ഉരുണ്ടുരുണ്ട് മുന്നോട്ട്

മ​ല​പ്പു​റം: സാ​​ങ്കേ​തി​ക ത​ട​സ്സ​ങ്ങ​ളി​ൽ​​​പെ​ട്ട്​ വ​ർ​ഷ​ങ്ങ​ളോ​ളം മു​ട​ങ്ങി​ക്കി​ട​ന്ന കെ.​എ​സ്.​ആ​ർ.​ടി.​സി മ​ല​പ്പു​റം ബ​സ്​ സ്റ്റാ​ൻ​ഡ്​ ടെ​ർ​മി​ന​ൽ കം ​ഷോ​പ്പി​ങ് കോം​പ്ല​ക്സ്​ നി​ർ​മാ​ണം പു​രോ​ഗ​മി​ക്കു​ന്നു. പി. ​ഉ​ബൈ​ദു​ല്ല എം.​എ​ൽ.​എ​യു​ടെ ര​ണ്ടു​കോ​ടി രൂ​പ​യു​ടെ എ​സ്റ്റി​മേ​റ്റി​ലു​ള്ള പ്ര​വൃ​ത്തി​ക​ളാ​ണ്​ പൊ​തു​മ​രാ​മ​ത്ത്​ കെ​ട്ടി​ട വി​ഭാ​ഗ​ത്തി​ന്‍റെ മേ​ൽ​നോ​ട്ട​ത്തി​ൽ ന​ട​ക്കു​ന്ന​ത്. ഷോ​പ്പി​ങ്​ കോം​പ്ല​ക്സ്​ കെ​ട്ടി​ട​ത്തി​ന്‍റെ ചു​മ​രു​ക​ളു​ടെ ശേ​ഷി​ച്ച തേ​പ്പ്​ ജോ​ലി​ക​ൾ പൂ​ർ​ത്തി​യാ​യി. ചു​മ​രി​ൽ പ്രൈ​മ​ർ അ​ടി​ക്കു​ന്ന ജോ​ലി ന​ട​ക്കു​ക​യാ​ണ്.

കെ​ട്ടി​ട​ത്തി​ന്‍റെ ര​ണ്ട് സ്​​റ്റെ​യ​ർ​കേ​സു​ക​ൾ​ക്ക് മീ​തെ ഷീ​റ്റു​കൊ​ണ്ടു​ള്ള മേ​ൽ​ക്കൂ​ര സ്ഥാ​പി​ച്ചു. ടെ​ർ​മി​ന​ൽ കെ​ട്ടി​ട​ത്തി​ന്‍റെ ത​റ​യി​ൽ ഗ്രാ​നൈ​റ്റ്​ വി​രി​ക്കു​ന്ന പ​ണി ഉ​ട​ൻ ആ​രം​ഭി​ക്കും.

ടോ​യ്​​ലെ​റ്റി​ന്‍റെ പ്ല​മ്പി​ങ്, ടൈ​ലി​ങ്​ ജോ​ലി​ക​ൾ ഉ​ട​ൻ തു​ട​ങ്ങും. ​ബ​സ്​ സ്റ്റാ​ൻ​ഡ്​ കെ​ട്ടി​ട​ത്തി​ന്‍റെ മു​ക​ൾ​നി​ല​യു​ടെ വി​ൻ​ഡോ​ക​ൾ​ക്ക്​ ഷ​ട്ട​ർ സ്ഥാ​പി​ക്കും.

ഭി​ന്ന​ശേ​ഷി​ക്കാ​ർ​ക്കും കാ​ഴ്ച​പ​രി​മി​ത​ർ​ക്കും അ​പ​ക​ട​മി​ല്ലാ​തെ സ്റ്റാ​ൻ​ഡി​ലെ​ത്താ​ൻ പാ​ക​ത്തി​ൽ ഫൂ​ട്ട്​​പാ​ത്ത്​ ഒ​രു​ക്കും. ടെ​ർ​മി​ന​ൽ കെ​ട്ടി​ട​ത്തി​ന്‍റെ പ​ടി​ഞ്ഞാ​റു​വ​ശ​ത്തെ സം​ര​ക്ഷ​ണ ഭി​ത്തി നി​ർ​മാ​ണം പൂ​ർ​ത്തി​യാ​ക്കും. ഇ​തി​നു ശേ​ഷ​മാ​യി​രി​ക്കും ബ​സ്​​സ്റ്റാ​ൻ​ഡ്​ യാ​ർ​ഡി​ലെ മ​ണ്ണു​നീ​ക്കി ഇ​ൻ​ർ​ലോ​ക്ക്​ ക​ട്ട പ​തി​ക്കു​ക. ഇ​തി​നാ​യി പി.​ഡ​ബ്ല്യു.​ഡി കെ​ട്ടി​ട വി​ഭാ​ഗം ഉ​ദ്യോ​ഗ​സ്ഥ​ർ ക​ഴി​ഞ്ഞ ദി​വ​സം ഡി​പ്പോ​യി​ലെ​ത്തി ടോ​ട്ട​ൽ സ്​​റ്റേ​ഷ​ൻ സ​ർ​വേ പൂ​ർ​ത്തി​യാ​ക്കി. വോ​ള്യം കാ​ൽ​കു​ലേ​ഷ​ൻ ന​ട​ന്നു​വ​രി​ക​യാ​ണ്.

കെ​ട്ടി​ട​ത്തി​ന്‍റെ ത​റ​നി​ര​പ്പി​ൽ​നി​ന്ന് ഒ​ര​ടി താ​ഴ്ത്തി മ​ണ്ണ്​ നീ​ക്കി ലെ​വ​ലി​ങ്​ ന​ട​ത്തേ​ണ്ടി വ​രു​മെ​ന്നാ​ണ്​ അ​നു​മാ​നം. അ​വി​ടെ​നി​ന്നും നീ​ക്കു​ന്ന മ​ണ്ണ്​ ​നി​ക്ഷേ​പി​ക്കാ​ൻ സ്ഥ​ലം ക​ണ്ടെ​ത്ത​ണം. മ​ഴ മാ​റി​യ ശേ​ഷ​മേ യാ​ർ​ഡി​ലെ മ​ണ്ണു​നീ​ക്കു​ന്ന ജോ​ലി തു​ട​ങ്ങു​ക​യു​ള്ളൂ. ക​ട്ട​വി​രി​ക്ക​ൽ പ്ര​വൃ​ത്തി​ക്ക്​ മു​മ്പ്​ ബ​സ്​ സ്റ്റാ​ൻ​ഡ്​ അ​വി​ടെ​നി​ന്നും താ​ൽ​ക്കാ​ലി​ക​മാ​യി മ​റ്റൊ​രു സ്ഥ​ല​ത്തേ​ക്ക്​ മാ​റ്റും.