ധകതിമി ധകതിമി താളമേളം

മ​ല​പ്പു​റം: ആ​ഹ്ലാ​ദം ആ​വേ​ശം തീ​ർ​ത്ത ക​ലാ​വേ​ദി​യി​ൽ കലാകാരൻമാർ വസന്തം നെ​യ്തെ​ടു​ത്ത​പ്പോ​ൾ കു​ടും​ബ​ശ്രീ ജി​ല്ല മി​ഷ​ൻ ബ​ഡ്സ് സ്കൂൾ ക​ലാ​മേ​ള ര​ണ്ടാം​ദി​ന​ത്തി​ലും ആ​വേ​ശ​പ്പൂ​ര​മാ​യി. 28 പോ​യ​ന്‍റു​മാ​യി വ​ട്ടം​കു​ളം ബ​ഡ്സ് സ്കൂ​ളാ​ണ് ര​ണ്ടാം​ദി​ന​ത്തി​ൽ മു​ന്നി​ൽ. 22 പോയന്റുമായി മാറഞ്ചേരി ബി.ആർ.സി ര​ണ്ടാ​മ​തു​ണ്ട്. 21 പോ​യ​ന്‍റു​മാ​യി മ​ക്ക​ര​പ​റ​മ്പ് ബ​ഡ്സ് സ്കൂ​ൾ മൂന്നാമ​തെത്തി.

വേ​ദി ഒ​ന്ന് തു​മ്പ​യി​ൽ രാ​വി​ലെ പ​ത്ത് മു​ത​ൽ വാ​ശി​നി​റ​ഞ്ഞ കോ​ൽ​ക്ക​ളി മ​ത്സ​രം അ​ര​ങ്ങേ​റി​യ​പ്പോ​ൾ വേ​ദി ര​ണ്ട് മു​ല്ല​യി​ൽ ജൂ​നി​യ​ർ ആ​ൺ, പെ​ൺ നാ​ടോ​ടി​നൃ​ത്ത​വും ജൂ​നി​യ​ർ, സീ​നി​യ​ർ മി​മി​ക്രി മ​ത്സ​ര​വും അ​ര​ങ്ങ് ത​ക​ർ​ത്തു. വേ​ദി മൂ​ന്ന് മ​ന്ദാ​ര​ത്തി​ൽ ജൂ​നി​യ​ർ, സീ​നി​യ​ർ മാ​പ്പി​ള​പ്പാ​ട്ട് മ​ത്സ​ര​ത്തെ നി​റ​ഞ്ഞ ക​ര​ഘോ​ഷ​ത്തോ​ടെ സ​ദ​സ്സ് ഏ​റ്റെ​ടു​ത്തു.

സ്റ്റേ​ജി​ത​ര മ​ത്സ​ര​ങ്ങ​ളാ​യ എ​മ്പോ​സ് പെ​യി​ന്‍റി​ങ്, പ്ര​വൃ​ത്തി പ​രി​ച​യം എ​ന്നി​വ​യും ര​ണ്ടാം​ദി​നം അ​ര​ങ്ങേ​റി. നാ​ടോ​ടി നൃ​ത്ത​ത്തി​ൽ 21 പേ​രും മി​മി​ക്രി ജൂ​നി​യ​ർ - എ​ട്ട്, എം​പോ​സ് പെ​യി​ന്റി​ങ്ങ് - 20, പ്ര​വൃ​ത്തി പ​രി​ച​യം - 11, നാ​ടോ​ടി​നൃ​ത്തം ജൂ​നി​യ​ർ ആ​ൺ - ഏ​ഴ്, കോ​ൽ​ക്ക​ളി - 33, സീ​നി​യ​ർ മാ​പ്പി​ള​പ്പാ​ട്ട് - 36 എ​ന്നി​ങ്ങ​നെ​യാ​ണ് ബു​ധ​നാ​ഴ്ച മ​ത്സ​രി​ച്ച​ത്. സം​ഘ​നൃ​ത്തം, സം​ഘ​ഗാ​നം, പ്ര​ച്ഛ​ന്ന​വേ​ഷം എ​ന്നി​വ വ്യാ​ഴാ​ഴ്ച അ​ര​ങ്ങേ​റും. സ​മാ​പ​ന സ​മ്മേ​ള​നം ഉ​ച്ച​ക്ക് 2.30ന് ​മ​ന്ത്രി വി. ​അ​ബ്ദു​റ​ഹ്മാ​ൻ ഉ​ദ്ഘാ​ട​നം ചെ​യ്യും. പി. ​ഉ​ബൈ​ദു​ല്ല എം.​എ​ൽ.​എ, ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ് എം.​കെ. റ​ഫീ​ഖ, ന​ഗ​ര​സ​ഭ ചെ​യ​ർ​മാ​ൻ മു​ജീ​ബ് കാ​ടേ​രി എ​ന്നി​വ​ർ സം​സാ​രി​ക്കും.

