പ്ര​തി​ഷേ​ധം ഫ​ലം ക​ണ്ടു; ചെ​ട്ടി​യ​ങ്ങാ​ടി​യി​ൽ റ​മ്പി​ൾ സ്ട്രി​പ് സ്ഥാ​പി​ക്കു​ന്ന​തി​ന് തു​ട​ക്കം

മ​ഞ്ചേ​രി: നെ​ല്ലി​പ്പ​റ​മ്പ് ചെ​ട്ടി​യ​ങ്ങാ​ടി​യി​ൽ അ​ഞ്ച് പേ​രു​ടെ മ​ര​ണ​ത്തി​നി​ട​യാ​ക്കി​യ വാ​ഹ​നാ​പ​ക​ട​ത്തെ​ത്തു​ട​ർ​ന്ന് റോ​ഡി​ൽ റ​മ്പി​ൾ സ്ട്രി​പ്പ് സ്ഥാ​പി​ക്കു​ന്ന പ്ര​വൃ​ത്തി ആ​രം​ഭി​ച്ചു. നാ​ട്ടു​കാ​ർ റോ​ഡ് ഉ​പ​രോ​ധ​മ​ട​ക്കം പ്ര​തി​ഷേ​ധം ഉ​യ​ർ​ത്തി​യ​തോ​ടെ​യാ​ണി​ത്. ക​രാ​ർ ക​മ്പ​നി​യു​ടെ നേ​തൃ​ത്വ​ത്തി​ലാ​ണ് പ്ര​വൃ​ത്തി ന​ട​ക്കു​ന്ന​ത്. ഉ​പ​രോ​ധ​ത്തെ തു​ട​ർ​ന്ന് ത​ഹ​സി​ൽ​ദാ​രു​ടെ അ​ധ്യ​ക്ഷ​ത​യി​ൽ ജ​ന​പ്ര​തി​നി​ധി​ക​ളെ​യും നാ​ട്ടു​കാ​രെ​യും ക​രാ​ർ ക​മ്പ​നി ജീ​വ​ന​ക്കാ​രെ​യും ഉ​ൾ​പ്പെ​ടു​ത്തി യോ​ഗം വി​ളി​ച്ചി​രു​ന്നു.

ഇ​തി​ന്റെ അ​ടി​സ്ഥാ​ന​ത്തി​ൽ റോ​ഡ​രി​കി​ൽ അ​ന​ധി​കൃ​ത​മാ​യി നി​ർ​ത്തി​യി​ട്ട വാ​ഹ​ന​ങ്ങ​ൾ അ​ടി​യ​ന്തി​ര​മാ​യി നീ​ക്കം ചെ​യ്യ​ണ​മെ​ന്ന് പൊ​ലീ​സും ന​ഗ​ര​സ​ഭ​യും നി​ർ​ദേ​ശി​ച്ചി​രു​ന്നു. റോ​ഡ് വീ​തി​കൂ​ട്ടി​യ​തോ​ടെ പ​ല​പ്പോ​ഴും ക​ട്ട വി​രി​ച്ച ഭാ​ഗ​ത്താ​ണ് വാ​ഹ​ന​ങ്ങ​ൾ പാ​ർ​ക്ക് ചെ​യ്തി​രു​ന്ന​ത്.

ച​ർ​ച്ച​യു​ടെ അ​ടി​സ്ഥാ​ന​ത്തി​ൽ ക​ഴി​ഞ്ഞ ദി​വ​സം റോ​ഡി​ൽ ഗ​താ​ഗ​ത നി​യ​ന്ത്ര​ണ ബോ​ർ​ഡ് സ്ഥാ​പി​ച്ചു. ഓ​വു​ചാ​ലി​ലേ​ക്ക് വെ​ള്ളം എ​ത്തി​ക്കാ​നും തെ​രു​വു​വി​ള​ക്കു​ക​ൾ അ​റ്റ​കു​റ്റ​പ്പ​ണി ന​ട​ത്താ​നും സീ​ബ്രാ ലൈ​നും മ​റ്റ് സൂ​ച​ന ബോ​ർ​ഡു​ക​ളും സ്ഥാ​പി​ക്കാ​നും തീ​രു​മാ​ന​മാ​യി.

ക​ഴി​ഞ്ഞ വെ​ള്ളി​യാ​ഴ്ച​യാ​ണ് അ​രീ​ക്കോ​ട് റോ​ഡി​ൽ അ​യ്യ​പ്പ​ഭ​ക്ത​ർ സ​ഞ്ച​രി​ച്ച മി​നി ബ​സും ഓ​ട്ടോ​റി​ക്ഷ​യും കൂ​ട്ടി​യി​ടി​ച്ച് അ​പ​ക​ട​മു​ണ്ടാ​യ​ത്. റോ​ഡ് ന​വീ​ക​രി​ച്ച​തോ​ടെ അ​പ​ക​ട​വും തു​ട​ർ​ക്ക​ഥ​യാ​ണ്.