കോ​വി​ഡ് പോ​സി​റ്റി​വ്: ഗർഭിണികളെ മെഡിക്കൽ കോളജിലേക്ക് അയക്കുന്നു

മ​ഞ്ചേ​രി: കോ​വി​ഡ് പോ​സി​റ്റി​വാ​ണെ​ന്ന ഒ​റ്റ​ക്കാ​ര​ണ​ത്താ​ൽ സ്വ​കാ​ര്യ ആ​ശു​പ​ത്രി​ക​ളി​ൽ​നി​ന്ന്​ ഗ​ർ​ഭി​ണി​ക​ളെ മ​ഞ്ചേ​രി മെ​ഡി​ക്ക​ൽ കോ​ള​ജി​ലേ​ക്ക് അ‍യ​ക്കു​ന്ന​ത് തു​ട​ർ​ക്ക​ഥ​യാ​കു​ന്നു. ആ​രോ​ഗ്യ മ​ന്ത്രി​യു​ടെ​യും ജി​ല്ല മെ​ഡി​ക്ക​ൽ ഓ​ഫി​സ​റു​ടെ​യും ഉ​ത്ത​ര​വു​ക​ൾ അ​വ​ഗ​ണി​ച്ചാ​ണ് രോ​ഗി​ക​ളെ മ​ഞ്ചേ​രി​യി​ലേ​ക്ക് അ​യ​ക്കു​ന്ന​ത്. ഇ​തോ​ടെ മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലു​ള്ള ഗ​ർ​ഭി​ണി​ക​ളു​ടെ എ​ണ്ണം ദി​നേ​ന വ​ർ​ധി​ച്ച് വ​രു​ക​യാ​ണ്.

ര​ണ്ട് ദി​വ​സ​ത്തി​നി​ടെ നി​ര​വ​ധി പേ​രാ​ണ് ഇ​ത്ത​ര​ത്തി​ൽ ആ​ശു​പ​ത്രി​യി​ൽ ചി​കി​ത്സ തേ​ടി എ​ത്തി​യ​ത്. എ​ത്തി​യ​വ​രി​ൽ ഭൂ​രി​ഭാ​ഗം പേ​രും ഗു​രു​ത​ര​മ​ല്ലാ​ത്ത രോ​ഗി​ക​ളാ​ണെ​ന്ന് മെ​ഡി​ക്ക​ൽ കോ​ള​ജി​ലെ ഡോ​ക്ട​ർ​മാ​ർ പ​റ​യു​ന്നു.

കോ​വി​ഡ് വ്യാ​പ​നം രൂ​ക്ഷ​മാ​യ​തോ​ടെ മെ​ഡി​ക്ക​ൽ കോ​ള​ജി​ൽ ഗ​ർ​ഭി​ണി​ക​ളെ പ്ര​വേ​ശി​പ്പി​ക്കു​ന്ന​തി​ന് നി​യ​ന്ത്ര​ണം ഏ​ർ​പ്പെ​ടു​ത്തി​യി​രു​ന്നു. സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ തേ​ടു​ന്ന ഗ​ർ​ഭി​ണി​ക​ൾ കോ​വി​ഡ് പോ​സി​റ്റി​വാ​യാ​ൽ അ​വി​ടെ ചി​കി​ത്സ തു​ട​രു​ന്ന​തി​ന് പ​ക​രം അ​വ​രെ മെ​ഡി​ക്ക​ൽ കോ​ള​ജി​ലേ​ക്ക് റ​ഫ​ർ ചെ​യ്യു​ന്ന സ്ഥി​തി​യാ​ണ്. ഇ​തോ​ടെ​യാ​ണ് നി​യ​ന്ത്ര​ണം ഏ​ർ​പ്പെ​ടു​ത്തി ജി​ല്ല മെ​ഡി​ക്ക​ൽ ഓ​ഫി​സ​ർ ഉ​ത്ത​ര​വി​റ​ക്കി​യ​ത്. എ​ന്നാ​ൽ, ഇ​ത് സ്വ​കാ​ര്യ ആ​ശു​പ​ത്രി​ക​ൾ പാ​ലി​ക്കു​ന്നി​ല്ല.

കാ​റ്റ​ഗ​റി എ, ​ബി വി​ഭാ​ഗ​ത്തി​ൽ​പെ​ട്ട​വ​രെ അ​ത​ത് കേ​ന്ദ്ര​ത്തി​ൽ ത​ന്നെ ചി​കി​ത്സി​ക്ക​ണ​മെ​ന്നും സി ​കാ​റ്റ​ഗ​റി​യി​ൽ​പെ​ട്ട രോ​ഗി​ക​ളെ മാ​ത്രം റ​ഫ​ർ ചെ​യ്താ​ൽ മ​തി​യെ​ന്നും നി​ർ​ദ​ശ​മു​ണ്ട്. സ്വ​കാ​ര്യ ആ​ശു​പ​ത്രി​ക​ളി​ലെ നി​ല​വി​ലെ കി​ട​ക്ക​ക​ളു​ടെ പ​കു​തി കോ​വി​ഡ് ചി​കി​ത്സ​ക്ക് മാ​റ്റി​വെ​ക്ക​ണ​മെ​ന്ന സ​ർ​ക്കാ​ർ ഉ​ത്ത​ര​വും നി​ല​വി​ലു​ണ്ട്. ഇ​തെ​ല്ലാം മ​റി​ക​ട​ന്നാ​ണ് ഗ​ർ​ഭി​ണി​ക​ളെ മ​ഞ്ചേ​രി​യി​ലേ​ക്ക് അ​യ​ക്കു​ന്ന​ത്.