മ​ഞ്ചേ​രി ജ​ന​റ​ൽ ആ​ശു​പ​ത്രി ഇ​ല്ലാ​താ​വു​ന്നു, ഡോ​ക്ട​ർ​മാ​രെ മാ​റ്റാ​ൻ നീ​ക്കം; ആതുരസേവനത്തിന് കത്രിക

മ​ല​പ്പു​റം: മ​ഞ്ചേ​രി ജ​ന​റ​ൽ ആ​ശു​പ​ത്രി ഇ​ല്ലാ​താ​ക്കാ​നു​ള്ള നീ​ക്ക​വു​മാ​യി സ​ർ​ക്കാ​ർ മു​ന്നോ​ട്ട്. ജ​ന​റ​ൽ ആ​ശു​പ​ത്രി​യു​ടെ ഭാ​ഗ​മാ​യു​ള്ള സ്പെ​ഷ​ലി​സ്റ്റ് ഡോ​ക്ട​ർ​മാ​രെ​യും പാ​രാ മെ​ഡി​ക്ക​ൽ ജീ​വ​ന​ക്കാ​രെ​യും ജി​ല്ല​യു​ടെ വി​വി​ധ ആ​ശു​പ​ത്രി​ക​ളി​ലേ​ക്ക് പു​ന​ർ​വി​ന്യ​സി​ക്കു​ന്ന ന​ട​പ​ടി​ക​ൾ ആ​രോ​ഗ്യ​വ​കു​പ്പ്​ ആ​രം​ഭി​ച്ചു. മ​ല​പ്പു​റം ഡി.​എം.​ഒ ഡോ. ​ആ​ർ. രേ​ണു​ക ആ​രോ​ഗ്യ​വ​കു​പ്പ്​ ഡ​യ​റ​ക്ട​ർ​ക്ക്​ ന​ൽ​കി​യ പ്ര​പ്പോ​സ​ലി​ന്‍റെ അ​ടി​സ്ഥാ​ന​ത്തി​ലാ​ണ്​ പു​ന​ർ​വി​ന്യാ​സ​ത്തി​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്ന​ത്. ക​ഴി​ഞ്ഞ ന​വം​ബ​റി​ൽ മ​ഞ്ചേ​രി ജ​ന​റ​ൽ ആ​ശു​പ​ത്രി​യി​ലെ 12 അ​സി. സ​ർ​ജ​ന്മാ​രെ അ​രീ​ക്കോ​ട്, കൊ​ണ്ടോ​ട്ടി, മ​ല​പ്പു​റം താ​ലൂ​ക്ക് ആ​ശു​പ​ത്രി​ക​ളി​ലേ​ക്ക് പു​ന​ർ​വി​ന്യ​സി​ച്ചി​രു​ന്നു. ഇ​തി​ന്‍റെ തു​ട​ർ​ച്ച​യാ​യാ​ണ്​ ബാ​ക്കി 42 ഡോ​ക്ട​ർ​മാ​രേ​യും പാ​ര മെ​ഡി​ക്ക​ൽ സ്റ്റാ​ഫി​നേ​യും പു​ന​ർ​വി​ന്യ​സി​ക്കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്ന​ത്.

