ക​ലൂ​രി​ന്‍റെ ഖ​ൽ​ബി​ലും മൊ​ഞ്ചാ​ണ് മ​ല​പ്പു​റം

മ​ല​പ്പു​റം: സൂ​പ്പ​ര്‍ ലീ​ഗ് കേ​ര​ള​യി​ല്‍ പ​ന്തു​ത​ട്ടി​യ മ​ല​പ്പു​റ​ത്തി​ന്റെ സ്വ​ന്തം മ​ല​പ്പു​റം എ​ഫ്.​സി​ക്കാ​യി ഗാ​ല​റി​യി​ല്‍ ഓ​ളം തീ​ര്‍ത്ത് ആ​രാ​ധ​ക കൂ​ട്ടാ​യ്മ​യാ​യ അ​ൾ​ട്രാ​സ്. ശ​നി​യാ​ഴ്ച കൊ​ച്ചി ജ​വ​ഹ​ര്‍ലാ​ല്‍ നെ​ഹ്‌​റു സ്റ്റേ​ഡി​യ​ത്തി​ൽ അ​ര​ങ്ങേ​റി​യ എം.​എ​ഫ്.​സി ഉ​ദ്ഘാ​ട​ന മ​ത്സ​ര​ത്തി​നി​റ​ങ്ങി​യ മ​ല​പ്പു​റം എ​ഫ്.​സി​ക്ക് വേ​ണ്ടി ആ​ർ​പ്പു​വി​ളി​ക്കാ​ൻ അ​ൾ​ട്രാ​സി​ന് കീ​ഴി​ലെ നാ​ലു ബ​സ്സു​ക​ളി​ലാ​യി ഇ​രു​നൂ​റി​ല​ധി​കം ആ​രാ​ധ​ക​രാ​ണ് കൊ​ച്ചി​ക്ക് പു​റ​പ്പെ​ട്ട​ത്. ഫോ​ഴ്‌​സാ കൊ​ച്ചി​യു​ടെ ത​ട്ട​ക​ത്തി​ൽ ആ​ദ്യ​മ​ത്സ​ര​ത്തി​നി​റ​ങ്ങി​യ മ​ല​പ്പു​റം എ​ഫ്.​സി​ക്ക് മി​ക​ച്ച സ്വീ​ക​ര​ണ​മാ​ണ് അ​ൾ​ട്രാ​സ് സ​മ്മാ​നി​ച്ച​ത്. കളിയിൽ ഉടനീളം ആധിപത്യം പുലർത്തി എതിരാളികളെ മലർത്തിയടിക്കാൻ മലപ്പുറത്തിന് കരുത്തായതും ഈ ആരാധക പിന്തുണ കൊണ്ടാണ്. ഏകപക്ഷീയമായ രണ്ടു ഗോളുകൾക്കാണ് ആതിഥേയരെ മലപ്പുറം തകർത്തത്.

ജി​ല്ല​യി​ൽ നി​ന്നും പു​റ​പ്പെ​ട്ട നാ​ല് ബ​സു​ക​ളി​ൽ ര​ണ്ടെ​ണ്ണം മ​ഞ്ചേ​രി​യി​ൽ നി​ന്നും ഓ​രോ​ന്ന് വീ​തം പെ​രി​ന്ത​ൽ​മ​ണ്ണ, തി​രൂ​ർ എ​ന്നി​വി​ട​ങ്ങ​ളി​ൽ നി​ന്നു​മാ​യി​രു​ന്നു. ഇ​ന്ന​ലെ രാ​വി​ലെ 8.30 നാ​ണ് ബ​സു​ക​ൾ പു​റ​പ്പെ​ട്ട​ത്. ബ​സി​ന് പു​റ​മെ സ്വ​കാ​ര്യ വാ​ഹ​ന​ങ്ങ​ളി​ലും ട്രെ​യി​നി​ലു​മാ​യി ധാ​രാ​ളം ആ​രാ​ധ​ക​ർ വേ​റെ​യും കൊ​ച്ചി​യി​ലെ​ത്തി​യി​രു​ന്നു. സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ലും കേ​ര​ള​ത്തി​ന് പു​റ​ത്തു​മാ​യി ജോ​ലി ചെ​യ്യു​ന്ന​വ​രും പ​ഠി​ക്കു​ന്ന​വ​രു​മാ​യ ധാ​രാ​ളം മ​ല​പ്പു​റം എ​ഫ്.​സി ഫാ​ൻ​സും ഗാ​ല​റി​യി​ലെ​ത്തി.

