ത​ദ്ദേ​ശ​സ്ഥാ​പ​ന​ങ്ങ​ളി​ലെ മാ​ലി​ന്യ സം​സ്ക​ര​ണ​ത്തി​ന് പു​തി​യ സം​വി​ധാ​നം

മ​ഞ്ചേ​രി: ജി​ല്ല​യി​ലെ ത​ദ്ദേ​ശ​സ്ഥാ​പ​ന​ങ്ങ​ളി​ലെ മാ​ലി​ന്യം സം​സ്ക​രി​ക്കാ​ൻ പു​തി​യ സം​വി​ധാ​നം ഒ​രു​ങ്ങു​ന്നു. ഖ​ര​മാ​ലി​ന്യ​ത്തി​ൽ​നി​ന്ന് ഇ​ന്ധ​നം നി​ർ​മി​ക്കാ​നാ​വു​ന്ന ആ​ർ.​ഡി.​എ​ഫ് (റെ​ഫ്യൂ​സ് ഡി​റൈ​വ്ഡ് ഫ്യൂ​വ​ൽ) പ്ലാ​ന്‍റാ​ണ് ജി​ല്ല​യി​ലെ മാ​ലി​ന്യ സം​സ്ക​ര​ണ​ത്തി​ന് മി​ക​ച്ച മാ​തൃ​ക​യാ​കാ​നൊ​രു​ങ്ങു​ന്ന​ത്. 33 ത​ദ്ദേ​ശ സ്ഥാ​പ​ന​ങ്ങ​ളി​ൽ നി​ന്നും ശേ​ഖ​രി​ക്കു​ന്ന പു​ന​രു​ൽ​പാ​ദ​ന​വും പു​ന​രു​പ​യോ​ഗ​വും സാ​ധ്യ​മ​ല്ലാ​ത്ത മാ​ലി​ന്യ​ങ്ങ​ൾ ഇ​നി സി​മ​ന്‍റ് ഫാ​ക്ട​റി​ക​ളി​ൽ ഇ​ന്ധ​ന​മാ​കും.

തൃ​ക്ക​ല​ങ്ങോ​ട് പ​ഞ്ചാ​യ​ത്തി​ലെ പു​ല​ത്താ​ണ് ഇ​തി​ന് സൗ​ക​ര്യ​മൊ​രു​ങ്ങു​ന്ന​ത്. ഒ​രേ​ക്ക​ർ സ്ഥ​ല​ത്താ​ണ് ആ​ധു​നി​ക രീ​തി​യി​ലു​ള്ള പ്ലാ​ന്‍റൊ​രു​ക്കി​യ​ത്. കോ​ഴി​ക്കോ​ട് ആ​സ്ഥാ​ന​മാ​യ ഗ്രീ​ൻ വേം​സ് ക​മ്പ​നി​യാ​ണ് പു​തി​യ ആ​ശ​യ​ത്തി​ന് പി​ന്നി​ൽ. ഹ​രി​ത ക​ർ​മ സേ​ന വീ​ടു​ക​ളി​ൽ നി​ന്നും ശേ​ഖ​രി​ക്കു​ന്ന മാ​ലി​ന്യം ത​രം തി​രി​ച്ച് ഏ​ജ​ൻ​സി​ക​ൾ മു​ഖേ​ന ക​യ​റ്റി അ​യ​ക്കു​ക​യാ​ണ് സാ​ധാ​ര​ണ നി​ല​യി​ൽ ചെ​യ്തു​വ​രു​ന്ന​ത്. ഇ​ങ്ങ​നെ കേ​ര​ള​ത്തി​ൽ​നി​ന്ന് കൊ​ണ്ടു​പോ​കു​ന്ന പു​ന​രു​പ​യോ​ഗം സാ​ധ്യ​മ​ല്ലാ​ത്ത മാ​ലി​ന്യ​ങ്ങ​ൾ മ​റ്റു സം​സ്ഥാ​ന​ങ്ങ​ളി​ൽ കെ​ട്ടി​ക്കി​ട​ക്കു​ക​യാ​ണ്. പു​തി​യ ആ​ർ.​ഡി.​എ​ഫ് പ്ലാ​ന്‍റി​ലൂ​ടെ ഇ​ത്ത​രം മാ​ലി​ന്യ​ങ്ങ​ൾ ശാ​സ്ത്രീ​യ​മാ​യി സം​സ്ക​രി​ക്കാ​ൻ സാ​ധി​ക്കും. ഇ​ന്ധ​നം ഉ​ത്പാ​ദി​പ്പി​ച്ച് സി​മ​ന്‍റ് ഫാ​ക്ട​റി​ക​ൾ, വൈ​ദ്യു​തി ഉ​ത്പാ​ദ​ന പ്ലാ​ന്‍റു​ക​ൾ എ​ന്നി​വ​ക്ക് വി​ത​ര​ണം ചെ​യ്യു​ന്ന​താ​ണ് പ​ദ്ധ​തി.

