എണ്ണിയെണ്ണിപ്പറയട്ടെ...

മ​ല​പ്പു​റം: ഉ​രു​ക്കു​കോ​ട്ട​ക​ളി​ൽ വി​ള്ള​ലു​ണ്ടാ​ക്കാ​നു​ള്ള സി.​പി.​എം നീ​ക്ക​ങ്ങ​ളെ നി​ഷ്പ്ര​ഭ​മാ​ക്കി​യാ​ണ് മ​ല​പ്പു​റ​ത്തും പൊ​ന്നാ​നി​യി​ലും മു​സ്‌​ലിം ലീ​ഗ് റെ​ക്കോ​ഡ് വി​ജ​യം നേ​ടി​യ​ത്. സ്വ​ന്തം നാ​ട്ടി​ൽ ആ​ദ്യ അ​ങ്ക​ത്തി​നി​റ​ങ്ങി​യ ഇ.​ടി. മു​ഹ​മ്മ​ദ് ബ​ഷീ​റി​നും വ്യ​ക്തി​പ്ര​ഭാ​വം​കൊ​ണ്ട് മ​ണ്ഡ​ല​ത്തി​ലു​ട​നീ​ളം ഓ​ടി​ന​ട​ന്ന സ​മ​ദാ​നി​ക്കും രാ​ജ​കീ​യ വി​ജ​യ​മാ​ണ് ജി​ല്ല സ​മ്മാ​നി​ച്ച​ത്. പു​തി​യ മ​ണ്ഡ​ല​ത്തി​ൽ പു​തി​യ പ​ദ്ധ​തി​ക​ളു​മാ​യി പ്ര​വ​ർ​ത്ത​ന ഗോ​ദ​യി​ലി​റ​ങ്ങു​ന്ന എം.​പി​മാ​ർ തെ​ര​ഞ്ഞെ​ടു​പ്പ് അ​നു​ഭ​വ​ങ്ങ​ളും പ്ര​തീ​ക്ഷ​ക​ളും ‘മാ​ധ്യ​മ’​വു​മാ​യി പ​ങ്കു​വെ​ക്കു​ന്നു.

വി​ജ​യം സ​ങ്ക​ൽ​പ​ങ്ങ​ൾ​ക്ക​പ്പു​റം

ക​ഴി​ഞ്ഞ​ത​വ​ണ​ത്തെ​ക്കാ​ൾ ഭൂ​രി​പ​ക്ഷം ഉ​ണ്ടാ​വു​മെ​ന്ന് പ്ര​തീ​ക്ഷി​ച്ചി​രു​ന്നെ​ങ്കി​ലും മൂ​ന്നു ല​ക്ഷ​ത്തി​നു മു​ക​ളി​ലു​ള്ള ഈ ​വ​ലി​യ ഭൂ​രി​പ​ക്ഷം സ​ങ്ക​ൽ​പ​ത്തി​ൽ​പോ​ലും ഉ​ണ്ടാ​യി​രു​ന്നി​ല്ല. മാ​ധ്യ​മ​ങ്ങ​ളി​ലെ വാ​ർ​ത്ത​ക​ൾ​ക്ക​പ്പു​റ​മാ​ണ് യാ​ഥാ​ർ​ഥ്യ​ങ്ങ​ൾ. യു.​ഡി.​എ​ഫി​ന്റെ ഐ​ക്യ​വും ലീ​ഡ​ർ​ഷി​പ്പു​മാ​ണ് വി​ജ​യ​ത്തി​ന് ആ​ക്കം​കൂ​ട്ടി​യ​ത്. സ്വ​ന്തം നാ​ട്ടി​ൽ മ​ത്സ​രി​ച്ച​ത് ആ​ദ്യാ​നു​ഭ​വ​മാ​യി​രു​ന്നു. വി​ജ​യ​ത്തി​ന് അ​ത് വ​ള​രെ അ​നു​കൂ​ല ഘ​ട​ക​മാ​യി മാ​റി​യി​ട്ടു​ണ്ട്.

