പു​ത്തൂ​ര്‍ -ചെ​ന​ക്ക​ല്‍ ബൈ​പാ​സി​ന് സ്ഥ​ല​മേ​റ്റെ​ടു​ത്തി​ട്ട് 22 വ​ര്‍ഷം

കോ​ട്ട​ക്ക​ല്‍: ആ​യു​ര്‍വേ​ദ ന​ഗ​ര​ത്തി​ലെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​ൻ 22 വ​ര്‍ഷം മു​മ്പ് ആ​രം​ഭി​ച്ച പു​ത്തൂ​ര്‍-​ചെ​ന​ക്ക​ല്‍ ബൈ​പാ​സ് പ​ദ്ധ​തി പൂ​ര്‍ത്തീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് ഗു​ണ​ഭോ​ക്താ​ക്ക​ള്‍ പ്ര​തി​ഷേ​ധ പ​രി​പാ​ടി​ക​ള്‍ക്ക് ഒ​രു​ങ്ങു​ന്നു. ഇ​തി​ന്റെ ഭാ​ഗ​മാ​യി ശ​നി​യാ​ഴ്ച വൈ​കു​ന്നേ​രം നാ​ലി​ന് കോ​ട്ട​ക്ക​ല്‍-​കു​റ്റി​പ്പു​റം ത​ര്‍ബി​യ​ത്തു​ദ്ധീ​ന്‍ മ​ദ്‌​റ​സ​യി​ല്‍ ജ​ന​കീ​യ ക​ണ്‍വെ​ന്‍ഷ​ന്‍ സം​ഘ​ടി​പ്പി​ക്കു​മെ​ന്ന് ഗു​ണ​ഭോ​ക്താ​ക്ക​ളു​ടെ കൂ​ട്ടാ​യ്മ അ​റി​യി​ച്ചു.

പാ​ത​ക്കാ​യി പ്ര​ദേ​ശ​ത്തെ 67 കു​ടും​ബ​ങ്ങ​ളു​ടെ 5.75 ഏ​ക്ക​ര്‍ ഭൂ​മി വി​വി​ധ സ​ര്‍ക്കാ​ര്‍ ഉ​ത്ത​ര​വു​ക​ളി​ലൂ​ടെ മ​ര​വി​പ്പി​ച്ചി​രി​ക്കു​ക​യാ​ണ്. പാ​ത​യു​ടെ മൊ​ത്തം ദൂ​രം 4.5 കി​ലോ​മീ​റ്റ​റാ​ണ്. ഇ​തി​ല്‍ മൂ​ന്ന് കി​ലോ​മീ​റ്റ​ര്‍ കു​റ്റി​പ്പു​റ​ത്തു​കാ​വ് ക്ഷേ​ത്ര​ത്തി​ന് മു​ന്‍വ​ശം വ​രെ പ​ണി പൂ​ര്‍ത്തീ​ക​രി​ച്ചി​ട്ട് വ​ര്‍ഷ​ങ്ങ​ളാ​യി.

ഒ​ന്ന​ര കി​ലോ​മീ​റ്റ​ര്‍ മാ​ത്ര​മാ​ണ് ഇ​നി ബാ​ക്കി​യു​ള​ള​ത്. ബൈ​പാ​സി​ന്റെ അ​ടി​സ്ഥാ​ന​ല​ക്ഷ്യം ദേ​ശീ​യ​പാ​ത​യു​മാ​യി ജി​ല്ല ആ​സ്ഥാ​ന​ത്തേ​ക്കു​ള​ള റോ​ഡ് ബ​ന്ധ​പ്പെ​ടു​ത്തു​ക​യാ​യി​രു​ന്നു. എ​ന്നാ​ല്‍ ആ​റു​വ​രി പാ​ത​യു​ടെ പ​ണി പു​രോ​ഗ​മി​ക്കു​മ്പോ​ഴും പ​ദ്ധ​തി സ​മ​യ​ബ​ന്ധി​ത​മാ​യി തീ​ര്‍ക്കാ​ന്‍ ക​ഴി​യാ​ത്ത​ത് തി​രി​ച്ച​ടി​യാ​ണ്. ആ​ദ്യ​ഘ​ട്ട​ത്തി​ല്‍ സ​ര്‍ക്കാ​ര്‍ വ​ക​യി​രു​ത്തി​യ 32 കോ​ടി​യി​ല്‍ അ​ര കോ​ടി രൂ​പ പ​രി​സ്ഥി​തി-​സാ​മൂ​ഹി​കാ​ഘാ​ത പ​ഠ​ന​ത്തി​നും മ​റ്റു​മാ​യി ചെ​ല​വ​ഴി​ച്ചു.