പു​ന​രു​പ​യോ​ഗി​ക്കാ​നാ​വാ​ത്ത മാ​ലി​ന്യ​ങ്ങ​ളാ​ണ് ഉ​യ​ർ​ന്ന താ​പ​നി​ല​യി​ൽ സം​സ്‌​ക​രി​ച്ച് ഇ​ന്ധ​ന​മാ​ക്കു​ന്ന​ത്. പ്ലാ​സ്റ്റി​ക്, തെ​ർ​മോ​ക്കോ​ൾ, സാ​നി​റ്റ​റി നാ​പ്കി​ൻ തു​ട​ങ്ങി സം​സ്‌​ക​രി​ക്കാ​ൻ ബു​ദ്ധി​മു​ട്ടു​ള്ള മാ​ലി​ന്യ​ങ്ങ​ളെ​ല്ലാം ശാ​സ്ത്രീ​യ​മാ​യി സം​സ്‌​ക​രി​ക്കാ​നാ​വും. ഹ​രി​ത​ക​ർ​മ​സേ​ന ശേ​ഖ​രി​ച്ച് ന​ൽ​കു​ന്ന ഖ​ര​മാ​ലി​ന്യ​ത്തി​ന്‍റെ സം​സ്ക​ര​ണം കൂ​ടു​ത​ൽ കാ​ര്യ​ക്ഷ​മ​മാ​ക്കു​ക​യാ​ണ് ല​ക്ഷ്യം. ജി​ല്ല​യി​ൽ 33 ത​ദ്ദേ​ശ​സ്ഥാ​പ​ന​ങ്ങ​ളി​ലെ മാ​ലി​ന്യ​മാ​ണ് ആ​ദ്യ ഘ​ട്ട​ത്തി​ൽ ആ​ർ.​ഡി.​എ​ഫ് യൂ​നി​റ്റി​ലെ​ത്തി​ക്കു​ക. ചാ​ലി​യാ​ർ, പോ​ത്തു​ക​ല്ല്, അ​മ​ര​മ്പ​ലം, ചോ​ക്കാ​ട്, പോ​രൂ​ർ, ക​രു​വാ​ര​ക്കു​ണ്ട്, വെ​ട്ട​ത്തൂ​ർ, പു​ൽ​പ​റ്റ, കീ​ഴു​പ​റ​മ്പ്, കാ​വ​നൂ​ർ, അ​രീ​ക്കോ​ട്, മു​തു​വ​ല്ലൂ​ർ, കു​ഴി​മ​ണ്ണ, ഊ​ർ​ങ്ങാ​ട്ടി​രി, ചെ​റു​കാ​വ്, മേ​ലാ​റ്റൂ​ർ, ചു​ങ്ക​ത്ത​റ, പ​ള്ളി​ക്ക​ൽ, പെ​രു​വ​ള്ളൂ​ർ, ആ​ന​ക്ക​യം, വ​ള​വ​ന്നൂ​ർ, ന​ന്ന​മ്പ്ര, വ​ള്ളി​ക്കു​ന്ന്, ഊ​ര​കം, വേ​ങ്ങ​ര, കു​റു​വ, തി​രു​നാ​വാ​യ, മം​ഗ​ലം, തേ​ഞ്ഞി​പ്പ​ലം, കു​റ്റി​പ്പു​റം, മൂ​ന്നി​യൂ​ർ, മ​മ്പാ​ട്, എ​ട​പ്പ​റ്റ എ​ന്നീ പ​ഞ്ചാ​യ​ത്തു​ക​ൾ ഇ​തി​ന​കം ക​മ്പ​നി​യു​മാ​യി ക​രാ​റി​ലേ​ർ​പ്പെ​ട്ടു. ജി​ല്ല​യി​ലെ 70 പ​ഞ്ചാ​യ​ത്തു​ക​ളി​ലെ​യും ഒ​രു​മാ​സ​ത്തെ മാ​ലി​ന്യം പ്ലാ​ന്‍റി​ൽ എ​ത്തി​ച്ച് സം​സ്ക​രി​ക്കാ​ൻ സാ​ധി​ക്കു​ന്ന ത​ര​ത്തി​ലാ​ണ് പ്ലാ​ന്‍റ് സ​ജ്ജ​മാ​ക്കി​യ​തെ​ന്ന് ഗ്രീ​ൻ വേം​സ് ഡ​യ​റ​ക്ട​ർ സി.​കെ.​എ. ഷ​മീ​ർ ബാ​വ, ഓ​പ​റേ​ഷ​ൻ മാ​നേ​ജ​ർ ശ്രീ​രാ​ഗ് കു​റു​വാ​ട്, റീ​ജ​യ​ന​ൽ ഹെ​ഡ് നി​തി​ൻ മോ​ഹ​ൻ എ​ന്നി​വ​ർ പ​റ​ഞ്ഞു.

പ്ര​തി​മാ​സം ശ​രാ​ശ​രി 5,000 ട​ൺ പ്ലാ​സ്റ്റി​ക് മാ​ലി​ന്യ​മെ​ങ്കി​ലും സം​സ്ക​രി​ക്കാം. 40 ജീ​വ​ന​ക്കാ​രാ​ണ് ജോ​ലി ചെ​യ്യു​ന്ന​ത്. പ്ലാ​ന്‍റ് ബു​ധ​നാ​ഴ്ച രാ​വി​ലെ ഒ​മ്പ​തി​ന് ജി​ല്ല ക​ല​ക്ട​ർ വി.​ആ​ർ. വി​നോ​ദ് ഉ​ദ്ഘാ​ട​നം ചെ​യ്യും. ഗ്രീ​ൻ വേം​സ് സി.​ഇ.​ഒ ജാ​ബി​ർ കാ​രാ​ട്ട് അ​ധ്യ​ക്ഷ​ത വ​ഹി​ക്കും.