ഏ​കാ​ധി​പ​ത്യം സി.​പി.​എ​മ്മി​നെ തോ​ൽ​പി​ച്ചു

ന​യ​പ​ര​മാ​യ പാ​ളി​ച്ച​ക​ളും ഏ​കാ​ധി​പ​ത്യ സ്വ​ഭാ​വ​വും സി.​പി.​എ​മ്മി​ന്റെ തോ​ൽ​വി​ക്ക് കാ​ര​ണ​മാ​യി. അ​വ​രു​ടെ ഉ​ള്ളി​ൽ ഒ​രു​പാ​ട് തെ​റ്റാ​യ അ​ജ​ണ്ട​ക​ൾ ഉ​ണ്ടെ​ന്ന് തെ​ളി​യി​ക്കു​ക​കൂ​ടി​യാ​ണ് ഈ ​തെ​ര​ഞ്ഞെ​ടു​പ്പ് ചെ​യ്ത​ത്. ഈ ​ഫ​ലം ഒ​രു​പാ​ട് നി​ഗൂ​ഢ​ത​ക​ൾ പു​റ​ത്തു​കൊ​ണ്ടു​വ​ന്നു. ഏ​തെ​ല്ലാം വി​ധ​ത്തി​ൽ സി.​പി.​എം ച​തി​ച്ചി​ട്ടു​ണ്ടെ​ന്ന് ജ​ന​ങ്ങ​ളു​ടെ മ​ന​സ്സി​ലു​ണ്ട്. ഇ​നി​യു​ള്ള തെ​ര​ഞ്ഞെ​ടു​പ്പ് കാ​ല​ങ്ങ​ളി​ലും സി.​പി.​എം മ​റു​പ​ടി പ​റ​യേ​ണ്ട ചോ​ദ്യ​ങ്ങ​ളാ​യി അ​വ ച​ർ​ച്ച​ചെ​യ്യ​പ്പെ​ടും.

ഐ​ക്യ​ത്തി​ന്‍റെ വി​ജ​യം

മു​ൻ​കാ​ല​ങ്ങ​ളി​ൽ​നി​ന്നു വ്യ​ത്യ​സ്ത​മാ​യി ഐ​ക്യ​ത്തോ​ടെ​യും ചി​ട്ട​യോ​ടെ​യു​മു​ള്ള പ്ര​വ​ർ​ത്ത​ന​ങ്ങ​ൾ​ത​ന്നെ​യാ​ണ് യു.​ഡി.​എ​ഫി​ന്റെ ഈ ​വി​ജ​യ തേ​രോ​ട്ട​ത്തി​ന് കാ​ര​ണം. അ​ക​ൽ​ച്ച​ക​ളെ​യും അ​ഭി​പ്രാ​യ​വ്യ​ത്യാ​സ​ങ്ങ​ളെ​യും എ​ല്ലാം പെ​ട്ടെ​ന്ന് പ​രി​ഹ​രി​ക്കാ​ൻ ക​ഴി​ഞ്ഞു. പ്ര​ചാ​ര​ണ​ശൈ​ലി​യി​ലും നൂ​ത​ന​മാ​യ മാ​ർ​ഗ​ങ്ങ​ൾ കൊ​ണ്ടു​വ​രാ​ൻ ക​ഴി​ഞ്ഞു. സോ​ഷ്യ​ൽ മീ​ഡി​യ സം​വി​ധാ​ന​ങ്ങ​ളെ വേ​ണ്ട രീ​തി​യി​ൽ ഉ​പ​യോ​ഗ​പ്പെ​ടു​ത്തി.

