മ​ഞ്ചേ​രി മെ​ഡി​ക്ക​ൽ കോ​ള​ജി​ൽ മ​രു​ന്ന് സൂ​ക്ഷി​ക്കാ​ൻ ഇ​ട​മി​ല്ല; എ​ങ്ങു​മെ​ത്താ​തെ സ്റ്റോ​ർ ക്ലോം​പ്ല​ക്സ് നി​ർ​മാ​ണം

മ​ഞ്ചേ​രി: ഗ​വ. മെ​ഡി​ക്ക​ൽ കോ​ള​ജി​ൽ സ്റ്റോ​ർ കോം​പ്ല​ക്സ് നി​ർ​മി​ക്കാ​നു​ള്ള ന​ട​പ​ടി വൈ​കു​ന്നു. ക​ണ്ടെ​ത്തി​യ സ്ഥ​ല​ത്തെ മ​ര​ങ്ങ​ൾ നീ​ക്കം ചെ​യ്യാ​ത്ത​താ​ണ് ഇ​പ്പോ​ഴ​ത്തെ ത​ട​സ്സം. നാ​ല് വ​ർ​ഷം മു​മ്പ് ര​ണ്ട​ര കോ​ടി രൂ​പ​യു​ടെ ഭ​ര​ണാ​നു​മ​തി ല​ഭി​ച്ചി​രു​ന്നു. നാ​ല് മാ​സം മു​മ്പ് ടെ​ൻ​ഡ​ർ ന​ട​പ​ടി​ക​ൾ​ക്ക് മു​മ്പാ​യു​ള്ള കാ​ര്യ​ങ്ങ​ളും പൂ​ർ​ത്തി​യാ​ക്കി. മ​ര​ങ്ങ​ൾ മു​റി​ച്ചു​മാ​റ്റി​യാ​ൽ ടെ​ൻ​ഡ​ർ ന​ട​പ​ടി​ക​ളി​ലേ​ക്ക് പ്ര​വേ​ശി​ക്കാ​മെ​ന്ന് മ​രാ​മ​ത്ത് വ​കു​പ്പ് മെ​ഡി​ക്ക​ൽ കോ​ള​ജ് അ​ധി​കൃ​ത​രെ അ​റി​യി​ച്ചെ​ങ്കി​ലും ന​ട​ന്നി​ല്ല. ഇ​തോ​ടെ ആ​ശു​പ​ത്രി​യി​ൽ മ​രു​ന്ന് സൂ​ക്ഷി​ക്കാ​ൻ ഇ​ട​മി​ല്ലാ​ത്ത സ്ഥി​തി​യാ​ണ്. രോ​ഗി​ക​ൾ​ക്ക് ന​ൽ​കേ​ണ്ട മ​രു​ന്നു​ക​ൾ ആ​ളു​ക​ൾ ന​ട​ന്നു​പോ​കു​ന്ന ഭാ​ഗ​ത്ത് കൂ​ട്ടി​യി​ട്ടി​രി​ക്കു​ക​യാ​ണ്. ഒ.​പി ബ്ലോ​ക്കി​ൽ മോ​ർ​ച്ച​റി​യി​ലേ​ക്കു​ള്ള വ​ഴി​യി​ലും പ​ഴ​യ ബ്ലോ​ക്കി​ൽ സെ​മി​നാ​ർ ഹാ​ളി​ലേ​ക്കും ക്ലി​നി​ക്ക​ൽ ല​ക്ച​ർ ഹാ​ളി​ലേ​ക്കു​മു​ള്ള വ​ഴി​യി​ലും കൂ​ട്ടി​യി​ട്ടി​രി​ക്കു​ക​യാ​ണ് മ​രു​ന്നു​ക​ൾ.

മെ​ഡി​ക്ക​ൽ കോ​ള​ജ് അ​ക്കാ​ദ​മി​ക് ബ്ലോ​ക്കി​നോ​ട് ചേ​ർ​ന്ന ഭൂ​മി​യാ​ണ് സ്റ്റോ​ർ കോം​പ്ല​ക്സി​നാ​യി നേ​ര​ത്തെ ക​ണ്ടെ​ത്തി​യി​രു​ന്ന​ത്. ഇ​വി​ടെ മ​ണ്ണു​പ​രി​ശോ​ധ​ന ന​ട​പ​ടി​ക​ളും പൂ​ർ​ത്തി​യാ​ക്കി. ഈ ​ഭൂ​മി അ​നു​യോ​ജ്യ​മ​ല്ലെ​ന്ന് പി​ന്നീ​ട് ക​ണ്ടെ​ത്തി. മെ​ഡി​ക്ക​ൽ കോ​ള​ജ് ഹോ​സ്റ്റ​ലി​നോ​ട് ചേ​ർ​ന്ന ഭൂ​മി​യാ​ണ് പു​തു​താ​യി ക​ണ്ടെ​ത്തി​യ​ത്. ഇ​വി​ടെ​യാ​ക​ട്ടെ ര​ണ്ട​ര കോ​ടി രൂ​പ ഉ​പ​യോ​ഗി​ച്ച് കോം​പ്ല​ക്സി​ന്റെ നി​ർ​മാ​ണം പൂ​ർ​ത്തീ​ക​രി​ക്കാ​നും സാ​ധി​ക്കി​ല്ല. 7,000 ച​തു​ര​ശ്ര അ​ടി വി​സ്തീ​ർ​ണ​ത്തി​ൽ മൂ​ന്നു നി​ല​ക​ളി​ലാ​യി നി​ർ​മാ​ണം പൂ​ർ​ത്തീ​ക​രി​ക്കു​മെ​ന്നാ​യി​രു​ന്നു പ്ര​ഖ്യാ​പ​നം. നി​ല​വി​ൽ അ​നു​വ​ദി​ച്ച ര​ണ്ട​ര കോ​ടി രൂ​പ ഉ​പ​യോ​ഗി​ച്ച് താ​ഴ​ത്തെ നി​ല​യു​ടെ പ​കു​തി ഭാ​ഗം മാ​ത്ര​മേ നി​ർ​മി​ക്കാ​നാ​കൂ. മ​ര​ങ്ങ​ൾ മു​റി​ച്ചു​മാ​റ്റാ​ൻ അ​ടു​ത്ത മാ​സം 17ന് ​ലേ​ലം ന​ട​ക്കു​മെ​ന്ന് മെ​ഡി​ക്ക​ൽ കോ​ള​ജ് അ​ധി​കൃ​ത​ർ പ​റ​ഞ്ഞു.