സം​സ്ഥാ​ന കാ​യി​ക​മേ​ള​യി​ലും മലപ്പുറം ജില്ലയുടെ വി​ജ​യ​ക്കു​തി​പ്പ്​

മ​ല​പ്പു​റം: സം​സ്ഥാ​ന സ്കൂ​ൾ കാ​യി​ക​മേ​ള​യി​ലും മ​ല​പ്പു​റ​ത്തി​ന്‍റെ കു​തി​പ്പ്. ച​രി​ത്ര​നേ​ട്ട​മാ​ണ്​ ജി​ല്ല സ്വ​ന്ത​മാ​ക്കി​യ​ത്. പ​തി​റ്റാ​ണ്ടു​ക​ൾ നീ​ണ്ട കാ​യി​ക​മേ​ള​യു​ടെ ച​രി​ത്ര​ത്തി​ലാ​ദ്യ​മാ​യി ര​ണ്ടാം സ്ഥാ​ന​ത്തെ​ത്തി​യ ജി​ല്ല ഓ​വ​റോ​ൾ സ്കൂ​ൾ ചാ​മ്പ്യ​ൻ​പ​ട്ട​വും സ്വ​ന്ത​മാ​ക്കി. ക​ട​ക​ശ്ശേ​രി ഐ​ഡി​യ​ൽ ഇ.​എ​ച്ച്.​എ​സ്.​എ​സാ​ണ്​ മേ​ള​യി​ലെ ഓ​​വ​റോ​ൾ ജേ​താ​ക്ക​ൾ. ഈ ​സ്ഥാ​നം കു​ത്ത​ക​യാ​ക്കി വെ​ച്ചി​രു​ന്ന നി​ര​വ​ധി സ്കൂ​ളു​ക​ളെ ത​ക​ർ​ത്താ​ണ്​ ഐ​ഡി​യ​ൽ പു​തി​യ നേ​ട്ട​ത്തി​ന്​ ഉ​ട​മ​യാ​യ​ത്. കൂ​ടാ​തെ, മി​ക​ച്ച സ്കൂ​ളു​ക​ളി​ൽ ആ​ദ്യ​പ​ത്തി​ൽ ജി​ല്ല​യി​ൽ​നി​ന്ന് ര​ണ്ട്​ സ്കൂ​ളു​ക​ൾ ഇ​ടം പി​ടി​ച്ചു. ആ​ല​ത്തി​യൂ​ർ കെ.​എ​ച്ച്.​എം.​എ​ച്ച്.​എ​സ്.​എ​സ്​ എ​ട്ടാം സ്ഥാ​ന​ത്താ​ണു​ള്ള​ത്.

13 സ്വ​ർ​ണ​വും 17 വെ​ള്ളി​യും 14 വെ​ങ്ക​ല​വും ഉ​ൾ​പ്പെ​ടെ 149 പോ​യ​ന്‍റാ​ണ്​ മ​ല​പ്പു​റ​ത്തി​ന്. ക​രു​ത്ത​രാ​യ കോ​ഴി​ക്കോ​ട്, കോ​ട്ട​യം, എ​റ​ണാ​കു​ളം എ​ന്നി​വ​രെ പി​റ​കി​ലാ​ക്കി​യാ​ണ്​ മി​ക​ച്ച നേ​ട്ടം സ്വ​ന്ത​മാ​ക്കി​യ​ത്. മ​ണ്ണാ​ർ​ക്കാ​ട്​ ക​ല്ല​ടി സ്കൂ​ൾ, ​പു​ല്ലൂ​രാം​പാ​റ സെ​ന്‍റ് ജോ​സ​ഫ്​​സ്​ സ്കൂ​ൾ, കോ​ത​മം​ഗ​ലം മാ​ർ​ബേ​സി​ൽ തു​ട​ങ്ങി​യ വ​മ്പ​ന്മാ​രെ മ​റി​ക​ട​ന്നാ​ണ്​ ഐ​ഡി​യ​ൽ ഒ​ന്നാ​മ​തെ​ത്തി​യ​ത്. 