ജ​ന​റ​ൽ ആ​ശു​പ​ത്രി​യി​ലെ ഫി​സി​ക്ക​ൽ മെ​ഡി​സി​ൻ വി​ഭാ​ഗം, ഓ​ങ്കോ​ള​ജി വി​ഭാ​ഗം എ​ന്നി​വ​യി​ലെ മൂ​ന്ന്​ മെ​ഡി​ക്ക​ൽ ഓ​ഫി​സ​ർ​മാ​ർ, ഭ​ര​ണ​പ​ര​മാ​യ ത​സ്തി​ക​ക​ളാ​യ സൂ​പ്ര​ണ്ട്, ഡെ​പ്യൂ​ട്ടി സൂ​പ്ര​ണ്ട് എ​ന്നീ ര​ണ്ടു ഡോ​ക്ട​ർ​മാ​ർ എ​ന്നി​വ​ര​ട​ക്കം അ​ഞ്ച് ത​സ്തി​ക​യൊ​ഴി​ച്ച്​ മ​റ്റു​ള്ള എ​ല്ലാ ഡോ​ക്ട​ർ​മാ​രെ​യും പാ​രാ മെ​ഡി​ക്ക​ൽ ജീ​വ​ന​ക്കാ​രെ​യും ജി​ല്ല​യി​ലെ മ​റ്റു ആ​ശു​പ​ത്രി​ക​ളി​ലേ​ക്ക്​ മാ​റ്റാ​നാ​ണ്​ നീ​ക്ക​മാ​രം​ഭി​ച്ച​ത്. സ്​​പെ​ഷാ​ലി​റ്റി ഡോ​ക്ട​ർ​മാ​രെ നി​ല​മ്പൂ​ർ, പെ​രി​ന്ത​ൽ​മ​ണ്ണ, തി​രൂ​ർ ജി​ല്ല ആ​ശു​പ​ത്രി​ക​ൾ, മ​ല​പ്പു​റം, തി​രൂ​ര​ങ്ങാ​ടി, കൊ​​​ണ്ടോ​ട്ടി, അ​രീ​ക്കോ​ട്, പൊ​ന്നാ​നി താ​ലൂ​ക്ക്​ ആ​ശു​പ​ത്രി​ക​ൾ, പൊ​ന്നാ​നി മാ​തൃ-​ശി​ശു ആ​ശു​പ​ത്രി എ​ന്നി​വി​ട​ങ്ങ​ളി​ലേ​ക്ക്​ മാ​റ്റാ​നാ​ണ്​ തീ​രു​മാ​നം.

അ​ടി​യ​ന്ത​ര പ്രാ​ധാ​ന്യ​ത്തോ​ടെ ന​ട​പ​ടി​ക​ൾ പൂ​ർ​ത്തി​യാ​ക്കാ​നാ​ണ് ആ​വ​ശ്യ​പ്പെ​ട്ടി​രി​ക്കു​ന്ന​ത്. ഇ​തി​നാ​യി ജി​ല്ല​യി​ലെ മ​റ്റു ആ​ശു​പ​ത്രി​ക​ളി​ലെ സ്​​പെ​ഷാ​ലി​റ്റി വി​ഭാ​ഗ​ങ്ങ​ളി​ലെ സ്റ്റാ​ഫ്​ പാ​റ്റേ​ൺ അ​റി​യി​ക്കാ​ൻ ഡി.​എം.​ഒ, സ്ഥാ​പ​ന മേ​ധാ​വി​മാ​രോ​ട്​ ആ​വ​ശ്യ​പ്പെ​ട്ടി​രി​ക്കു​ക​യാ​ണ്. ഇ​തോ​ടെ ന​ഷ്ട​പ്പെ​ട്ട മ​ഞ്ചേ​രി ജ​ന​റ​ൽ ആ​ശു​പ​ത്രി മ​ല​പ്പു​റം ജി​ല്ല​യി​ൽ പു​ന​രാ​രം​ഭി​ക്കാ​നു​ള്ള സാ​ധ്യ​ത ഇ​ല്ലാ​താ​യി. മെ​ഡി​ക്ക​ൽ കോ​ള​ജ് വൈ​ദ്യ വി​ദ്യാ​ഭ്യാ​സ​ത്തി​ന് പ്രാ​മു​ഖ്യം കൊ​ടു​ക്കു​ന്ന​തി​നാ​ൽ ചി​കി​ത്സ രം​ഗ​ത്ത് ജി​ല്ല​യി​ൽ ഒ​രു ആ​ശു​പ​ത്രി ത​ന്നെ ന​ഷ്ട​പ്പെ​ടു​ന്ന​ത് ആ​രോ​ഗ്യ​രം​ഗ​ത്ത് പ്ര​തി​സ​ന്ധി സൃ​ഷ്ടി​ക്കും.

