റെ​യി​ൽ​വേ ന​ട​പ്പാ​ത അ​ട​ച്ചി​ട്ട് ഒ​ന്ന​ര മാ​സം; സ​ർ​ക്കാ​ർ സ്ഥാ​പ​ന​ങ്ങ​ളിലെ​ത്താ​ൻ ജ​ന​ങ്ങ​ൾ ചു​റ്റി വ​ള​യ​ണം

കു​റ്റി​പ്പു​റം: റെ​യി​ൽ​വേ​ക്ക് മു​ക​ളി​ലൂ​ടെ​യു​ള്ള ന​ട​പ്പാ​ത അ​റ്റ​കു​റ്റ​പ്പ​ണി​ക്കാ​യി അ​ട​ച്ചി​ട്ടി​ട്ട് ഒ​ന്ന​ര മാ​സം ക​ഴി​ഞ്ഞി​ട്ടും തു​റ​ക്കാ​ൻ ന​ട​പ​ടി​യാ​യി​ല്ല. റെ​യി​ൽ​വെ വി​ഭ​ജി​ച്ച ര​ണ്ട് പ്ര​ദേ​ശ​ങ്ങ​ളി​ലെ ജ​ന​ങ്ങ​ൾ​ക്ക് കാ​ൽ​ന​ട​യാ​യി സ​ഞ്ച​രി​ക്കാ​നു​ള്ള വ​ഴി​യാ​ണ് ഈ ​ന​ട​പാ​ത.

കു​റ്റി​പ്പ​റം ഗ​വ: ഹ​യ​ർ സെ​ക്ക​ൻ​ഡ​റി സ്കൂ​ൾ, ഗ​വ: എ​ൽ.​പി. സ്കൂ​ൾ, റ​ജി​സ്ട്ര​ർ ഓ​ഫി​സ്, വി​ല്ലേ​ജ് ഓ​ഫി​സ്, പി.​ഡ​ബ്ല്യു.​ഡി റ​സ്റ്റ് ഹൗ​സ്, കു​റ്റി​പ്പു​റം പ​ഞ്ചാ​യ​ത്ത് ഓ​ഫി​സ് തു​ട​ങ്ങി മി​നി സി​വി​ൽ സ്റ്റേ​ഷ​നി​ൽ സ്ഥി​തി ചെ​യ്യു​ന്ന എ​ക്സൈ​സ് ഓ​ഫി​സ്, കൃ​ഷി​ഭ​വ​ൻ, എ.​ഇ.​ഒ ഓ​ഫി​സ്, എം​േ​പ്ലാ​യ്മെ​ന്റ് എ​ക്സ്ചേ​ഞ്ച് ഉ​ൾ​പ്പ​ടെ പ​ത്തോ​ളം ഗ​വ: സ്ഥാ​പ​ന​ങ്ങ​ൾ നി​ല​നി​ൽ​ക്കു​ന്ന പ്ര​ദേ​ശ​ത്തേ​ക്ക് കു​റ്റി​പ്പു​റം ടൗ​ണി​ൽ നി​ന്നും എ​ത്തി​പെ​ടാ​നു​ള്ള എ​ളു​പ്പ വ​ഴി അ​ട​ഞ്ഞ​തോ​ടെ ജ​ന​ങ്ങ​ൾ ദു​രി​ത​ത്തി​ലാ​യി​രി​ക്കു​ക​യാ​ണ്. ഇ​വി​ടേ​ക്ക് ക​ഴി​ഞ്ഞ ഒ​ന്ന​ര​മാ​സ​ത്തി​ല​ധി​ക​മാ​യി ചു​റ്റി വ​ള​ഞ്ഞാ​ണ് സ​ഞ്ച​രി​ക്കു​ന്ന​ത്.

ഇ​തി​ൽ ഏ​റ്റ​വും ദു​രി​ത​മ​നു​ഭ​വി​ക്കു​ന്ന​ത് ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ വി​ദ്യാ​ർ​ഥി​ക​ളാ​ണ്. കു​റ്റി​പ്പു​റം നോ​ർ​ത്ത് ഭാ​ഗ​ത്തേ​ക്ക് പ​ഴ​യ ദേ​ശീ​യ​പാ​ത​യി​ലൂ​ടെ കാ​ൽ​ന​ട​യാ​യി സ്കൂ​ളി​ലേ​ക്കും തി​രി​ച്ചും പോ​കു​ന്ന വി​ദ്യാ​ർ​ഥി​ക​ളാ​ണ് വ​ള​രെ​യ​ധി​കം ക​ഷ്ട​പ്പെ​ടു​ന്ന​ത്. റെ​യി​ൽ​വേ ലൈ​ൻ വ​ള​രെ സാ​ഹ​സ​പ്പെ​ട്ട് മു​റി​ച്ച് ക​ട​ക്കാ​ൻ ചി​ല വി​ദ്യാ​ർ​ഥി​ക​ൾ ശ്ര​മി​ക്കു​ന്ന​ത് നി​ത്യ​കാ​ഴ്ച​യാ​ണ്. ഇ​ത് വ​ലി​യ അ​പ​ക​ടത്തിലേക്കാണ് വഴിതുറക്കുന്നത്. ഇ​തു​വ​രെ ന​വീ​ക​ര​ണ പ്ര​വ​ർ​ത്തി​ക​ൾ ആ​രം​ഭി​ക്കു​ക പോ​ലും ചെ​യ്യാ​തെ​യു​ള്ള ഈ ​വ​ഴി​യ​ട​ച്ചി​ട​ൽ എ​ത്ര​യും പെ​ട്ട​ന്ന് അ​വ​സാ​നി​പ്പി​ക്കേ​ണ്ട​ത് അ​നി​വാ​ര്യ​ത​യാ​ണെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ട്ടു.