ബി.​ജെ.​പി പ​ത​ന​ത്തി​ലേ​ക്ക്

ന​രേ​ന്ദ്ര മോ​ദി സ​മീ​പ​കാ​ല​ത്ത് എ​ടു​ത്ത ഏ​ക അ​ജ​ണ്ട ന്യൂ​ന​പ​ക്ഷ​വി​രു​ദ്ധ​ത​യാ​ണ്. അ​തി​നോ​ടു​ള്ള മ​തേ​ത​ര വി​ശ്വാ​സി​ക​ളു​ടെ പ്ര​തി​ഷേ​ധ​മാ​ണ് അ​വ​ർ തെ​ര​ഞ്ഞെ​ടു​പ്പി​ൽ പ്ര​ക​ടി​പ്പി​ച്ച​ത്.

ദേ​ശീ​യ രാ​ഷ്ട്രീ​യ​ത്തി​ൽ സാ​ങ്കേ​തി​ക​മാ​യി ബി.​ജെ.​പി വി​ജ​യി​ച്ചി​ട്ടു​ണ്ടെ​ങ്കി​ലും യ​ഥാ​ർ​ഥ​ത്തി​ൽ അ​വ​രു​ടെ ത​ക​ർ​ച്ച​യാ​ണ് ഫ​ലം കാ​ണി​ക്കു​ന്ന​ത്. മൂ​ന്നി​ൽ ര​ണ്ട് ഭൂ​രി​പ​ക്ഷ​ത്തി​ന്റെ പേ​രി​ൽ ഭീ​ക​ര​നി​യ​മ​ങ്ങ​ൾ ന​ട​പ്പാ​ക്കാ​ൻ ഇ​നി അ​വ​ർ​ക്ക് ക​ഴി​യി​ല്ല. ശ​ക്ത​മാ​യ ഒ​രു പ്ര​തി​പ​ക്ഷം രാ​ജ്യ​ത്ത് രൂ​പ​പ്പെ​ട്ടു. ബി.​ജെ.​പി​യു​ടെ പ​ത​ന​ത്തി​ന് ആ​ക്കം​കൂ​ട്ടി​യ ഫ​ല​മാ​ണ് ചൊ​വ്വാ​ഴ്ച പു​റ​ത്തു​വ​ന്ന​ത്.

വി​ക​സ​ന​കാ​ര്യ​ങ്ങ​ൾ കൂ​ടി​യാ​ലോ​ചി​ക്കും

മ​ല​പ്പു​റ​ത്തി​നു​വേ​ണ്ടി ഒ​രു​പാ​ട് കാ​ര്യ​ങ്ങ​ൾ ചെ​യ്യ​ണ​മെ​ന്നു​ണ്ട്. മ​ല​പ്പു​റം മ​ണ്ഡ​ല​ത്തി​ലെ ഏ​ഴു നി​യ​മ​സ​ഭ മ​ണ്ഡ​ല​ങ്ങ​ളി​ലെ എം.​എ​ൽ.​എ​മാ​രു​മാ​യി കൂ​ടി​യാ​ലോ​ചി​ച്ച് പ​ദ്ധ​തി​ക​ൾ ത​യാ​റാ​ക്കും. എ​ല്ലാ മ​ണ്ഡ​ല​ങ്ങ​ളു​ടെ​യും പ്ര​ശ്ന​ങ്ങ​ളും ആ​വ​ശ്യ​ങ്ങ​ളും മ​ന​സ്സി​ലാ​ക്കി എം.​എ​ൽ.​എ​മാ​രോ​ട് ചേ​ർ​ന്നു​നി​ന്ന് പ​ദ്ധ​തി​ക​ൾ ആ​വി​ഷ്ക​രി​ക്കും.

