കോട്ടപ്പടി മാർക്കറ്റ് പൊളിക്കൽ തുടങ്ങി

മലപ്പുറം: കോട്ടപ്പടിയിൽ മാർക്കറ്റ് കം ഷോപ്പിങ് കോംപ്ലക്സ് നിർമിക്കുന്നതി​െൻറ ഭാഗമായി നിലവിലെ മാർക്കറ്റ് കെട്ടിടങ്ങൾ പൊളിച്ചുനീക്കാൻ തുടങ്ങി. അത്യാധുനിക സൗകര്യങ്ങളോടെ പുതിയ മാർക്കറ്റ് സമുച്ചയം പണിയുന്നതിന് ഒന്നര മാസം മുമ്പ് ധനമന്ത്രി ഡോ. തോമസ് ഐസക് ശിലയിട്ടിരുന്നു.

വ്യാപാരികൾക്ക് കച്ചവടം തുടരാൻ താൽക്കാലിക ഷെഡുകൾ ഒരുക്കിയിട്ടുണ്ട്. മത്സ്യ^മാംസ കച്ചവടക്കാർക്ക് മാർക്കറ്റിനോട് ചേർന്നാണ് ബദൽസംവിധാനം. മറ്റു വ്യാപാരികൾക്ക് സ്​റ്റേഡിയത്തിനരികിലെ സ്പോർട്സ് കൗൺസിലി​െൻറ സ്ഥലത്തും ഷെഡുകൾ നിർമിച്ചു. ചിലർ സ്വന്തം നിലക്ക് ബദൽമാർഗങ്ങൾ തേടി.

12.85 കോടി രൂപ ചെലവിൽ നാലുനില കെട്ടിടത്തോടെയാണ് മാർക്കറ്റ് കം ഷോപ്പിങ് കോംപ്ലക്സ് നിർമിക്കുന്നത്. മാർക്കറ്റിന് 5616 ചതുരശ്രമീറ്റർ പ്ലിന്ത് ഏരിയയുണ്ട്.

താഴത്തെ നിലയിലെ 43 മുറികൾ മത്സ്യ^പച്ചക്കറി കച്ചവടക്കാർക്കുള്ളതാണ്. ഒന്നാം നിലയിൽ 43 കടമുറികളുണ്ടാവും. രണ്ടാം നിലയിൽ സൂപ്പർ മാർക്കറ്റുകൾക്കും ഓഫിസുകൾക്കും ട്രേഡ് സെൻററിനും അനുയോജ്യമായ രീതിയിലായിരിക്കും നിർമാണം.

മാലിന്യസംസ്കരണ പ്ലാൻറ്, മിനി ഗാർഡൻ, ലിഫ്റ്റ് തുടങ്ങിയവ കെട്ടിടത്തി​െൻറ ഭാഗമായുണ്ടാവും. മുകളിലും താഴെയും പാർക്കിങ് സൗകര്യമുണ്ടാവും. ലിഫ്റ്റ് സംവിധാനത്തിലാണ് മുകളിലേക്ക് വാഹനങ്ങളെത്തിക്കുക. സ്ത്രീകൾക്കും പുരുഷന്മാർക്കും വിവിധ സൗകര്യങ്ങളോടുകൂടിയ ശുചിമുറികളും നിർമിക്കുന്നുണ്ട്.