'പൊ​ളി​ച്ച​ട​ക്കി' ജ​ല അ​തോ​റി​റ്റി

കോ​ട്ട​ക്ക​ൽ: നി​ര്‍മാ​ണം പൂ​ര്‍ത്തി​യാ​യ റോ​ഡ് ഉ​ദ്ഘാ​ട​നം ചെ​യ്ത് ക​ഴി​ഞ്ഞാ​ൽ അ​ത് ജ​ല അ​തോ​റി​റ്റി വെ​ട്ടി​പ്പൊ​ളി​ക്കും. ഇ​ക്കാ​ര്യ​ത്തി​ല്‍ ഇ​പ്പോ​ഴും മാ​റ്റ​മി​ല്ലെ​ന്നാ​ണ് മാ​സ​ങ്ങ​ള്‍ക്ക് മു​മ്പ് ഉ​ദ്ഘാ​ട​നം ക​ഴി​ഞ്ഞ കോ​ട്ട​ക്ക​ല്‍ കോ​ട്ട​പ്പ​ടി റോ​ഡി​െൻറ കാ​ര്യം. എ​ന്നാ​ല്‍ നി​ര്‍മാ​ണ സ​മ​യ​ത്ത് പൈ​പ്പി​ന് ലീ​ക്ക് സം​ഭ​വി​ച്ചി​ട്ടും പൊ​തു​മ​രാ​മ​ത്ത് ചാ​ക്ക് വെ​ച്ച​ട​ച്ച​താ​ണ് പൊ​ളി​ക്കാ​ന്‍ കാ​ര​ണ​മെ​ന്നാ​ണ് ഉ​ദ്യോ​ഗ​സ്ഥ​രു​ടെ വി​ശ​ദീ​ക​ര​ണം.

ക​ഴി​ഞ്ഞ സെ​പ്​​റ്റം​ബ​റി​ലാ​ണ് പൊ​തു​മ​രാ​മ​ത്ത് മ​ന്ത്രി ജി. ​സു​ധാ​ക​ര​ന്‍ കോ​ട്ട​ക്ക​ല്‍ കു​ർ​ബാ​നി റോ​ഡ് നാ​ടി​ന് സ​മ​ര്‍പ്പി​ച്ച​ത്. ഈ ​റോ​ഡാ​ണി​പ്പോ​ള്‍ ജ​ല​വി​ത​ര​ണ​ത്തി​ന് ത​ട​സ്സം നേ​രി​ട്ട​തി‍െൻറ പേ​രി​ല്‍ വെ​ട്ടി​പ്പൊ​ളി​ച്ച​ത്. ശി​വ​ക്ഷേ​ത്ര​ത്തി​ന് മു​ന്നി​ൽ റോ​ഡി​നു താ​ഴെ കൂ​ടി പോ​കു​ന്ന എ​ട്ട്​ ഇ​ഞ്ച് പൈ​പ്പി‍െൻറ ജോ​യ​ൻ​റി​ൽ ലീ​ക്ക് ഉ​ണ്ടാ​യ​തി​നെ തു​ട​ര്‍ന്നാ​ണ് പ്ര​വൃ​ത്തി​ക​ള്‍. ഇ​തോ​ടെ പ്ര​തി​ഷേ​ധ​ത്തി​ലാ​ണ് റോ​ഡി​ന് വീ​തി കൂ​ട്ടാ​നാ​യി ഭൂ​മി വി​ട്ടു​കൊ​ടു​ത്ത നാ​ട്ടു​കാ​ര്‍. വാ​ട്ട​ര്‍ അ​തോ​റി​റ്റി​യു​ടെ ഇ​ത്ത​രം പ്ര​വൃ​ത്തി​ക​ള്‍ പൂ​ര്‍ത്തി​യാ​ക്കി​യ ശേ​ഷം മ​തി​യാ​യി​രു​ന്നി​ല്ലേ റോ​ഡ് നി​ര്‍മാ​ണ​മെ​ന്നാ​ണ് ഏ​വ​രും ചോ​ദി​ക്കു​ന്ന​ത്.

ചോ​ര്‍ച്ച ഉ​ണ്ടാ​യി​ട്ടും റോ​ഡ് നി​ര്‍മാ​ണ​വു​മാ​യി മു​ന്നോ​ട്ട് പോ​യ​താ​ണ് ഇ​പ്പോ​ഴ​ത്തെ പ്ര​തി​സ​ന്ധി​ക്ക് കാ​ര​ണ​മെ​ന്നാ​ണ് ഉ​ദ്യോ​ഗ​സ്ഥ​ര്‍ പ​റ​യു​ന്ന​ത്. മൂ​ന്ന് കോ​ടി ചെ​ല​വ​ഴി​ച്ച് പൊ​തു​മ​രാ​മ​ത്ത് നി​ര​ത്ത് വി​ഭാ​ഗ​മാ​ണ് ബി.​എം ആ​ന്‍ഡ് ബി.​സി ചെ​യ്ത് വീ​തി കൂ​ട്ടി റോ​ഡി‍െൻറ ന​വീ​ക​ര​ണ പ്ര​വൃ​ത്തി പൂ​ര്‍ത്തീ​ക​രി​ച്ച​ത്. കോ​ട്ട​ക്ക​ല്‍ ന​ഗ​ര​ത്തി​ലെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കി കോ​ഴി​ക്കോ​ട്-​തൃ​ശൂ​ര്‍ ദേ​ശീ​യ​പാ​ത​യി​ലേ​ക്കെ​ത്താ​ന്‍ യാ​ത്ര​ക്കാ​ര്‍ക്ക് സ​മാ​ന്ത​ര പാ​ത​യാ​യി ഉ​പ​യോ​ഗി​ക്കു​ന്ന റോ​ഡാ​ണി​ത്. പ്ര​വൃ​ത്തി ക​ഴി​ഞ്ഞാ​ലും ഇ​വി​ടെ കോ​ൺ​ക്രീ​റ്റ് ആ​ണ് ചെ​യ്യു​ക.