മെഡിക്കൽ കോളജ് വികസന സമിതി യോഗം ചേരുന്നു; ഒരുവർഷത്തിനുശേഷം

മ​ഞ്ചേ​രി: ഒ​ടു​വി​ൽ ഒ​രു​വ​ർ​ഷ​ത്തി​നു​ശേ​ഷം ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി വി​ക​സ​ന സ​മി​തി യോ​ഗം ചേ​രാ​ൻ തീ​രു​മാ​നം. ഈ ​മാ​സം ഏ​ഴി​ന് ജി​ല്ല ക​ല​ക്ട​റു​ടെ ചേം​ബ​റി​ലാ​ണ് യോ​ഗം. ക​ഴി​ഞ്ഞ​വ​ർ​ഷം സെ​പ്റ്റം​ബ​ർ 15നാ​ണ് അ​വ​സാ​ന​മാ​യി യോ​ഗം ചേ​ർ​ന്ന​ത്. വി​ക​സ​ന സ​മി​തി യോ​ഗം ചേ​രാ​ത്ത​തി​നെ​തി​രെ അം​ഗ​ങ്ങ​ൾ പ​രാ​തി ഉ​ന്ന​യി​ച്ചി​രു​ന്നു. ആ​ശു​പ​ത്രി​യി​ൽ ന​ട​ക്കു​ന്ന കാ​ര്യ​ങ്ങ​ളൊ​ന്നും ജ​ന​പ്ര​തി​നി​ധി​ക​ൾ അ​റി​യു​ന്നി​ല്ലെ​ന്നും ജീ​വ​ന​ക്കാ​രു​ടെ കു​റ​വ് പ​രി​ഹ​രി​ക്കാ​നും പു​തി​യ ആ​ളു​ക​ളെ നി​യ​മി​ക്കാ​നും ന​ട​പ​ടി​യി​ല്ലെ​ന്നും ചൂ​ണ്ടി​ക്കാ​ട്ടി​യാ​യി​രു​ന്നു പ​രാ​തി.

മൂ​ന്ന് മാ​സ​ത്തി​ലൊ​രി​ക്ക​ൽ യോ​ഗം ചേ​ര​ണ​മെ​ന്ന് നേ​ര​ത്തേ തീ​രു​മാ​നി​ച്ചി​രു​ന്നു. എ​ന്നാ​ൽ, ഇ​ത് ന​ട​പ്പാ​കു​ന്നി​ല്ലെ​ന്നും പ​രാ​തി ഉ​യ​ർ​ന്നു. എ​ച്ച്.​ഡി.​എ​സ്, ആ​ർ.​എ​സ്.​ബി.​വൈ, ജ​ന​ത ഫാ​ർ​മ​സി അ​ക്കൗ​ണ്ടു​ക​ളു​ടെ വ​ര​വ് ചെ​ല​വ് ക​ണ​ക്കു​ക​ൾ ച​ർ​ച്ച ചെ​യ്ത് അം​ഗീ​ക​രി​ക്ക​ൽ, മെ​ഡി​ക്ക​ൽ കോ​ള​ജ്, ആ​ശു​പ​ത്രി​യു​മാ​യി ബ​ന്ധ​പ്പെ​ട്ട നി​ർ​മാ​ണ പ്ര​വൃ​ത്തി​ക​ളു​ടെ പു​രോ​ഗ​തി ച​ർ​ച്ച ചെ​യ്യ​ൽ, ന​ട​ന്നു​കൊ​ണ്ടി​രി​ക്കു​ന്ന​തും പു​തു​താ​യി തു​ട​ങ്ങു​ന്ന​തു​മാ​യ വി​വി​ധ പ്ര​വൃ​ത്തി​ക​ളും ആ​ശു​പ​ത്രി​യി​ലേ​ക്ക് സാ​മ​ഗ്രി​ക​ൾ വാ​ങ്ങി​യ​തും അം​ഗീ​ക​രി​ക്ക​ൽ തു​ട​ങ്ങി​യ അ​ജ​ണ്ട​ക​ളാ​ണ് യോ​ഗ​ത്തി​ൽ ച​ർ​ച്ച ചെ​യ്യു​ക.

കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലും മ​റ്റു ഗ​വ. ആ​ശു​പ​ത്രി​ക​ളി​ലും ബി.​പി.​എ​ൽ കാ​ർ​ഡ് ഉ​ട​മ​ക​ൾ​ക്ക് വി​വി​ധ പ​രി​ശോ​ധ​ന​ക​ൾ സൗ​ജ​ന്യ​മാ​ണ്. എ​ന്നാ​ൽ, ഇ​വി​ടെ ബി.​പി.​എ​ൽ കാ​ർ​ഡു​കാ​ർ​ക്കും ഫീ​സ് ഈ​ടാ​ക്കു​ന്നു​ണ്ട്. ഇ​ക്കാ​ര്യ​വും ച​ർ​ച്ച​യാ​കു​മെ​ന്നാ​ണ് വി​വ​രം. കൂ​ടാ​തെ ആ​ശു​പ​ത്രി വി​ക​സ​ന​ത്തി​നാ​യി ക​ണ്ടെ​ത്തി​യ സ്ഥ​ലം ഏ​റ്റെ​ടു​ക്കു​ന്ന​ത് ഹൈ​കോ​ട​തി സ്റ്റേ ​ചെ​യ്ത​തും യോ​ഗ​ത്തി​ൽ അം​ഗ​ങ്ങ​ൾ ഉ​ന്ന​യി​ച്ചേ​ക്കും. യോ​ഗം ചേ​രാ​ൻ ബ​ന്ധ​പ്പെ​ട്ട​വ​ർ മു​ൻ​കൈ എ​ടു​ക്കു​ന്നി​ല്ലെ​ന്ന് ചൂ​ണ്ടി​ക്കാ​ട്ടി സ​മി​തി​യി​ലെ എം.​പി​യു​ടെ പ്ര​തി​നി​ധി​യും മു​സ്​​ലിം ലീ​ഗ് ജി​ല്ല വൈ​സ് പ്ര​ഡി​ഡ​ൻ​റു​മാ​യ വ​ല്ലാ​ഞ്ചി​റ മു​ഹ​മ്മ​ദ​ലി ജി​ല്ല ക​ല​ക്ട​ർ​ക്ക് പ​രാ​തി ന​ൽ​കി​യി​രു​ന്നു.