പ​യ്യ​നാ​ട്ട് പന്താരവം

മ​ല​പ്പു​റം: മ​ല​പ്പു​റ​ത്തു​നി​ന്ന് സൂ​പ്പ​ർ ലീ​ഗ് കേ​ര​ള ഫു​ട്ബാ​ൾ ലീ​ഗി​ലേ​ക്ക് മ​ല​പ്പു​റം ഫു​ട്ബാ​ൾ ക്ല​ബ് വ​രു​മ്പോ​ൾ ഹോം ​ഗ്രൗ​ണ്ടാ​കു​ക പ​യ്യ​നാ​ട് സ്റ്റേ​ഡി​യം. ആ​ഗ​സ്റ്റ് 31 മു​ത​ൽ ന​വം​ബ​ർ ര​ണ്ട് വ​രെ ന​ട​ക്കു​ന്ന മ​ത്സ​ര​ത്തി​ന്റെ അ​ന്തി​മ ഷെ​ഡ്യൂ​ൾ ഉ​ട​ൻ പു​റ​ത്തു​വ​രും. ടീ​മം​ഗ​ങ്ങ​ളെ തെ​ര​ഞ്ഞെ​ടു​ക്കാ​ൻ ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്. ആ​ഗ​സ്റ്റ് ഒ​ന്നാ​കു​മ്പോ​ഴേ​ക്ക് അ​ന്തി​മ ടീ​മി​നെ പ്ര​ഖ്യാ​പി​ക്കാ​ൻ ക​ഴി​യു​മെ​ന്ന പ്ര​തീ​ക്ഷ​യി​ലാ​ണ് ക്ല​ബ്. തു​ട​ർ​ന്ന് ഒ​രു മാ​സ​ത്തോ​ളം നീ​ളു​ന്ന പ​രി​ശീ​ല​ന​വും സൗ​ഹൃ​ദ മ​ത്സ​ര​ങ്ങ​ളു​മു​ണ്ടാ​കും.

കാ​ലി​ക്ക​റ്റ് സ​ർ​വ​ക​ലാ​ശാ​ല മൈ​താ​ന​മാ​ണ് പ​രി​ശീ​ല​ന​ത്തി​നും സൗ​ഹൃ​ദ മ​ത്സ​ര​ത്തി​നും വേ​ദി​യാ​കു​ക. ടീ​മം​ഗ​ങ്ങ​ൾ​ക്കും പ​രി​ശീ​ല​ക​ർ​ക്കും സ​ർ​വ​ക​ലാ​ശാ​ല പ​രി​സ​ര​ത്ത് ത​ന്നെ താ​മ​സ സൗ​ക​ര്യ​മൊ​രു​ക്കാ​നു​ള്ള ഒ​രു​ക്ക​ത്തി​ലാ​ണ് ക്ല​ബ്. മി​ക​ച്ച നി​ല​വാ​ര​ത്തി​ലേ​ക്ക് ക്ല​ബി​നെ​യും ക​ളി​ക്കാ​രെ​യും ഉ​യ​ർ​ത്തു​ക​യാ​ണ് ല​ക്ഷ്യം. ആ​ദ്യ​ഘ​ട്ട​ങ്ങ​ളി​ൽ പ​യ്യ​നാ​ടും സ​ർ​വ​ക​ലാ​ശാ​ല​യും പ്ര​യോ​ജ​ന​പ്പെ​ടു​ത്തു​മെ​ങ്കി​ലും തു​ട​ർ​ന്ന് സ്വ​ന്തം നി​ല​യി​ൽ മൈ​താ​നം ഒ​രു​ക്കാ​നാ​ണ് അ​ധി​കൃ​ത​രു​ടെ ശ്ര​മം. വാ​ഴ​ക്കാ​ടാ​യി​രി​ക്കും മൈ​താ​നം സ​ജ്ജ​മാ​ക്കു​ക.