കൊ​ച്ചി​യി​ലെ എ​വേ മ​ത്സ​രം കാ​ണാ​ൻ അ​ൾ​ട്രാ​സ് ബ​സ് ഒ​രു​ക്കു​ന്നു​ണ്ടെ​ന്ന് പ്ര​ഖ്യാ​പി​ച്ച​തോ​ടെ സീ​റ്റു​റ​പ്പി​ക്കാ​ൻ വ​ലി​യ തി​ര​ക്കാ​ണ് അ​നു​ഭ​വ​പ്പെ​ട്ട​ത്. മൂ​ന്ന് മ​ണി​ക്കൂ​റി​നു​ള്ളി​ൽ ത​ന്നെ സീ​റ്റു​ക​ളെ​ല്ലാം ഫു​ൾ. ഇ​തോ​ടെ നാ​ലാ​മ​ത്തെ ബ​സ്സും പ്ര​ഖ്യാ​പി​ച്ചു. ടി​ക്ക​റ്റും ജ​ഴ്സി​യും സ്‌​കാ​ഫും ബോ​ട്ടി​ൽ വെ​ള്ള​വും ഓ​രോ​രു​ത്ത​ർ​ക്കും ന​ൽ​കി. ത​ങ്ങ​ളു​ടെ ടീ​മി​നു​വേ​ണ്ടി ത​യ്യാ​റാ​ക്കി​യ ചാ​ന്റു​ക​ൾ ആ​ല​പി​ച്ചാ​യി​രു​ന്നു ബ​സ്സി​ലെ യാ​ത്ര.

ഉ​ച്ച​ക്ക് ഒ​രു മ​ണി​ക്ക് ചാ​വ​ക്കാ​ട് ബീ​ച്ചി​ൽ നാ​ലു ബ​സ്സി​ലെ​യും ആ​രാ​ധ​ക​ർ ഒ​രു​മി​ച്ചു​കൂ​ടി. അ​വി​ടെ വെ​ച്ച് ടീം ​ജേ​ഴ്സി​യും സ്കാ​ർ​ഫും ധ​രി​ച്ച് രാ​ജ​കീ​യ​മാ​യി സ്റ്റേ​ഡി​യ​ത്തി​ലേ​ക്ക്. വൈ​കി​ട്ട് അ​ഞ്ചോ​ടെ​യാ​ണ് സ്റ്റേ​ഡി​യ​ത്തി​ൽ എ​ത്തി​യ​ത്. ക​ളി​ക്കാ​ൻ എ​ത്തി​യ ഇ​രു​ടീ​മു​ക​ളെ​യും മ​ല​പ്പു​റം ഫു​ട്ബാ​ൾ ക്ല​ബ് ആ​രാ​ധ​ക കൂ​ട്ടാ​യ്മ​യാ​യ അ​ൾ​ട്രാ​സ് ഇ​രു​കൈ​യ്യും നീ​ട്ടി സ്വീ​ക​രി​ച്ചു.

ക​ളി തു​ട​ങ്ങി​യ​തോ​ടെ പ്ര​ത്യേ​കം ബാ​ന​റു​ക​ളും ചാ​ന്റും മ​റ്റു​മാ​യി വെ​സ്റ്റ് ഗ്യാ​ല​റി ഒ​ന്ന​ട​ങ്കം ക​ള​റാ​ക്കി. മ​ല​പ്പു​റ​ത്തി​ന്‍റെ ഓ​രോ മു​ന്നേ​റ്റ​ങ്ങ​ൾ​ക്കും ആ​രാ​ധ​ക​രു​ടെ വ​ലി​യ ആ​ർ​പ്പു​വി​ളി​ക​ളാ​യി​രു​ന്നു.

എ​വേ മ​ത്സ​രം ക​ള​റാ​ക്കി​യ ആ​വേ​ശ​ത്തി​ൽ ത​ന്നെ പ​ന്താ​ട്ട​ത്തി​ന്‍റെ പ​റു​ദീ​സ​യാ​യ പ​യ്യ​നാ​ട് ഹോം ​ഗ്രൗ​ണ്ടി​ലും മ​നോ​ഹ​ര​മാ​യ അ​ര​ങ്ങൊ​രു​ക്കാ​നാ​ണ് മ​ല​പ്പു​റം ആ​രാ​ധ​ക​രു​ടെ പ​ദ്ധ​തി.