈ​ദ്യു​തി വ​കു​പ്പി​നും പ​ട്ടി​ക​വ​ർ​ഗ മ​ന്ത്രി കെ. ​രാ​ധാ​കൃ​ഷ്ണ​ൻ ഉ​ൾ​പ്പെ​ടെ​യു​ള്ള​വ​ർ​ക്കും പ​രാ​തി ന​ൽ​കി. മ​ന്ത്രി​യു​ടെ ഓ​ഫി​സ് ഐ.​ടി.​ഡി.​പി​യോ​ട് പ്ര​ശ്നം പ​രി​ഹ​രി​ക്കാ​ൻ നി​ർ​ദേ​ശി​ച്ചു. കൃ​ത്യ​മാ​യി വൈ​ദ്യു​തി ബി​ൽ അ​ട​ക്കാ​തെ കു​ടി​ശ്ശി​ക വ​രു​ത്തി​യ തു​ക അ​ട​വാ​ക്കു​ന്ന പ്ര​വ​ണ​ത പ്രോ​ത്സാ​ഹി​പ്പി​ക്കാ​ൻ ക​ഴി​യി​ല്ലെ​ന്നാ​യി​രു​ന്നു അ​വ​രു​ടെ വി​ശ​ദീ​ക​ര​ണം.

മ​ന്ത്രി​മാ​ർ പ​ങ്കെ​ടു​ത്ത അ​ദാ​ല​ത്തി​ൽ ക​ണ​ക്ഷ​ൻ തി​രി​ച്ചു​ന​ൽ​കാ​ൻ നി​ർ​ദേ​ശി​ച്ചി​ട്ടും കു​ടി​ശ്ശി​ക തീ​ർ​ക്ക​ണ​മെ​ന്ന നി​ല​പാ​ടി​ൽ കെ.​എ​സ്.​ഇ.​ബി ഉ​റ​ച്ചു​നി​ന്നു. 2022 സെ​പ്റ്റം​ബ​റി​ലാ​ണ് 19,278 രൂ​പ​യു​ടെ കു​ടി​ശ്ശി​ക ബി​ൽ ന​ൽ​കി​യ​ത്.

ബി​ൽ അ​ട​ക്കാ​ൻ വൈ​കി​യ​തി​നാ​ൽ പ​ലി​ശ ഉ​ൾ​പ്പെ​ടെ തു​ക 24,500 ആ​യി. പൂ​ക്കോ​ട്ടും​പാ​ടം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ വി​ദ്യാ​ർ​ഥി​ക​ൾ ആ​ദി​വാ​സി കു​ടും​ബ​ത്തെ സ​ഹാ​യി​ക്കാ​ൻ പി​രി​വെ​ടു​ത്ത് 5000 രൂ​പ ന​ൽ​കി.

ബാ​ക്കി തു​ക ഒ​രു വ്യ​ക്തി ന​ൽ​കി​യാ​ണ് ശ​നി​യാ​ഴ്ച ബി​ൽ അ​ട​ച്ച​ത്. ഐ.​ടി.​ഡി.​പി​യും വെ​ള്ള​നെ സ​ഹാ​യി​ച്ചു. പു​തി​യ ക​ണ​ക്ഷ​ൻ എ​ടു​ക്കാ​ൻ ആ​വ​ശ്യ​മാ​യ തു​ക ഗ്രാ​മ​പ​ഞ്ചാ​യ​ത്തം​ഗം സ​ലീ​ന മു​ൻ​കൈ​യെ​ടു​ത്ത് അ​ട​ച്ചു.