ചെല്ലൂർ പറക്കുന്നത്ത് ക്ഷേ​ത്രോത്സവത്തിനിടെ സംഘർഷം; പൊലീസിനെതിരെ പരാതി

കു​റ്റി​പ്പു​റം: ചെ​ല്ലൂ​ർ പ​റ​ക്കു​ന്ന​ത്ത് ക്ഷേ​ത്ര​ത്തി​ൽ ന​ട​ന്ന ഉ​ത്സ​വ​ത്തി​നി​ടെ സം​ഘ​ർ​ഷ​മു​ണ്ടാ​യ​തി​ൽ പൊ​ലീ​സി​നെ​തി​രെ പ​രാ​തി. വ​ര​വ് സം​ഘ​ങ്ങ​ളും പൊ​ലീ​സും ത​മ്മി​ലാ​ണ് സം​ഘ​ർ​ഷ​മു​ണ്ടാ​യ​ത്. കൃ​ത്യ​സ​മ​യ​ത്ത് വ​ര​വു​ക​ൾ ക്ഷേ​ത്ര​ത്തി​ൽ എ​ത്തി​ച്ചേ​ർ​ന്നി​ല്ലെ​ന്ന് ആ​രോ​പി​ച്ചാ​ണ് സം​ഘ​ർ​ഷ​മു​ണ്ടാ​യ​ത്. സം​ഭ​വ​ത്തി​ൽ മൂ​ന്നു​ത​വ​ണ പൊ​ലീ​സ് ല​ാത്തി​വീ​ശി. വെ​ള്ളി​യാ​ഴ്ച രാ​ത്രി​യാ​ണ് സം​ഭ​വം.

അ​തേ​സ​മ​യം, പൊ​ലീ​സ് അ​നാ​വ​ശ്യ​മാ​യും പ്ര​കോ​പ​ന​പ​ര​മാ​യും പെ​രു​മാ​റി സം​ഘ​ർ​ഷാ​വ​സ്ഥ സൃ​ഷ്ടി​ച്ചെ​ന്ന പ​രാ​തി​യു​മാ​യി ക്ഷേ​ത്രം ട്ര​സ്റ്റി ഭാ​ര​വാ​ഹി​ക​ളും ഡി.​വൈ.​എ​ഫ്.​ഐ പ്ര​വ​ർ​ത്ത​ക​രും രം​ഗ​ത്തെ​ത്തി. വി​വി​ധ ക​ലാ​രൂ​പ​ങ്ങ​ളു​മാ​യി എ​ത്തി​യ വ​ര​വ് ക​മ്മി​റ്റി അം​ഗ​ങ്ങ​ളെ​യും ആ​ഘോ​ഷ​ത്തി​ൽ പ​ങ്കെ​ടു​ക്കാ​ൻ എ​ത്തി​യ നാ​ട്ടു​കാ​രെ​യും കു​ട്ടി​ക​ളെ​യും അ​ട​ക്കം പൊ​ലീ​സ് സ​ബ് ഇ​ൻ​സ്പെ​ക്ട​റു​ടെ നേ​തൃ​ത്വ​ത്തി​ൽ മ​ർ​ദി​ച്ചെ​ന്നാ​ണ് പ​രാ​തി.

വ​ര​വു​ക​ൾ വ​ന്ന സ​മ​യ​ത്ത് മൂ​ടാ​ൽ ഭാ​ഗ​ത്തു​വെ​ച്ച് പ്ര​ത്യേ​ക ഡ്യൂ​ട്ടി​ക്കെ​ത്തി​യ ആ​ർ.​ആ​ർ.​എ​ഫു​കാ​രും തെ​റ്റാ​യ ന​ട​പ​ടി​ക​ളി​ലൂ​ടെ പ്ര​ശ്നം വ​ഷ​ളാ​ക്കി​യെ​ന്നും ര​മ്യ​ത​യി​ൽ തീ​ർ​ക്കേ​ണ്ട പ്ര​ശ്നം പൊ​ലീ​സ് ജ​ന​ങ്ങ​ളെ ത​ല്ലിിയതിലൂടെ രൂക്ഷമാക്കിയെന്നുമാണ് ഭാ​ര​വാ​ഹി​ക​ൾ ആ​രോ​പി​ക്കു​ന്ന​ത്. തു​ട​ർ​ന്ന് ശാ​ലു​മേ​നോ​ന്റെ നൃ​ത്ത പ​രി​പാ​ടി ന​ട​ത്താ​ൻ അ​നു​വ​ദി​ക്കാ​തെ ക്ഷേ​ത്രം ഉ​ട​ൻ അ​ട​ക്ക​ണ​മെ​ന്ന് എ​സ്.​ഐ ഉ​ത്ത​ര​വി​ട്ട​താ​യും ഭാ​ര​വാ​ഹി​ക​ൾ ആ​രോ​പി​ച്ചു.

സം​ഭ​വ​ത്തി​ൽ ആ​ഭ്യ​ന്ത​ര മ​ന്ത്രി​ക്കും വ​കു​പ്പ് ഉ​ദ്യോ​ഗ​സ്ഥ​ർ​ക്കും ശ​ക്ത​മാ​യ ന​ട​പ​ടി ആ​വ​ശ്യ​പ്പെ​ട്ട് പ​രാ​തി ന​ൽ​കി​യ​താ​യി ഡി.​വൈ.​എ​ഫ്.​ഐ കു​റ്റി​പ്പു​റം മേ​ഖ​ല ക​മ്മി​റ്റി അ​റി​യി​ച്ചു. അ​തേ​സ​മ​യം, ക​ഴി​ഞ്ഞ വ​ർ​ഷം ഉ​ത്സ​വ​ത്തി​നി​ടെ​യു​ണ്ടാ​യ ചി​ല സം​ഘ​ർ​ഷ​ങ്ങ​ളു​ടെ പ​ശ്ചാ​ത്ത​ല​ത്തി​ലാ​ണ് സു​ര​ക്ഷ ശ​ക്ത​മാ​ക്കി​യ​തെ​ന്ന് പൊ​ലീ​സ് അ​റി​യി​ച്ചു.