സുവർണ ജൂബിലി തിളക്കത്തിൽ ‘പഹയൻമാരുടെ ദുനിയാവ്’

ക​രു​വാ​ര​കു​ണ്ട്: ചി​രി​യും ചി​ന്ത​യും കൊ​ണ്ട് മ​ല​യോ​ര ജ​ന​ത​യെ നാ​ട​കാ​വേ​ശ​ത്തി​ന്റെ തി​ര​ശ്ശീ​ല​ക്ക് മു​ന്നി​ലെ​ത്തി​ച്ച ‘പ​ഹ​യ​ൻ​മാ​രു​ടെ ദു​നി​യാ​വി’ ന് ​അ​മ്പ​താ​ണ്ട്. നാ​ടി​നെ നാ​ട​ക​ശീ​ലം പ​ഠി​പ്പി​ച്ച ജി. ​ച​ന്ദ്ര​ശേ​ഖ​ര​പി​ള്ള എ​ന്ന ജി.​സി കാ​ര​ക്ക​ലി​ന്റെ ആ​ദ്യ സാ​മൂ​ഹി​ക, സം​ഗീ​ത, ഹാ​സ്യ നാ​ട​ക​മാ​ണ് ര​ച​ന​യു​ടെ സു​വ​ർ​ണ ജൂ​ബി​ലി നി​റ​വി​ലു​ള്ള​ത്. 1972ലാ​ണ് ജി.​സി കാ​ര​ക്ക​ൽ അ​ധ്യാ​പ​ക​നാ​യി ക​രു​വാ​ര​കു​ണ്ടി​ലെ​ത്തു​ന്ന​ത്. ഏ​കാ​ങ്ക​ങ്ങ​ളും കു​ട്ടി​ക​ൾ​ക്കാ​യി ചെ​റി​യ നാ​ട​ക​ങ്ങ​ളു​മെ​ഴു​തി ക​ലാ​രം​ഗ​ത്ത് സ​ജീ​വ​മാ​യി​രു​ന്ന ജി.​സി​യോ​ട് കേ​ര​ള എ​സ്റ്റേ​റ്റ് മാ​നേ​ജ​രാ​യി​രു​ന്ന അ​ച്ച​ൻ​കു​ഞ്ഞ് വ​ലി​യൊ​രു നാ​ട​ക​മെ​ഴു​താ​ൻ ആ​വ​ശ്യ​പ്പെ​ട്ടു.

നാ​ട​കം ഇ​ഷ്ട​പ്പെ​ട്ടാ​ൽ സ്കൂ​ളി​ന് ആ​വ​ശ്യ​മാ​യ സ്ഥ​ലം ന​ൽ​കാം എ​ന്ന വാ​ഗ്ദാ​ന​വും അ​ദ്ദേ​ഹം ന​ൽ​കി. കു​ടി​യേ​റ്റ തോ​ട്ടം തൊ​ഴി​ലാ​ളി​ക​ളു​ടെ ദാ​രി​ദ്ര്യ​വും പ​ട്ടി​ണി​യും ജ​ന്മി​മാ​രു​ടെ അ​ഹ​ങ്കാ​ര​വും ആ​ഡം​ബ​ര​വും നി​റ​ഞ്ഞ ജീ​വി​ത​വും ക​ൺ​മു​ന്നി​ൽ ക​ണ്ട ജി.​സി നാ​ട​ക​ത്തി​ന്റെ ഇ​തി​വൃ​ത്ത​മാ​യി സ്വീ​ക​രി​ച്ച​ത് ഈ ​സാ​മൂ​ഹി​ക ജീ​ർ​ണ​ത ത​ന്നെ​യാ​യി​രു​ന്നു.ജ​ന്മി​യാ​യ ന​മ്പൂ​തി​രി​യു​ടെ പാ​ട്ട​ഭൂ​മി​യി​ൽ ചാ​യ​ക്ക​ട ന​ട​ത്തു​ന്ന ദ​രി​ദ്ര മു​സ്‍ലിം കു​ടും​ബ​ത്തി​ന്റെ ഹൃ​ദ​യ​സ്പ​ർ​ശി​യാ​യ ക​ഥ ജി.​സി​യു​ടെ ക​ര​വി​രു​തി​ൽ ഒ​രു​ങ്ങി. 1974ൽ ​നാ​ട​ക​ത്തി​ന് ആ​ദ്യ തി​ര​ശ്ശീ​ല​യു​യ​ർ​ന്നു. ചാ​യ​ക്ക​ട​ക്കാ​ര​ന്റെ സു​ന്ദ​രി​യാ​യ മ​ക​ളും വി​കൃ​തി മ​ക​നും മ​ക​ളെ പ്ര​ണ​യി​ച്ച സാ​മൂ​ഹി​ക സ്നേ​ഹി​യാ​യ യു​വാ​വും പ​രി​ഷ്കാ​രി​യാ​യ ഗ​ൾ​ഫു​കാ​ര​നും ബ്രോ​ക്ക​റും മ​ന്ത്ര​വാ​ദി​യും പൊ​ലീ​സു​കാ​ര​നു​മൊ​ക്കെ ക​ഥാ​പാ​ത്ര​ങ്ങ​ളാ​യി.