ക​ര​വി​രു​തി​ൽ ഒ​ന്നാ​മ​താ​ണ് ഈ ​മി​ടു​ക്ക​ൻ; ശ്ര​ദ്ധ​നേ​ടി മു​ഹ​മ്മ​ദ് അ​ഷ്റ​ഫി​ന്‍റെ പ്ര​ക​ട​നം

മ​ല​പ്പു​റം: സ്റ്റേ​ജി​ത​ര മ​ത്സ​ര വി​ഭാ​ഗ​മാ​യ പ്ര​വൃ​ത്തി പ​രി​ച​യ​ത്തി​ൽ വി​സ്മ​യം തീ​ർ​ത്ത് മു​ഹ​മ്മ​ദ് അ​ഷ്റ​ഫ്. ചോ​ക്കാ​ട് ബി.​ആ​ർ.​സി​യി​ലെ ഈ ​വി​ദ്യാ​ർ​ഥി​യു​ടെ മി​ക​ച്ച പ്ര​ക​ട​ന​ത്തോ​ടെ ഒ​ന്നാം​സ്ഥാ​നം ത​ന്നെ നേ​ടി​യെ​ടു​ത്തു. ഹാ​ങ്ങി​ങ് ചെ​യി​ൻ, കി​ളി​ക്കൂ​ട്, പ​ഞ്ഞി​യും ക​വ​റു​ക​ളും ഉ​പ​യോ​ഗി​ച്ച് വെ​ളു​ത്തു​ള്ളി, ഫ്ല​വ​ർ വേ​സ് എ​ന്നി​വ നി​മി​ഷ​നേ​രം കൊ​ണ്ടാ​ണ് നി​ർ​മി​ച്ച​ത്.

കാ​ളി​കാ​വ് ഉ​ദ​രം​പൊ​യി​ൽ തെ​ന്നി​ല​ക​ത്ത് പ​രേ​ത​നാ​യ ഹു​സൈ​ന്റെ​യും ഖ​ദീ​ജ​യു​ടെ​യും മ​ക​നാ​ണ്. അ​ധ്യാ​പി​ക ദി​വ്യ, ആ​യ ര​സ്ന എ​ന്നി​വ​ർ​ക്കൊ​പ്പ​മാ​ണ് മ​ത്സ​ര​ത്തി​നെ​ത്തി​യ​ത്. കോ​ൽ​ക്ക​ളി​യി​ലും ഒ​രു കൈ ​നോ​ക്കി​യാ​ണ് മ​ട​ങ്ങി​യ​ത്. വി​വി​ധ കാ​റ്റ​ഗ​റി​യി​ൽ 20 കു​ട്ടി​ക​ളാ​ണ് ഈ ​സ്കൂ​ളി​ൽ​നി​ന്ന് മേ​ള​യി​ൽ മാ​റ്റു​ര​ച്ച​ത്.