ഇം​ഗ്ല​ണ്ടി​ലെ ജോ​ൺ ചാ​ൾ​സ് ഗ്രി​ഗ​റി​യാ​ണ് ടീ​മി​ന്റെ മു​ഖ്യ പ​രി​ശീ​ല​നാ​കു​ക. ഇ​തി​ന് ഏ​ക​ദേ​ശ ധാ​ര​ണ​യാ​യി​ട്ടു​ണ്ട്. ജൂ​ലൈ 26ന് ​ന​ട​ക്കു​ന്ന ക്ല​ബ് ലോ​ഞ്ചി​ങ് ച​ട​ങ്ങി​ൽ പ​രി​ശീ​ല​ക​ൻ പ​ങ്കെ​ടു​ക്കും. 2017-‘19ൽ ​ഇ​ന്ത്യ​ൻ സൂ​പ്പ​ർ ലീ​ഗി​ലെ ചെ​ന്നൈ​യി​ൻ എ​ഫ്.​സി​യു​ടെ മു​ൻ പ​രി​ശീ​ല​ക​ൻ കൂ​ടി​യാ​യി​രു​ന്നു അ​ദ്ദേ​ഹം. ആ​ദ്യ​ഘ​ട്ട​ത്തി​ൽ ടീം ​തെ​ര​ഞ്ഞെ​ടു​പ്പ് ക​ഴി​ഞ്ഞാ​ൽ അ​ടു​ത്ത ഘ​ട്ടം മു​ത​ൽ പ്രാ​ദേ​ശി​ക​മാ​യി ക​ളി​ക്കാ​രെ ക​ണ്ടെ​ത്താ​നും ക്ല​ബി​ന് പ​ദ്ധ​തി​യു​ണ്ട്. ഇ​ത് യാ​ഥാ​ർ​ഥ്യ​മാ​യാ​ൽ മ​ല​പ്പു​റ​ത്തെ നി​ര​വ​ധി ക​ളി​ക്കാ​ർ​ക്ക് പ്ര​യോ​ജ​ന​ക​ര​മാ​കും.

വീണ്ടും പ​ന്തു​രു​ളും

മ​ല​പ്പു​റം: ഇ​ട​വേ​ള​ക്ക് ശേ​ഷം പ​യ്യ​നാ​ട്ടി​ൽ പ​ന്തു​രു​ളും. ഐ ​ലീ​ഗ് ഫു​ട്ബാ​ൾ ന​ട​ന്ന​ശേ​ഷ​മാ​കും മൈ​താ​നം വീ​ണ്ടും ക​ളി ആ​ര​വ​ത്തി​ലേ​ക്ക് വ​രു​ക. 2022-‘23 വ​ർ​ഷ​ത്തി​ൽ ഗോ​കു​ലം എ​ഫ്.​സി​യു​ടെ ഹോം ​ഗ്രൗ​ണ്ടാ​യി പ​രി​ഗ​ണി​ച്ചാ​ണ് ഐ ​ലീ​ഗ് മ​ത്സ​രം അ​ര​ങ്ങേ​റി​യ​ത്. 2022ൽ ​സ​ന്തോ​ഷ് ട്രോ​ഫി മ​ത്സ​ര​വും ന​ട​ന്നു. അ​ന്ന് മൈ​താ​നം നി​റ​ഞ്ഞ് ക​വി​യു​ന്ന സ്ഥി​തി​യു​മു​ണ്ടാ​യി. കേ​ര​ളം-​പ​ശ്ചി​മ ബം​ഗാ​ൾ ഫൈ​ന​ൽ മ​ത്സ​രം നേ​രി​ട്ട് കാ​ണാ​ൻ ക​ഴി​യാ​തെ നി​ര​വ​ധി പേ​രാ​ണ് നി​രാ​ശ​രാ​യി മ​ട​ങ്ങേ​ണ്ടി വ​ന്ന​ത്. തു​ട​ർ​ന്ന് ഏ​റെ കാ​ലം മൈ​താ​നം കാ​ര്യ​മാ​യ മ​ത്സ​ര​ങ്ങ​ൾ ന​ട​ക്കാ​തെ അ​ട​ഞ്ഞ് കി​ട​ക്കു​ക​യാ​ണ്. ഈ ​പ്ര​ശ്നം സൂ​പ്പ​ർ ലീ​ഗ് കേ​ര​ള വ​രു​ന്ന​തോ​ടെ മാ​റു​മെ​ന്നാ​ണ് അ​ധി​കൃ​ത​രു​ടെ പ്ര​തീ​ക്ഷ.