മെ​ഡി​. കോ​ള​ജ്​ വ​ന്ന​പ്പോ​ൾ ഉ​ള്ള സൗ​ക​ര്യ​വും പോ​യി

2013ലാ​ണ്​ മ​ഞ്ചേ​രി ഗ​വ. മെ​ഡി​ക്ക​ൽ കോ​ള​ജ്​ സ്ഥാ​പി​ത​മാ​യ​ത്. അ​ന്നു മു​ത​ൽ മ​ഞ്ചേ​രി ജ​ന​റ​ൽ ആ​ശു​പ​ത്രി, മെ​ഡി​ക്ക​ൽ കോ​ള​ജി​ന്‍റെ ഭാ​ഗ​മാ​യാ​ണ്​ പ്ര​വ​ർ​ത്തി​ക്കു​ന്ന​ത്. മെ​ഡി​ക്ക​ൽ കോ​ള​ജ്​ വ​ന്ന​തോ​ടെ വാ​ർ​ഡു​ക​ളു​ടേ​യും ഡി​പാ​ർ​ട്ടു​മെ​ന്‍റു​ക​ളു​ടേ​യും എ​ണ്ണം​കു​റ​ച്ചു. പ​ക​രം എ​ച്ച്.​ഒ.​ഡി​മാ​രു​ടെ മു​റി​ക​ളും കു​ട്ടി​ക​ളു​ടെ പ​ഠ​ന​മു​റി​ക​ളു​മാ​യി മാ​റ്റി. 250 ബെ​ഡ്​ ഉ​ണ്ടാ​യി​രു​ന്ന മാ​തൃ-​ശി​ശു​ ​േബ്ലാ​ക്ക്​ ത​ന്നെ ഇ​ല്ലാ​താ​യി.

മെ​ഡി​ക്ക​ൽ കോ​ള​ജ്​ ആ​വ​ശ്യ​ങ്ങ​ൾ​ക്കാ​ണ്​ ഈ ​കെ​ട്ടി​ടം ഉ​പ​യോ​ഗി​ക്കു​ന്ന​ത്. ജ​ന​റ​ൽ ആ​ശു​പ​ത്രി​യി​ൽ 501 കി​ട​ക്ക​ക​ൾ ഉ​ണ്ടാ​യി​രു​ന്നു. മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യാ​കു​മ്പോ​ൾ കി​ട​ക്ക​ക​ളു​ടെ എ​ണ്ണം 380 ആ​യി ചു​രു​ങ്ങും. മെ​ഡി​ക്ക​ൽ കോ​ള​ജ്​ റ​ഫ​റ​ൽ ആ​ശു​പ​ത്രി മാ​ത്ര​മാ​ണ്. ജ​ന​റ​ൽ ആ​ശു​പ​ത്രി ഇ​ല്ലാ​താ​വു​ന്ന​തോ​ടെ, ജി​ല്ല​യു​ടെ മ​ധ്യ​ഭാ​ഗ​ത്ത്​ ആ​യി​ര​ക്ക​ണ​ക്കി​ന്​ രോ​ഗി​ക​ൾ​ക്ക്​ ആ​ശ്ര​യി​ക്കാ​വു​ന്ന ആ​തു​ര സം​വി​ധാ​ന​മാ​ണ്​ ന​ഷ്ട​മാ​വു​ന്ന​ത്. മെ​ഡി​ക്ക​ൽ കോ​ള​ജ്​ ആ​ശു​പ​ത്രി എ​ന്ന് പേ​രു മാ​റ്റി​യെ​ങ്കി​ലും റ​ഫ​റ​ൽ ആ​ശു​പ​ത്രി​യു​ടെ സൗ​ക​ര്യം മ​ഞ്ചേ​രി​യി​ലി​ല്ല.