ന​ർ​മ​ത്തി​ന്റെ മേ​മ്പൊ​ടി​യി​ൽ സാ​മൂ​ഹി​ക യാ​ഥാ​ർ​ഥ്യ​ങ്ങ​ൾ​ക്ക് നേ​രെ ശ​ക്ത​മാ​യി വി​ര​ൽ​ചൂ​ണ്ടി​യ ‘പ​ഹ​യ​ൻ​മാ​രു​ടെ ദു​നി​യാ​വ്’ മ​ല​യോ​ര ജ​ന​ത​ക്ക് ആ​ദ്യ നാ​ട​കാ​നു​ഭ​വ​മാ​യി​രു​ന്നു. എ​ന്നി​ട്ടും അ​വ​ര​തി​നെ ഹൃ​ദ​യം​കൊ​ണ്ടേ​റ്റു​വാ​ങ്ങി. ജി​ല്ല​ക്ക​ക​ത്തും പു​റ​ത്തു​മാ​യി നി​ര​വ​ധി വേ​ദി​ക​ളി​ൽ ദു​നി​യാ​വ് അ​ര​ങ്ങി​ലെ​ത്തി. പേ​രി​നെ ചൊ​ല്ലി ചി​ല​യി​ട​ങ്ങ​ളി​ൽ അ​പ​സ്വ​ര​ങ്ങ​ളു​ണ്ടാ​യി. പ​ക്ഷേ, നാ​ട​കം ക​ണ്ട​തോ​ടെ അ​ത് നീ​ങ്ങി. ക​ഥാ​പാ​ത്ര​ങ്ങ​ൾ പി​ന്നീ​ട് മാ​റി​വ​ന്നു.

ക​രു​വാ​ര​കു​ണ്ട് ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ ജൂ​ബി​ലി ആ​ഘോ​ഷ ഭാ​ഗ​മാ​യി വ​ർ​ഷ​ങ്ങ​ൾ​ക്ക് മു​മ്പ്, പു​തി​യ ചി​ല അ​ഭി​നേ​താ​ക്ക​ളെ വെ​ച്ച് നാ​ട​കം വീ​ണ്ടും അ​ര​ങ്ങി​ലെ​ത്തി​യി​രു​ന്നു. തി​ര​ക്ക​ഥാ​കൃ​ത്ത് കൂ​ടി​യാ​യ ജി.​സി​യെ​ക്കൊ​ണ്ട് ത​ന്നെ നാ​ട​കം സി​നി​മ​യാ​ക്കാ​നു​ള്ള ആ​ലോ​ച​ന​യു​മു​ണ്ട്. ആ​ദ്യ​കാ​ല അ​ര​ങ്ങ​നു​ഭ​വ​ങ്ങ​ൾ അ​യ​വി​റ​ക്കാ​നും നാ​ട​ക​കൃ​ത്തി​നെ ആ​ദ​രി​ക്കാ​നു​മാ​യി അ​ഭി​നേ​താ​ക്ക​ളു​ടെ കൂ​ടി​ച്ചേ​ര​ൽ ഞാ​യ​റാ​ഴ്ച ജി.​സി​യു​ടെ വീ​ട്ടി​ൽ ന​ട​ക്കു​ക​യാ​ണ്.