നഗരസഭ അധ്യക്ഷ പദവി; കൊണ്ടോട്ടിയില്‍ കോണ്‍ഗ്രസ് ലീഗിനോട് ഇടയുന്നു

കൊ​ണ്ടോ​ട്ടി: ന​ഗ​ര​സ​ഭ അ​ധ്യ​ക്ഷ സ്ഥാ​നം പ​ങ്കു​വെ​ക്കു​ന്ന​തു സം​ബ​ന്ധി​ച്ചു​ള്ള യു.​ഡി.​എ​ഫ് ധാ​ര​ണ പ്രാ​വ​ര്‍ത്തി​ക​മാ​ക്കാ​ത്തതില്‍ പ്ര​തി​ഷേ​ധി​ച്ച് കൊ​ണ്ടോ​ട്ടി​യി​ല്‍ കോ​ണ്‍ഗ്ര​സ് മു​സ്​​ലിം ലീ​ഗി​നോ​ട് ഇ​ട​യു​ന്നു. ആ​ദ്യ മൂ​ന്ന് വ​ര്‍ഷം ന​ഗ​ര​സ​ഭാ​ധ്യ​ക്ഷ സ്ഥാ​നം ലീ​ഗി​നും അ​വ​സാ​ന ര​ണ്ട് വ​ര്‍ഷം കോ​ണ്‍ഗ്ര​സി​നും എ​ന്നാ​യി​രു​ന്നു യു.​ഡി.​എ​ഫ് ധാ​ര​ണ. ഇ​ക്കാ​ര്യ​ത്തി​ല്‍ തീ​രു​മാ​നം വൈ​കു​മ്പോ​ള്‍ ന​ഗ​ര​സ​ഭ ഉ​പാ​ധ്യ​ക്ഷ​ന്‍ സ​നൂ​പ് മാ​സ്റ്റ​റും ആ​രോ​ഗ്യ സ്ഥി​രം സ​മി​തി അ​ധ്യ​ക്ഷ അ​ബീ​ന പു​തി​യ​റ​ക്ക​ലും സ്ഥാ​നം രാ​ജി​വെ​ക്കാ​ന്‍ സ​ന്ന​ദ്ധ​ത അ​റി​യി​ച്ച് കോ​ണ്‍ഗ്ര​സ് മ​ണ്ഡ​ലം ക​മ്മി​റ്റി​ക്ക് ക​ത്ത് ന​ല്‍കി.

അ​ധി​കാ​ര​മേ​റി മൂ​ന്ന് വ​ര്‍ഷ​വും മൂ​ന്ന് മാ​സ​വും പി​ന്നി​ട്ടി​ട്ടും രാ​ഷ്ട്രീ​യ ധാ​ര​ണ പാ​ലി​ക്കാ​ന്‍ ലീ​ഗ് ത​യ്യാ​റാ​കാ​ത്ത​ത് ലോ​ക്‌​സ​ഭ തെ​ര​ഞ്ഞെ​ടു​പ്പാ​ര​വം ഉ​യ​രു​ന്ന​തി​നു മു​മ്പു​ത​ന്നെ ച​ര്‍ച്ച​യാ​യി​രു​ന്നു. യു.​ഡി.​എ​ഫ് യോ​ഗ​ങ്ങ​ളി​ല്‍ വി​ഷ​യം ച​ര്‍ച്ച ചെ​യ്യു​ക​യ​ല്ലാ​തെ മു​ന്‍ധാ​ര​ണ ന​ട​പ്പാ​ക്കാ​നു​ള്ള തീ​രു​മാ​ന​ങ്ങ​ളി​ല്ലാ​ത്ത​താ​ണ് കോ​ണ്‍ഗ്ര​സി​നെ ചൊ​ടി​പ്പി​ച്ചി​രി​ക്കു​ന്ന​ത്. വെ​ള്ളി​യാ​ഴ്ച ന​ട​ക്കാ​നി​രി​ക്കു​ന്ന ന​ഗ​ര​സ​ഭ യു.​ഡി.​എ​ഫ് യോ​ഗ​ത്തി​ലും അ​നു​കൂ​ല തീ​രു​മാ​ന​മു​ണ്ടാ​യി​ല്ലെ​ങ്കി​ല്‍ വൈ​സ് ചെ​യ​ര്‍മാ​ന്‍ സ്ഥാ​ന​വും സ്ഥി​രം സ​മി​തി അ​ധ്യ​ക്ഷ സ്ഥാ​ന​വും കോ​ണ്‍ഗ്ര​സ് കൗ​ണ്‍സി​ല​ര്‍മാ​ര്‍ രാ​ജി​വെ​ക്കു​മെ​ന്ന സൂ​ച​ന​യാ​ണ് പാ​ര്‍ട്ടി കേ​ന്ദ്ര​ങ്ങ​ളി​ല്‍ നി​ന്നു​ള്ള​ത്.

അ​ധ്യ​ക്ഷ സ്ഥാ​നം മാ​റു​ന്ന​തു സം​ബ​ന്ധി​ച്ചു​ള്ള ത​ര്‍ക്ക​ത്തെ തു​ട​ര്‍ന്ന് നേ​ര​ത്തെ പാ​ണ​ക്കാ​ട് വെ​ച്ചും ഇ​രു​പാ​ര്‍ട്ടി നേ​താ​ക്ക​ളു​ടെ ച​ര്‍ച്ച ന​ട​ന്നി​രു​ന്നു. വെ​ള്ളി​യാ​ഴ്ച ന​ട​ക്കു​ന്ന മു​ന്ന​ണി യോ​ഗ​ത്തി​ല്‍ തീ​രു​മാ​ന​മു​ണ്ടാ​കു​മെ​ന്ന ധാ​ര​ണ​യി​ലാ​ണ് അ​ന്ന് നേ​താ​ക്ക​ള്‍ പി​രി​ഞ്ഞ​ത്. ലീ​ഗി​ലെ സി.​ടി. ഫാ​ത്തി​മ​ത്ത് സു​ഹ്‌​റാ​ബി​യാ​ണ് നി​ല​വി​ല്‍ കൊ​ണ്ടോ​ട്ടി ന​ഗ​ര​സ​ഭാ​ധ്യ​ക്ഷ. ലീ​ഗി​ന് 23 കൗ​ണ്‍സി​ല​ര്‍മാ​രും കോ​ണ്‍ഗ്ര​സി​ന് എ​ട്ട് കൗ​ണ്‍സി​ല​ര്‍മാ​രു​മാ​ണ് ഭ​ര​ണ സ​മി​തി​യി​ലു​ള്ള​ത്. പൊ​തു​തെ​ര​ഞ്ഞെ​ടു​പ്പ് വേ​ള​യി​ല്‍ മു​ന്ന​ണി ബ​ന്ധം ത​ക​രു​ന്ന​ത് കൊ​ണ്ടോ​ട്ടി​യി​ല്‍ വ​ലി​യ പ്ര​ത്യാ​ഘാ​ത​ങ്ങ​ള്‍ ഉ​ണ്ടാ​ക്കു​മെ​ന്ന​തി​നാ​ല്‍ ക​രു​ത​ലോ​ടെ​യാ​ണ് ജി​ല്ല നേ​തൃ​ത്വം വി​ഷ​യ​ത്തെ സ​മീ​പി​ച്ചി​രി​ക്കു​ന്ന​ത്.