പച്ചക്ക് പറയാം പച്ചക്കറി വില താങ്ങില്ല

കൊ​ണ്ടോ​ട്ടി: തൊ​ട്ടാ​ല്‍ പൊ​ള്ളു​ന്ന വി​ല​യി​ലേ​ക്കു​യ​ര്‍ന്ന് ത​ക്കാ​ളി​യും വെ​ളു​ത്തു​ള്ളി​യും. പൊ​തു​വി​പ​ണി​യി​ല്‍ പ​ച്ച​ക്ക​റി​ക​ളു​ടെ വി​ല കു​തി​ച്ചു​യ​രു​മ്പോ​ളും വി​ല നി​യ​ന്ത്ര​ണ​ത്തി​നും ക്ഷാ​മം പ​രി​ഹ​രി​ക്കു​ന്ന​തി​നും സ​ര്‍ക്കാ​ര്‍ ഇ​ട​പെ​ട​ല്‍ വൈ​കു​ക​യാ​ണ്.

സാ​ധാ​ര​ണ​ക്കാ​രെ​യാ​ണ് വി​ല​ക്ക​യ​റ്റം ത​ള​ര്‍ത്തു​ന്ന​ത്. വി​പ​ണി​യി​ല്‍ ഇ​ട​പെ​ടാ​ന്‍ വി​വി​ധ സ​ര്‍ക്കാ​ര്‍ സം​വി​ധാ​ന​ങ്ങ​ള്‍ നി​ല​നി​ല്‍ക്കെ​യാ​ണ് ഈ ​ദു​ര​വ​സ്ഥ.

ഒ​രാ​ഴ്ച മു​മ്പ് കി​ലോ​ക്ക് 30 രൂ​പ വി​ല​യു​ണ്ടാ​യി​രു​ന്ന ത​ക്കാ​ളി​ക്ക് ഇ​പ്പോ​ള്‍ വി​ല 40 രൂ​പ​യാ​ണ്. 70 രൂ​പ വി​ല​യാ​യി​രു​ന്ന വെ​ളു​ത്തു​ള്ളി​ക്ക് 140 രൂ​പ ന​ല്‍ക​ണം. ഇ​ഞ്ചി​യു​ടെ വി​ല 180 രൂ​പ​യി​ല്‍നി​ന്ന് 200 രൂ​പ​യി​ലേ​ക്ക് ഉ​യ​ര്‍ന്നു. മൈ​സൂ​രു​വി​ല്‍നി​ന്നും ആ​ന്ധ്ര​യി​ല്‍ നി​ന്നു​മാ​ണ് ത​ക്കാ​ളി സം​സ്ഥാ​ന​ത്തെ വി​പ​ണി​ക​ളി​ല്‍ എ​ത്തു​ന്ന​ത്. കാ​ലാ​വ​സ്ഥ വ്യ​തി​യാ​നം കാ​ര​ണം കൃ​ഷി ന​ശി​ക്കു​ന്ന​ത് ക്ഷാ​മ​ത്തി​നും വി​ല​വ​ര്‍ധ​ന​വി​നും കാ​ര​ണ​മാ​കു​ന്നെ​ന്ന് വ്യാ​പാ​രി​ക​ള്‍ പ​റ​യു​ന്നു.

വി​ല​ക്ക​യ​റ്റം ക​ച്ച​വ​ട​ത്തേ​യും സാ​ര​മാ​യി ബാ​ധി​ക്കു​ന്നു​ണ്ട്. നാ​ട​ന്‍ ഉ​ത്പ​ന്ന​ങ്ങ​ളും വി​പ​ണി​യി​ലെ​ത്തു​ന്നി​ല്ല. ഇ​തോ​ടെ ഇ​ത​ര സം​സ്ഥാ​ന​ങ്ങ​ളി​ല്‍ നി​ന്നു​ള്ള പ​ച്ച​ക്ക​റി​ക​ള്‍ മാ​ത്ര​മാ​ണ് സ്വ​കാ​ര്യ വി​പ​ണി ആ​ശ്ര​യി​ക്കു​ന്ന​ത്.

സു​ല​ഭ​മാ​യി​രു​ന്ന നാ​ട​ന്‍ പ​യ​ര്‍ കി​ട്ടാ​നി​ല്ലെ​ന്ന് ക​ച്ച​വ​ട​ക്കാ​ര്‍ പ​റ​യു​ന്നു. വെ​ണ്ട​ക്കും വ​ഴു​ത​ന​ങ്ങ​ക്കും ബീ​ന്‍സി​നും വ​രെ വി​ല​കൂ​ടി.

ഇ​ത​ര സം​സ്ഥാ​ന​ങ്ങ​ളെ മാ​ത്രം പ​ച്ച​ക്ക​റി​ക​ള്‍ക്കാ​യി ആ​ശ്ര​യി​ക്കു​ന്ന സം​സ്ഥാ​ന​ത്തെ വി​പ​ണി​ക​ളി​ല്‍ സ​ര്‍ക്കാ​ര്‍ കാ​ര്യ​ക്ഷ​മ​മാ​യി ഇ​ട​പെ​ടാ​ത്ത​ത് ക​ടു​ത്ത വി​മ​ര്‍ശ​ന​ങ്ങ​ള്‍ക്ക് ഇ​ട​യാ​ക്കു​ന്നു​ണ്ട്.

കൃ​ഷി വ​കു​പ്പും ബ​ന്ധ​പ്പെ​ട്ട ഏ​ജ​ന്‍സി​ക​ളും ഇ​ക്കാ​ര്യ​ത്തി​ല്‍ അ​നാ​സ്ഥ തു​ട​രു​മ്പോ​ള്‍ ജീ​വി​ത ചെ​ല​വ് താ​ങ്ങാ​നാ​കാ​തെ ക​ഷ്ട​പ്പെ​ടു​ക​യാ​ണ് സാ​ധാ​ര​ണ​ക്കാ​ര്‍.