മറിയ താങ്ങും തണലുമായത്​ ഉറ്റവരായ നാല്​ വൃക്കരോഗികൾക്ക്

ക​രു​വാ​ര​കു​ണ്ട് (മലപ്പുറം): ജീ​വി​ത​ത്തി​ൽ മ​റി​യ​ക്ക് ഇ​നി പ​രീ​ക്ഷ​ണ​ങ്ങ​ളെ പേ​ടി​യേ ഇ​ല്ല. ഭ​ർ​ത്താ​വും മൂ​ന്ന് ആ​ൺ​മ​ക്ക​ളു​മ​ട​ക്കം നാ​ല്​ വൃ​ക്ക​രോ​ഗി​ക​ളെ പ​രി​ച​രി​ച്ച ഈ 67​കാ​രി​ക്ക് ഉ​ല​യാ​തെ പി​ടി​ച്ചു​നി​ൽ​ക്കാ​ൻ വി​ധി അ​ത്ര​മേ​ൽ ക​രു​ത്ത് ന​ൽ​കി​യി​ട്ടു​ണ്ട്. തു​രു​മ്പോ​ട​യി​ലെ പ​രേ​ത​നാ​യ നെ​ച്ചി​ക്കാ​ട​ൻ മു​ഹ​മ്മ​ദി​െൻറ ഭാ​ര്യ​യാ​ണ് മ​റി​യ.

15 വ​ർ​ഷം മു​മ്പ് ഭ​ർ​ത്താ​വ് മു​ഹ​മ്മ​ദ് മ​രി​ച്ച​ത് വൃ​ക്ക​രോ​ഗം ബാ​ധി​ച്ചാ​ണ്. നാ​ലു​വ​ർ​ഷം മു​മ്പ് ഇ​വ​രു​ടെ ഇ​ള​യ മ​ക​ൻ കു​ഞ്ഞ​ല​വി​ക്ക് (36) വൃ​ക്ക രോ​ഗം സ്ഥി​രീ​ക​രി​ച്ചു. തു​ട​ർ​ന്ന് പ​രി​ശോ​ധ​ന ന​ട​ത്തി​യ മ​റ്റു മ​ക്ക​ളാ​യ അ​ബ്​​ദു​ൽ ബ​ഷീ​ർ (42), മി​ർ​ഷാ​ദ് (40) എ​ന്നി​വ​ർ​ക്കും രോ​ഗ​ബാ​ധ​യു​ണ്ടെ​ന്നു​റ​പ്പി​ച്ചു. മ​ന​സ്സു​റ​പ്പോ​ടെ വി​ധി​യെ നേ​രി​ട്ട മ​റി​യ ഉ​ള്ള​തെ​ല്ലാം വി​റ്റ് മൂ​ന്ന് മ​ക്ക​ൾ​ക്കും ഡ​യാ​ലി​സി​സ് തു​ട​ങ്ങി.

മാ​സ​ത്തി​ൽ 40 ഡ​യാ​ലി​സി​സ് വ​രെ ചെ​യ്യേ​ണ്ടി വ​ന്നു. കി​ട​പ്പാ​ടം വ​രെ വി​ൽ​ക്കേ​ണ്ടി​വ​രു​മെ​ന്നാ​യ​പ്പോ​ൾ മാ​ത്ര​മാ​ണ് ഇ​വ​ർ പ​ര​സ​ഹാ​യം തേ​ടി​യ​ത്. ഇ​തോ​ടെ വി​ഷ​യം നാ​ട്ടു​കാ​ർ ഏ​റ്റെ​ടു​ത്തു. അ​ങ്ങ​നെ മ​റി​യ​യു​ടെ ക​ണ്ണീ​രി​നും പ്രാ​ർ​ഥ​ന​ക്കും കാ​രു​ണ്യം​കൊ​ണ്ട് നാ​ട് സാ​ഫ​ല്യ​മൊ​രു​ക്കി. മൂ​ന്ന് മ​ക്ക​ളു​ടെ​യും വൃ​ക്ക​ക​ൾ മാ​റ്റി​വെ​ക്കാ​ൻ 1.20 കോ​ടി രൂ​പ വേ​ണ​മെ​ന്നാ​ണ് ഡോ​ക്ട​ർ​മാ​ർ പ​റ​ഞ്ഞ​ത്.

എ​ന്നാ​ൽ, ന​ന്മ​മ​ന​സ്സു​ക​ൾ ര​ണ്ട​ര മാ​സം​കൊ​ണ്ട് ഇ​വ​ർ​ക്കാ​യി സ​മാ​ഹ​രി​ച്ച​ത് 1.45 കോ​ടി​യി​ലേ​റെ. ഇ​തി​ൽ ബ​ഷീ​റി​െൻറ വൃ​ക്ക ഇ​തി​ന​കം മാ​റ്റി​വെ​ച്ചു. മി​ർ​ഷാ​ദ്, കു​ഞ്ഞ​ല​വി എ​ന്നി​വ​രു​ടെ ശ​സ്ത്ര​ക്രി​യ വൈ​കാ​തെ ന​ട​ക്കും. ഇ​വ​രു​ടെ ചി​കി​ത്സ മു​ഴു​വ​ൻ ന​ട​ത്തു​ന്ന​ത് ജ​ന​കീ​യ സ​മി​തി​യാ​ണ്. വാ​ർ​ധ​ക്യ​ത്തി​ൽ ത​നി​ക്ക് താ​ങ്ങാ​വേ​ണ്ട മ​ക്ക​ൾ​ക്ക് ത​ണ​ലും ക​രു​ത​ലു​മാ​യി ഇ​പ്പോ​ഴും അ​വ​രെ ചേ​ർ​ത്തു​പി​ടി​ക്കു​ക​യാ​ണ് ഈ ​മാ​താ​വ്.