149ൽ 66 ​പോ​യ​ന്‍റും സ്കൂ​ളു​ക​ളി​ൽ ഓ​വ​റോ​ൾ ജേ​താ​ക്ക​ളാ​യ ഐ​ഡി​യ​ലി​നാ​ണ്​ കി​ട്ടി​യി​രി​ക്കു​ന്ന​ത്. ഏ​ഴ്​ സ്വ​ർ​ണ​വും ഒ​മ്പ​ത്​ വെ​ള്ളി​യും നാ​ല്​ വെ​ങ്ക​ലു​മാ​ണ്​ ഐ​ഡി​യ​ലി​ന്​ ല​ഭി​ച്ചി​രി​ക്കു​ന്ന​ത്. സീ​നി​യ​ർ പെ​ൺ​കു​ട്ടി​ക​ളു​ടെ ജാ​വ​ലി​ൻ ത്രോ​യി​ൽ ഐ​ഡി​യ​ലി​ന്‍റെ ഐ​ശ്വ​ര്യ സു​രേ​ഷ് റെ​ക്കോ​ഡി​നും ഉ​ട​മ​യാ​യി. ആ​ല​ത്തി​യൂ​ർ മൂ​ന്ന്​ സ്വ​ർ​ണ​വും ഒ​രു വെ​ള്ളി​യും നാ​ല്​ വെ​ങ്ക​ല​വും ഉ​ൾ​പ്പെ​ടെ 22 പോ​യ​ന്‍റു​മാ​യാ​ണ്​ എ​ട്ടാം സ്ഥാ​ന​ത്തെ​ത്തി​യ​ത്. ഇ​വ​ർ​​ക്കൊ​പ്പം കാ​വ​നൂ​ർ സ്​​പോ​ർ​ട്​​സ്​ അ​ക്കാ​ദ​മി​യു​ടെ വി​ദ്യാ​ർ​ഥി​ക​ളും നേ​ട്ടം കൊ​യ്​​തു. ഇ​വ​ർ​ക്ക്​ ആ​റ്​ മെ​ഡ​ലു​ക​ളാ​ണ്​ ല​ഭി​ച്ച​ത്. ഐ​ഡി​യ​ൽ കാ​യി​ക വി​ഭാ​ഗം മേ​ധാ​വി ഷാ​ഫി അ​മ്മാ​യ​ത്ത്, മു​ഖ്യ​പ​രി​ശീ​ല​ക​ൻ മ​ഞ്ചേ​രി കാ​ര​ക്കു​ന്ന് സ്വ​ദേ​ശി ന​ദീ​ഷ് ചാ​ക്കോ, ആ​ല​ത്തി​യൂ​ർ സ്കൂ​ൾ പ​രി​ശീ​ല​ക​ൻ റി​യാ​സ്, കാ​യി​കാ​ധ്യാ​പ​ക​ൻ സാ​ജി​ര്‍ ആ​ല​ത്തി​യൂ​ർ, കാ​വ​നൂ​ർ സ്​​പോ​ർ​ട്​​സ്​ അ​ക്കാ​ദ​മി​യി​ലെ കാ​യി​കാ​ധ്യാ​പ​ക​രാ​യ കെ.​പി. സ​ഫ്‌​നാ​ദ്, മു​ഹ​മ്മ​ദ് ഇ​സ്മാ​യി​ല്‍, അ​ഹ​മ്മ​ദ് നി​ഷാ​ദ് എ​ന്നി​വ​രു​ടെ പ​രി​ശ്ര​മ​മാ​ണ് ഈ ​കു​ട്ടി​ക​ളു​ടെ വി​ജ​യ​ത്തി​ന് പി​ന്നി​ല്‍.