സ്നേ​ഹ​വാ​യ്പി​ന്‍റെ വി​ജ​യം

ഭൂ​രി​പ​ക്ഷ​ത്തി​നു​മ​പ്പു​റം പൊ​ന്നാ​നി സ​മ്മാ​നി​ച്ച ഹൃ​ദ​യം തൊ​ട്ട സ്നേ​ഹ​മാ​ണ് മ​ന​സ്സി​ന് ആ​ന​ന്ദം പ​ക​രു​ന്ന​ത്. തെ​ര​ഞ്ഞെ​ടു​പ്പ് ക​ഴി​ഞ്ഞ​ത് മു​ത​ൽ പ​ല​രും ഭൂ​രി​പ​ക്ഷം എ​ത്ര​യെ​ന്ന് ചോ​ദി​ച്ചി​രു​ന്നെ​ങ്കി​ലും അ​ത് ജ​ന​മ​ന​സ്സി​ലാ​ണ് എ​ന്നാ​ണ് ഞാ​ൻ മ​റു​പ​ടി ന​ൽ​കി​യ​ത്. ആ ​വ​ലി​യ സ്നേ​ഹം തെ​ര​ഞ്ഞെ​ടു​പ്പ് ഫ​ല​ത്തി​ലും പ്ര​തി​ഫ​ലി​ച്ചു. അ​താ​ണ് സ​ക​ല റെ​ക്കോ​ഡു​ക​ളെ​യും മ​റി​ക​ട​ന്ന ഭൂ​രി​പ​ക്ഷ​മാ​യി ക​ലാ​ശി​ച്ച​ത്.

നാ​ട്ടു​കാ​രാ​ണ് ഊ​ർ​ജം

ആ​ദ്യ​മാ​യി​ട്ടാ​ണ് പൊ​ന്നാ​നി മ​ണ്ഡ​ല​ത്തി​ലെ വോ​ട്ട​റാ​യ ഒ​രു വ്യ​ക്തി ഇവിടെനിന്ന് ലോ​ക്സ​ഭ പ്ര​തി​നി​ധി​യാ​യി തെ​ര​ഞ്ഞെ​ടു​ക്ക​പ്പെ​ടു​ന്ന​ത്. ഈ ​വ​ലി​യ വി​ജ​യ​ത്തി​ന് എ​ന്നെ സ​ജ്ജ​മാ​ക്കി​യ​ത് എ​ന്‍റെ നാ​ട്ടു​കാ​രാ​ണ്. നാ​ട്ടു​കാ​രു​ടെ നി​സ്സീ​മ​മാ​യ സ​ഹ​ക​ര​ണ​വും സ്നേ​ഹ​വും പി​ന്തു​ണ​യും ഉ​ണ്ടാ​വു​മെ​ന്ന് എ​നി​ക്കു​റ​പ്പു​ണ്ടാ​യി​രു​ന്നു. പ്ര​വ​ർ​ത്ത​ക​ർ​ക്ക് പു​റ​മെ സ്ത്രീ​ക​ളും പ്രാ​യം​ചെ​ന്ന​വ​രും വോ​ട്ടി​ല്ലാ​ത്ത കു​ട്ടി​ക​ളു​മു​ൾ​പ്പെ​ടെ​യു​ള്ള​വ​ർ ന​ൽ​കി​യ പി​ന്തു​ണ വ​ലി​യ ഊ​ർ​ജ​മാ​ണ് ന​ൽ​കി​യ​ത്.

നേ​തൃ​പാ​ട​വ​ത്തി​ന്‍റെ വി​ജ​യം

യു.​ഡി.​എ​ഫ് നേ​താ​ക്ക​ളു​ടെ നേ​തൃ​പാ​ട​വ​വും അ​ണി​ക​ളു​ടെ നി​സ്വാ​ർ​ഥ​മാ​യ പ്ര​വ​ർ​ത്ത​ന​വും വ​ലി​യ വി​ജ​യ​ത്തി​ന് ഹേ​തു​വാ​യി. യു.​ഡി.​എ​ഫി​ന്റെ എ​ല്ലാ ഘ​ട​ക​ക​ക്ഷി​ക​ളു​ടേ​യും ഒ​റ്റ​ക്കെ​ട്ടാ​യു​ള്ള പ്ര​വ​ർ​ത്ത​നം പ്ര​ചാ​ര​ണ പ​രി​പാ​ടി​ക​ൾ കൂ​ടു​ത​ൽ ഊ​ർ​ജ​സ്വ​ല​മാ​ക്കി.