അ​തേ​സ​മ​യം, ജ​ന​റ​ൽ ആ​ശു​പ​ത്രി​യു​ടേ​താ​യ സേ​വ​നം ഇ​ല്ലാ​താ​കാ​ൻ പോ​കു​ക​യു​മാ​ണ്. ജ​ന​റ​ൽ ആ​ശു​പ​ത്രി ചെ​ര​ണി​യി​ലേ​ക്ക്​ മാ​റ്റാ​നു​ള്ള ​പ്ര​പ്പോ​സ​ൽ നേ​ര​ത്തെ ഉ​ണ്ടാ​യി​രു​ന്നു. അ​ത്​ പി​ന്നീ​ട്​ മ​ര​വി​പ്പി​ക്ക​പ്പെ​ട്ടു. മെ​ഡി​ക്ക​ൽ കോ​ള​ജി​ന്​ വേ​റെ സ്ഥ​ലം ക​ണ്ടെ​ത്തി അ​ങ്ങോ​ട്ടു​മാ​റ്റാ​നു​ള്ള പ്ര​പ്പോ​സ​ലും സാ​​ങ്കേ​തി​ക ത​ട​സ്സ​ത്തി​ൽ​പ്പെ​ട്ടു​കി​ട​ക്കു​ക​യാ​ണ്. മ​റ്റു പ​ല ജി​ല്ല​ക​ളി​ലും മെ​ഡി​ക്ക​ൽ കോ​ള​ജ്​ വ​ന്ന​പ്പോ​ൾ അ​വി​ടെ​യു​ള്ള ജ​ന​റ​ൽ ആ​ശു​പ​ത്രി​ക​ൾ അ​തേ​പ​ടി നി​ല​നി​ർ​ത്തി​യി​രു​ന്നു. കോ​ഴി​ക്കോ​ട്​ ബീ​ച്ച്​ ആ​ശു​പ​ത്രി​യും തൃ​ശൂ​രി​ലെ ജ​ന​റ​ൽ ആ​ശു​പ​ത്രി​യു​മെ​ല്ലാം അ​തേ​പോ​ലെ പ്ര​വ​ർ​ത്ത​നം തു​ട​രു​ക​യാ​ണ്​ ചെ​യ്ത​ത്. പ്ര​തി​ദി​നം 3000ല​ധി​കം രോ​ഗി​ക​ൾ മ​ഞ്ചേ​രി ജ​ന​റ​ൽ ആ​ശു​പ​ത്രി ഒ.​പി​യി​ൽ എ​ത്തു​ന്നു​ണ്ട്. പ​തി​റ്റാ​ണ്ടു​ക​ൾ​കൊ​ണ്ട് വ​ള​ർ​ന്നു​വ​ന്ന ആ​തു​രാ​ല​യ​മാ​ണി​ത്. അ​താ​ണ്​ ജ​ന​ങ്ങ​ൾ​ക്ക്​ ന​ഷ്ട​മാ​വു​ന്ന​ത്.

