വേനൽചൂട്: കൃഷിയിടങ്ങൾ കരിഞ്ഞുണങ്ങുന്നു

ക​രു​വാ​ര​കു​ണ്ട്: വേ​ന​ൽ​ചൂടി​ൽ ക​രി​ഞ്ഞു​ണ​ങ്ങി മ​ല​യോ​ര​ങ്ങ​ളി​ലെ കൃ​ഷി​യി​ട​ങ്ങ​ൾ. കൊ​ക്കോ, ജാ​തി എ​ന്നി​വ​ക്ക് വ​ൻ വി​ല ല​ഭി​ച്ച​തോ​ടെ കു​ളി​ര​ണി​ഞ്ഞു തു​ട​ങ്ങി​യ ക​ർ​ഷ​ക​മ​ന​ങ്ങ​ളി​ൽ തീ ​കോ​രി​യി​ടു​ക​യാ​ണി​പ്പോ​ൾ കൊ​ടും​വേ​ന​ൽ. വേ​ന​ൽ​ചൂടി​നെ അ​തി​ജീ​വി​ച്ചി​രു​ന്ന ജാ​തി, കൊ​ക്കോ, ഏ​ലം, ഗ്രാ​മ്പൂ എ​ന്നി​വ പോ​ലും ക​രി​ഞ്ഞു​വാ​ടി​യ​താ​ണ് ക​ർ​ഷ​ക​രെ ഞെ​ട്ടി​ക്കു​ന്ന​ത്.

ക​ൽ​ക്കു​ണ്ട് പോ​ലു​ള്ള മ​ല​വാ​ര​ങ്ങ​ളി​ൽ ഹെ​ക്ട​ർ ക​ണ​ക്കി​ന് ഭൂ​മി​യി​ലാ​ണ് ദീ​ർ​ഘ​കാ​ല വി​ള​ക​ളാ​യ ജാ​തി​യും കൊ​ക്കോ​യും വി​ള​യു​ന്ന​ത്. ഇ​വ​യു​ടെ തൈ​ക​ൾ ദ​ശാ​ബ്ദ​ങ്ങ​ളോ​ളം നി​ല​നി​ൽ​ക്കും. എ​ന്നാ​ൽ മു​മ്പു​ള്ള വേ​ന​ൽ​ക്കാ​ല​ങ്ങ​ളെ​യെ​ല്ലാം അ​തി​ജീ​വി​ച്ച ഇ​വ പോ​ലും വ്യാ​പ​ക​മാ​യി ഉ​ണ​ങ്ങി ഇ​ല പൊ​ഴി​ക്കു​ക​യാ​ണി​പ്പോ​ൾ. ഇ​ത് ക​ർ​ഷ​ക​രെ ക​ടു​ത്ത നി​രാ​ശ​യി​ലാ​ക്കു​ക​യാ​ണ്. കൊ​ക്കോ​യു​ടെ വി​ല ഇ​പ്പോ​ൾ സ​ർ​വ​കാ​ല റെ​ക്കാ​ഡി​ലെ​ത്തി നി​ൽ​ക്കു​ക​യാ​ണ്. മ​ഞ്ഞ​ൾ, കു​രു​മു​ള​ക്, ഗ്രാ​മ്പൂ, ഏ​ലം എ​ന്നി​വ​യും വെ​യി​ലേ​റ്റ് വാ​ടു​ന്ന​ത് ക​ർ​ഷ​ക​രെ ഭീ​തി​യി​ലാ​ക്കു​ന്നു​ണ്ട്. ആ​വ​ശ്യ​ത്തി​ന് മ​ഴ ല​ഭി​ക്കാ​ത്ത​തി​നെ തു​ട​ർ​ന്ന് വാ​ഴ​ക​ൾ കൂ​ട്ട​ത്തോ​ടെ മ​ഞ്ഞ​ളി​ച്ച് നശിക്കുകയാണ്.

മ​ല​യോ​ര​ങ്ങ​ളി​ലും വ​യ​ലു​ക​ളി​ലും ഇ​ട​വി​ള​യാ​യി ഇ​റ​ക്കി​യ ആ​യി​ര​ക്ക​ണ​ക്കി​ന് വാ​ഴ​ക​ളാ​ണ് മൂ​പ്പെ​ത്താ​തെ ഒ​ടി​ഞ്ഞു​വീ​ണ​ത്. മൂ​പ്പെ​ത്താ​ത്ത കു​ല​ക​ൾ​ക്ക് ച​ന്ത​യി​ൽ പ​കു​തി വി​ല പോ​ലും ല​ഭി​ക്കാ​റി​ല്ലെ​ന്ന് ക​ർ​ഷ​ക​ർ പ​റ​യു​ന്നു. വാ​ഴ കൃ​ഷി ബ​ഹു​ഭൂ​രി​പ​ക്ഷ​വും പാ​ട്ട​ത്തി​നെ​ടു​ത്ത ഭൂ​മി​യി​ൽ ബാ​ങ്ക് വാ​യ്പ​യെ​ടു​ത്ത് ന​ട​ത്തു​ന്ന​വ​യാ​ണ്. മ​ഴ ഇ​നി​യും വൈ​കി​യാ​ൽ മ​ല​യോ​ര​ത്തെ അ​വ​ശേ​ഷി​ക്കു​ന്ന പ​ച്ച​പ്പും മാ​യു​മെ​ന്ന് ക​ർ​ഷ​ക​ർ പ​റ​യു​ന്നു. ക​ർ​ഷ​ക നി​വേ​ദ​ന​ങ്ങ​ൾ ഫ​യ​ലി​ൽ വെ​ക്കാ​ന​ല്ലാ​തെ മ​റ്റൊ​ന്നി​നും ക​ഴി​യാ​ത്ത അ​വ​സ്ഥ​യി​ലാ​ണ് കൃ​ഷി​വ​കു​പ്പ്.