ഇ​രു​മ്പു​ഴി കോ​ണി​ക്ക​ല്ലി​ൽ ക്ഷേ​ത്ര​ത്തി​ൽ​നി​ന്ന് പ​ഞ്ച​ലോ​ഹ വി​ഗ്ര​ഹം മോ​ഷ്ടിച്ചു

മ​ഞ്ചേ​രി: ഇ​രു​മ്പു​ഴി കോ​ണി​ക്ക​ല്ലി​ൽ ക്ഷേ​ത്ര​ത്തി​ൽ മോ​ഷ​ണം. കു​ടും​ബ ക്ഷേ​ത്ര​മാ​യ മൂ​ടേ​പു​റ​ത്ത് മു​ത്ത​ൻ ക്ഷേ​ത്രം, ദേ​വീ ക്ഷേ​ത്രം എ​ന്നി​വി​ട​ങ്ങ​ളി​ലാ​ണ് മോ​ഷ​ണം ന​ട​ന്ന​ത്. കു​ടും​ബ ക്ഷേ​ത്ര​ത്തി​ൽ​നി​ന്ന് പ​ഞ്ച​ലോ​ഹ വി​ഗ്ര​ഹം ന​ഷ്ട​മാ​യി. ക്ഷേ​ത്ര​ങ്ങ​ളു​ടെ വാ​തി​ൽ ച​വി​ട്ടി​പ്പൊ​ളി​ച്ചാ​ണ് മോ​ഷ്ടാ​വ് അ​ക​ത്തു​ക​യ​റി​യ​ത്. വെ​ള്ളി​യാ​ഴ്ച രാ​വി​ലെ ക്ഷേ​ത്ര​ത്തി​ലെ ക​ർ​മ​ങ്ങ​ൾ ചെ​യ്യു​ന്ന ബാ​ല​കൃ​ഷ്ണ​ൻ കൃ​ഷി സ്ഥ​ല​ത്തേ​ക്ക് ഇ​റ​ങ്ങി​യ സ​മ​യ​ത്ത് ക്ഷേ​ത്ര​ത്തി​ലേ​ക്ക് പ്രാ​ർ​ഥി​ക്കാ​ൻ എ​ത്തി​യ​പ്പോ​ഴാ​ണ് സം​ഭ​വം പു​റ​ത്ത​റി​ഞ്ഞ​ത്.

വാ​തി​ൽ തു​റ​ന്നു​കി​ട​ക്കു​ന്ന നി​ല​യി​ലാ​യി​രു​ന്നു. ഇ​തോ​ടെ ക്ഷേ​ത്രം ക​മ്മി​റ്റി ഭാ​ര​വാ​ഹി​ക​ളെ​യും പൊ​ലീ​സി​നെ​യും അ​റി​യി​ച്ചു. ദേ​വീ ക്ഷേ​ത്ര​ത്തി​ൽ​നി​ന്ന് ഒ​ന്നും ന​ഷ്ട​മാ​യി​ല്ലെ​ങ്കി​ലും പൂ​ജ​ക്ക് ഉ​പ​യോ​ഗി​ക്കു​ന്ന നെ​യ്യു​പ​യോ​ഗി​ച്ച് ചു​മ​രി​ല്‍ ‘മി​ന്ന​ല്‍ മു​ര​ളി’ എ​ന്നെ​ഴു​തി​യി​ട്ടു​ണ്ട്. ശ്രീ​കോ​വി​ലി​നു​ള്ളി​ലെ സ്വ​ര്‍ണ​മാ​ല​യും ക്ഷേ​ത്ര​ത്തി​ലെ വി​ല​പി​ടി​പ്പു​ള്ള നി​ല​വി​ള​ക്കു​ക​ളു​മൊ​ന്നും ന​ഷ്ട​മാ​യി​ട്ടി​ല്ല. ഭ​ണ്ഡാ​ര​വും പൊ​ളി​ച്ചി​ട്ടി​ല്ല. വി​ഗ്ര​ഹം മാ​ത്രം ല​ക്ഷ്യം വെ​ച്ചാ​ണ് മോ​ഷ്ടാ​വ് എ​ത്തി​യ​തെ​ന്നാ​ണ് വി​വ​രം. ക്ഷേ​ത്ര​ത്തി​ലെ ദേ​വി​യു​ടെ സ്റ്റി​ക്ക​റു​ക​ൾ പ​റി​ച്ചി​ട്ടി​ട്ടു​ണ്ട്. ബോ​ർ​ഡു​ക​ളും ന​ശി​പ്പി​ച്ചു.

മാ​സ​ത്തി​ലൊ​രി​ക്ക​ൽ മാ​ത്ര​മാ​ണ് ഇ​വി​ടെ പൂ​ജ ക​ർ​മ​ങ്ങ​ൾ ന​ട​ക്കാ​റു​ള്ള​ത്. ന​ഷ്ട​പ്പെ​ട്ട പ​ഞ്ച​ലോ​ഹ വി​ഗ്ര​ഹ​ത്തി​ന് ഒ​രു ല​ക്ഷം രൂ​പ​യോ​ളം വി​ല വ​രു​മെ​ന്ന് ക്ഷേ​ത്ര ഭാ​ര​വാ​ഹി​ക​ള്‍ പ​റ​ഞ്ഞു. മ​ഞ്ചേ​രി സി.​ഐ റി​യാ​സ് ചാ​ക്കി​രി​യു​ടെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി അ​ന്വേ​ഷ​ണം ആ​രം​ഭി​ച്ചു. ഡോ​ഗ് സ്ക്വാ​ഡ്, വി​ര​ല​ട​യാ​ള വി​ദ​ഗ്ധ​ർ എ​ന്നി​വ​ർ പ​രി​ശോ​ധ​ന ന​ട​ത്തി. നേ​ര​ത്തേ മ​ഞ്ചേ​രി​യി​ലെ എ​ട്ടി​യോ​ട്ട് അ​യ​പ്പ ക്ഷേ​ത്ര​ത്തി​ലും മോ​ഷ​ണം ന​ട​ന്നി​രു​ന്നു.