കോ​ഡൂ​ര്‍ കു​ടും​ബാ​രോ​ഗ്യകേ​ന്ദ്രം; മെ​ഡി​ക്ക​ല്‍ ഓ​ഫി​സ​ർ​ക്കെ​തി​രെ പ​രാ​തി​യു​മാ​യി ജ​ന​പ്ര​തി​നി​ധി​ക​ൾ

മ​ല​പ്പു​റം: കോ​ഡൂ​ര്‍ കു​ടും​ബാ​രോ​ഗ്യ കേ​ന്ദ്ര​ത്തി​ൽ മെ​ഡി​ക്ക​ല്‍ ഓ​ഫി​സ​റു​ടെ അ​നാ​സ്ഥ​യെ​ന്നാ​രോ​പി​ച്ച് ജ​ന​പ്ര​തി​നി​ധി​ക​ൾ ജി​ല്ല മെ​ഡി​ക്ക​ൽ ഓ​ഫി​സ​ർ​ക്ക് നി​വേ​ദ​നം ന​ൽ​കി.

ദി​നേ​ന നൂ​റു​ക​ണ​ക്കി​ന് രോ​ഗി​ക​ളാ​ണ് ഈ ​കേ​ന്ദ്ര​ത്തെ ആ​ശ്ര​യി​ക്കു​ന്ന​ത്. ആ​ഴ്ച​യി​ലൊ​രി​ക്ക​ല്‍ ഇ​വി​ടെ കു​ത്തി​വെ​പ്പും ന​ട​ത്തു​ന്നു​ണ്ട്. ഗ്രാ​മ​പ​ഞ്ചാ​യ​ത്ത് നി​യോ​ഗി​ച്ച താ​ല്‍ക്കാ​ലി​ക ഡോ​ക്ട​റു​ടെ സേ​വ​നം മാ​ത്ര​മാ​ണ് ഇ​വി​ടെ ല​ഭി​ക്കു​ന്ന​ത്. ഒ.​പി സ​മ​യം പൂ​ര്‍ണ​മാ​യി പാ​ലി​ക്കാ​നോ ടോ​ക്ക​ണെ​ടു​ത്ത രോ​ഗി​ക​ളെ പ​രി​ശോ​ധി​ക്കാ​നോ മെ​ഡി​ക്ക​ല്‍ ഓ​ഫി​സ​ര്‍ ത​യാ​റാ​വു​ന്നി​ല്ലെ​ന്നും നി​വേ​ദ​ന​ത്തി​ൽ ചൂ​ണ്ടി​ക്കാ​ട്ടി.

അ​ടി​യ​ന്ത​ര സാ​ഹ​ച​ര്യം പ​രി​ഗ​ണി​ച്ച് ന​ട​പ​ടി സ്വീ​ക​രി​ക്കാ​മെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​രേ​ണു​ക ഉ​റ​പ്പു​ന​ല്‍കി​യ​താ​യി ജ​ന​പ്ര​തി​നി​ധി​ക​ൾ അ​റി​യി​ച്ചു.

ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് സാ​ദി​ഖ് പൂ​ക്കാ​ട​ന്‍, ആ​രോ​ഗ്യ -വി​ദ്യാ​ഭ്യാ​സ സ്റ്റാ​ൻ​ഡി​ങ് ക​മ്മി​റ്റി ചെ​യ​ര്‍പേ​ഴ്‌​സ​ൻ ആ​സ്യ കു​ന്ന​ത്ത് എ​ന്നി​വ​ർ സം​ബ​ന്ധി​ച്ചു.

ന​ട​പ​ടി വേ​ണം -റാ​ബി​യ ചോ​ല​ക്ക​ല്‍

മ​ല​പ്പു​റം: കോ​ഡൂ​ര്‍ കു​ടും​ബാ​രോ​ഗ്യ കേ​ന്ദ്രം മെ​ഡി​ക്ക​ല്‍ ഓ​ഫി​സ​ര്‍ക്കെ​തി​രെ ന​ട​പ​ടി വേ​ണ​മെ​ന്ന് കോ​ഡൂ​ര്‍ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് റാ​ബി​യ ചോ​ല​ക്ക​ല്‍ ആ​വ​ശ്യ​പ്പെ​ട്ടു. അ​ധി​കൃ​ത​ര്‍ ഉ​ണ​ര്‍ന്നു​പ്ര​വ​ര്‍ത്തി​ക്ക​ണ​മെ​ന്നും രോ​ഗി​ക​ള്‍ക്ക് മെ​ച്ച​പ്പെ​ട്ട സേ​വ​നം ന​ല്‍കാ​ന്‍ വ​ഴി​യൊ​രു​ക്ക​ണ​മെ​ന്നും അ​വ​ര്‍ ആ​വ​ശ്യ​പ്പെ​ട്ടു.