ജ​ന​ങ്ങ​ൾ രാ​ഷ്ട്രീ​യ പ്ര​ബു​ദ്ധ​രാ​ണ്

ദേ​ശീ​യ രാ​ഷ്ട്രീ​യ​ത്തി​ൽ ഒ​രു പ​രി​വ​ർ​ത്ത​ന​ത്തി​ന്റെ വാ​തി​ൽ തു​റ​ക്കു​ക​യാ​ണ്. ജ​ന​ങ്ങ​ളു​ടെ രാ​ഷ്ട്രീ​യ പ്ര​ബു​ദ്ധ​ത​യാ​ണ് ഈ ​തെ​ര​ഞ്ഞെ​ടു​പ്പി​ൽ പ്ര​തി​ഫ​ലി​ച്ച​ത്. ലോ​ക്സ​ഭ തെ​ര​ഞ്ഞെ​ടു​പ്പി​ന്റെ പ്രാ​ധാ​ന്യ​വും അ​തി​ൽ ച​ർ​ച്ച​യാ​ക്കേ​ണ്ട വി​ഷ​യ​വും ജ​ന​ങ്ങ​ൾ​ക്ക​റി​യാം. അ​തി​നോ​ട് പു​ല​ബ​ന്ധ​മി​ല്ലാ​ത്ത വി​ഷ​യ​ങ്ങ​ൾ ആ​രു​ന്ന​യി​ച്ചാ​ലും പ്ര​ബു​ദ്ധ ജ​ന​ത തി​ര​സ്ക​രി​ക്കും. പൊ​ന്നാ​നി രാ​ഷ്ട്രീ​യ പ്ര​ബു​ദ്ധ​ത കാ​ണി​ക്കേ​ണ്ട സ​മ​യ​ത്തെ​ല്ലാം കാ​ണി​ച്ചി​ട്ടു​ണ്ട്.

പ്ര​തി​ജ്ഞാ​ബ​ദ്ധ​നാ​വും

മ​ഹ​ത്താ​യ വി​ജ​യം ന​ൽ​കി​യ ജ​ന​ങ്ങ​ൾ​ക്ക് തി​രി​ച്ചു​ന​ൽ​കാ​ൻ എ​ന്റെ പ്ര​വ​ർ​ത്ത​ന​ങ്ങ​ളി​ലൂ​ടെ പ്ര​തി​ജ്ഞാ​ബ​ദ്ധ​നാ​ണ്. ഇ​ത്ര വ​ലി​യ വി​ജ​യം ന​ൽ​കി​യ നാ​ട്ടു​കാ​ർ​ക്ക് എ​ന്നെ​ത്ത​ന്നെ സ​മ​ർ​പ്പി​ച്ചു പ​ക​രം ന​ൽ​കും. സ​ഭ​ക്ക​ക​ത്ത് നി​ർ​വ​ഹി​ക്കേ​ണ്ട ഉ​ത്ത​ര​വാ​ദി​ത്ത​ങ്ങ​ൾ ഏ​തു​കാ​ല​ത്തും നി​ർ​വ​ഹി​ക്കാ​ൻ പ​ര​മാ​വ​ധി ശ്ര​മി​ച്ചി​ട്ടു​ണ്ട്.

മ​ണ്ഡ​ല​ത്തി​ലെ ജ​ന​ങ്ങ​ളു​ടെ പ്ര​ശ്ന​ങ്ങ​ൾ പ​രി​ഹ​രി​ക്കാ​നും പു​രോ​ഗ​തി കൊ​ണ്ടു​വ​രു​ന്ന​തി​നും വേ​ണ്ട പ്ര​വ​ർ​ത്ത​ന​ങ്ങ​ൾ ന​ട​ത്തും. മ​ല​പ്പു​റ​ത്തെ പ്ര​തി​നി​ധാ​നം​ചെ​യ്ത് ര​ണ്ടു വ​ർ​ഷ​ക്കാ​ലം എം.​പി ആ​യ​തി​ന്റെ അ​നു​ഭ​വ​സ​മ്പ​ത്ത് ക​രു​ത്താ​വും.