1615 ആ​ളു​ക​ൾ​ക്ക് ഒ​രു കി​ട​ക്ക മാ​ത്രം

തി​രു​വ​ന​ന്ത​പു​രം ജ​ന​റ​ൽ ആ​ശു​പ​ത്രി​യി​ൽ 1205, എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ൽ 1049, പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ൽ 714, കോ​ട്ട​യം ജ​ന​റ​ൽ ആ​ശു​പ​ത്രി​യി​ൽ 922, കോ​ഴി​ക്കോ​ട് ജ​ന​റ​ൽ ആ​ശു​പ​ത്രി​യി​ൽ 550, ക​ണ്ണൂ​ർ ജ​ന​റ​ൽ ആ​ശു​പ​ത്രി​യി​ൽ 541 ക്ര​മ​ത്തി​ൽ ആ​ശു​പ​ത്രി കി​ട​ക്ക​ക​ൾ ല​ഭ്യ​മാ​ണ്. എ​ന്നാ​ൽ, ജ​ന​റ​ൽ ആ​ശു​പ​ത്രി​യാ​യി ഉ​യ​ർ​ത്താ​ൻ സാ​ധി​ക്കു​ന്ന കി​ട​ക്ക​ക​ളു​ള്ള ഒ​രു ആ​ശു​പ​ത്രി​യും മ​ല​പ്പു​റം ജി​ല്ല​യി​ലി​ല്ല. ജ​ന​സം​ഖ്യാ​നു​പാ​തി​ക​മാ​യി ആ​ശു​പ​ത്രി- രോ​ഗി കി​ട​ക്ക​ക​ൾ ഏ​റ്റ​വും കു​റ​വു​ള്ള ജി​ല്ല മ​ല​പ്പു​റ​മാ​ണ്.

സം​സ്ഥാ​ന​ത്ത് ശ​രാ​ശ​രി 868 ആ​ളു​ക​ൾ​ക്ക് ഒ​രു രോ​ഗി കി​ട​ക്ക ല​ഭ്യ​മാ​ണെ​ന്നി​രി​ക്കെ മ​ല​പ്പു​റം ജി​ല്ല​യി​ൽ 1615 ആ​ളു​ക​ൾ​ക്ക് ഒ​രു രോ​ഗി കി​ട​ക്ക മാ​ത്ര​മാ​ണ് ല​ഭ്യ​മാ​യി​ട്ടു​ള്ള​ത്. ജി​ല്ല​യി​ൽ നി​ല​വി​ലെ ജി​ല്ല, താ​ലൂ​ക്ക് ആ​ശു​പ​ത്രി​ക​ളി​ൽ അം​ഗീ​കൃ​ത ആ​ശു​പ​ത്രി കി​ട​ക്ക​ക​ളു​ടെ എ​ണ്ണം വ​ള​രെ പ​രി​മി​ത​മാ​ണ്. ഏ​റ്റ​വും കൂ​ടു​ത​ൽ കി​ട​ക്ക​ക​ളു​ള്ള ജി​ല്ല ആ​ശു​പ​ത്രി​യാ​യ പെ​രി​ന്ത​ൽ​മ​ണ്ണ​യി​ൽ​പോ​ലും ആ​കെ 177 കി​ട​ക്ക​ക​ൾ മാ​ത്ര​മേ അ​നു​വ​ദി​ച്ചി​ട്ടു​ള്ളു. തി​രൂ​ർ ജി​ല്ല ആ​ശു​പ​ത്രി​യി​ലും നി​ല​മ്പൂ​ർ ജി​ല്ല ആ​ശു​പ​ത്രി​യി​ലും 140 കി​ട​ക്ക​ക​ൾ​ക്ക് മാ​ത്ര​മേ അ​നു​മ​തി ന​ൽ​കി​യി​ട്ടു​ള്ളൂ. 501 കി​ട​ക്ക​ക​ൾ മ​ഞ്ചേ​രി ജ​ന​റ​ൽ ആ​ശു​പ​ത്രി​യി​ൽ ല​ഭ്യ​മാ​യി​രു​ന്നു. കോ​ട്ട​യം ജി​ല്ല​യി​ൽ നാ​ലു ജ​ന​റ​ൽ ആ​ശു​പ​ത്രി​ക​ൾ ഉ​ള്ള​പ്പോ​ഴാ​ണ്​ ജി​ല്ല​യി​ലെ ഏ​റെ പ​ഴ​ക്ക​മു​ള്ള ജ​ന​റ​ൽ ആ​ശു​പ​ത്രി അ​ട​ച്ചു​പൂ​ട്ടാ​നു​ള്ള നീ​ക്കം ന​ട​ക്കു​ന്ന​ത്.