തു​ട​ര്‍ന്ന് 1.5 കി​ലോ​മീ​റ്റ​ര്‍ ഭൂ​മി ഏ​റ്റെ​ടു​ക്കു​ന്ന​തി​നും നി​ര്‍മാ​ണ​ത്തി​നും ആ​വ​ശ്യ​മാ​യ തു​ക ല​ഭി​ക്കാ​ത്ത​തി​നാ​ണ് തി​രി​ച്ച​ടി​യാ​യ​ത്. കു​ടും​ബ​ങ്ങ​ളു​ടെ വി​വാ​ഹം, വി​ദ്യാ​ഭ്യാ​സം, ചി​കി​ത്സ തു​ട​ങ്ങി​യ അ​ടി​യ​ന്ത​ര ആ​വ​ശ്യ​ങ്ങ​ള്‍ക്കാ​യി സ്വ​ന്തം ആ​സ്തി​ക​ള്‍ പ​ണ​യ​പ്പെ​ടു​ത്തി ക​ടം വാ​ങ്ങാ​നും ക്ര​യ​വി​ക്ര​യം ചെ​യ്യാ​നും പ​റ്റാ​ത്ത സാ​ഹ​ച​ര്യ​മാ​ണ്.

വി​ഷ​യ​ങ്ങ​ള്‍ ജ​ന​പ്ര​തി​നി​ധി​ക​ളു​ടെ​യും സ​ര്‍ക്കാ​റി​ന്റെ​യും പൊ​തു സ​മൂ​ഹ​ത്തി​ന്റെ​യും ശ്ര​ദ്ധ​യി​ല്‍ കൊ​ണ്ടു​വ​രി​ക​യാ​ണ് കൂ​ട്ടാ​യ്മ​യു​ടെ ല​ക്ഷ്യം. പ്ര​ഫ. ആ​ബി​ദ് ഹു​സൈ​ന്‍ ത​ങ്ങ​ള്‍ എം.​എ​ല്‍.​എ ഉ​ദ്ഘാ​ട​നം ചെ​യ്യും. ന​ഗ​ര​സ​ഭ ചെ​യ​ര്‍പേ​ഴ്‌​സ​ൻ ബു​ഷ്‌​റ ഷ​ബീ​റി​ന്റെ അ​ധ്യ​ക്ഷ​ത​യി​ല്‍ വി​വി​ധ രാ​ഷ്ട്രീ​യ പാ​ര്‍ട്ടി നേ​താ​ക്ക​ള്‍, ജ​ന​പ്ര​തി​നി​ധി​ക​ള്‍ എ​ന്നി​വ​ർ പ​ങ്കെ​ടു​ക്കും. വാ​ര്‍ത്ത സ​മ്മേ​ള​ന​ത്തി​ല്‍ ചെ​യ​ര്‍മാ​ന്‍ ക​രു​വ​ക്കോ​ട്ടി​ല്‍ സൈ​ത​ല​വി, ക​ണ്‍വീ​ന​ര്‍ വി.​പി. അ​ബ്ദു​റ​സാ​ഖ്, പി.​ടി. ജ​മാ​ലു​ദ്ദീ​ന്‍, വി.​എ. ഫൈ​സ​ല്‍ എ​ന്നി​വ​ര്‍ പ​ങ്കെ​ടു​ത്തു.