കാ​ളി​കാ​വി​ൽ വിലസി മോ​ഷ്ടാ​ക്ക​ൾ; ര​ണ്ട് ല​ക്ഷ​ത്തോ​ളം രൂ​പ​യു​ടെ ജാ​തി​ക്ക​യും പൂ​വും മോ​ഷ്ടി​ച്ചു

കാ​ളി​കാ​വ്: കാ​ളി​കാ​വ് ടൗ​ണി​ലും പ​രി​സ​ര​ങ്ങ​ളി​ലും മോ​ഷ്ടാ​ക്ക​ളു​ടെ വി​ള​യാ​ട്ടം. മ​ല​ഞ്ച​ര​ക്ക് സം​ഭ​ര​ണ സ്ഥാ​പ​ന​ത്തി​ൽ​നി​ന്ന് ര​ണ്ട് ല​ക്ഷ​ത്തോ​ളം രൂ​പ​യു​ടെ സാ​ധ​ന​ങ്ങ​ൾ മോ​ഷ്ടി​ച്ചു. ചെ​ങ്കോ​ട്ടെ കു​ന്താ​നം ജോ​പ്പു ജോ​സി​ന്‍റെ ഉ​ട​മ​സ്ഥ​ത​യി​ലു​ള്ള മ​ല​ബാ​ർ മ​ർ​ച്ച​ൻ​റ് എ​ന്ന സ്ഥാ​പ​ന​ത്തി​ലെ ഗോ​ഡൗ​ണി​ൽ​നി​ന്ന് വി​വി​ധ​ഘ​ട്ട​ങ്ങ​ളി​ലാ​യി ര​ണ്ട് ല​ക്ഷ​ത്തോ​ളം രൂ​പ​യു​ടെ ജാ​തി​ക്ക​യും പൂ​വു​മാ​ണ് മോ​ഷ്ടി​ച്ച​ത്.

ഈ ​മാ​സം ഏ​ഴി​നാ​ണ് അ​വ​സാ​ന​മാ​യി മോ​ഷ​ണം ന​ട​ന്ന​ത്. മോ​ഷ​ണം പ​തി​വാ​യ​തോ​ടെ വ്യാ​പാ​രി സി.​സി.​ടി.​വി കാ​മ​റ സ്ഥാ​പി​ച്ചു. തു​ട​ർ​ന്ന് മോ​ഷ്ടാ​വി​ന്‍റെ ചി​ത്രം കാ​മ​റ​യി​ൽ പ​തി​ഞ്ഞു. മോ​ഷ്ടാ​വ് മ​തി​ൽ ചാ​ടി വ​രു​ന്ന​തും ആ​ളെ തി​രി​ച്ച​റി​യു​ന്ന രൂ​പ​ത്തി​ലു​ള്ള ക്യാ​മ​റ ദൃ​ശ്യ​വും കി​ട്ടി. എ​ന്നാ​ൽ പി​ടി​കൂ​ടാ​നാ​യി​ല്ല. കാ​ല​ങ്ങ​ളാ​യി പ്രോ​സ​സി​ങ് ക​ഴി​ഞ്ഞ് പാ​ക്കി​ലാ​ക്കി​യ വ​സ്തു​ക്ക​ളാ​ണ് ഇ​ട​ക്കി​ടെ കാ​ണാ​താ​യ​ത്.

ജാ​തി​ക്ക​യും പൂ​വും മോ​ഷ്ടി​ച്ച് കൊ​ണ്ടു പോ​കു​ന്ന​ത് വ്യ​ക്ത​മാ​യി സി.​സി.​ടി.​വി ദൃ​ശ്യ​ത്തി​ലു​ണ്ട്. തൊ​ട്ട​ടു​ത്ത പ്ര​ദേ​ശ​ത്തു​കാ​ര​ൻ ത​ന്നെ​യാ​ണ് മോ​ഷ്ടാ​വെ​ന്ന് ദൃ​ശ്യ​ത്തി​ൽ വ്യ​ക്ത​മാ​യി​ട്ടും പൊ​ലീ​സി​ന് പി​ടി​ക്കാ​നാ​കു​ന്നി​ല്ലെ​ന്ന് വ്യാ​പാ​രി പ​റ​യു​ന്നു. സം​ഭ​വ​ത്തി​ൽ വ്യാ​പാ​രി കാ​ളി​കാ​വ് പൊ​ലീ​സി​ൽ പ​രാ​തി ന​ൽ​കി​യി​ട്ടു​ണ്ട്.

ക​ർ​ഷ​ക​രി​ൽ​നി​ന്ന് ജാ​തി​ക്ക ശേ​ഖ​രി​ച്ച് പൂ​വും പ​രി​പ്പും സം​സ്ക​രി​ച്ച് ക​യ​റ്റി അ​യ​ക്കു​ന്ന ബി​സി​ന​സാ​ണ് ജോ​പ്പു​വി​ന്. സം​സ്ക​രി​ച്ച ജാ​തി​പ്പൂ​വി​ന് കി​ലോ​ക്ക് മൂ​വ്വാ​യി​ര​ത്തോ​ളം രൂ​പ വി​ല​യു​ണ്ട്. പ്ര​തി​ക്ക് വേ​ണ്ടി അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യി പൊ​ലീ​സ് അ​റി​യി​ച്ചു.