മേ​ലാ​റ്റൂ​ർ സി.​എ​ച്ച്.​സി​യു​ടെ ശോ​ച്യാ​വ​സ്​​ഥ നി​യ​മ​സ​ഭ​യി​ൽ

മേ​ലാ​റ്റൂ​ർ: സാ​മൂ​ഹി​കാ​രോ​ഗ്യ കേ​ന്ദ്ര​ത്തി​​ന്‍റെ ശോ​ച്യാ​വ​സ്​​ഥ​യും അ​വ​ഗ​ണ​ന​യും നി​യ​മ​സ​ഭ​യി​ൽ വി​വ​രി​ച്ച്​ ന​ജീ​ബ്​ കാ​ന്ത​പു​രം എം.​എ​ൽ.​എ. ആ​രോ​ഗ്യ​മേ​ഖ​ല​യി​ൽ മ​ല​പ്പു​റം ജി​ല്ല നേ​രി​ടു​ന്ന അ​വ​ഗ​ണ​ന​യെ കു​റി​ച്ച്​ സം​സാ​രി​ക്കാ​ൻ തു​ട​ങ്ങ​വെ​യാ​ണ്​ മേ​ലാ​റ്റൂ​ർ സി.​എ​ച്ച്.​സി​യു​ടെ ശോ​ച്യാ​വ​സ്​​ഥ അ​ദ്ദേ​ഹം പ​രാ​മ​ർ​ശി​ച്ച​ത്. മ​ല​പ്പു​റം ജി​ല്ല രൂ​പ​വ​ത്ക​രി​ക്കു​ന്ന കാ​ല​ത്തു​ണ്ടാ​യി​രു​ന്ന സി.​എ​ച്ച്​​സി​യി​ൽ അ​ന്ന്​ 40ഒാ​ളം രോ​ഗി​ക​ൾ കി​ട​ത്തി ചി​കി​ത്സ​യു​ണ്ടാ​യി​രു​ന്നു. ഒ​രേ​ക്ക​ർ സ്​​ഥ​ല​ത്ത്​ വി​പു​ല​മാ​യ കെ​ട്ടി​ട സൗ​ക​ര്യ​ങ്ങ​ളോ​ടെ നി​ല​വി​ൽ വ​ന്ന ആ​ശു​പ​ത്രി​യാ​യി​രു​ന്നു. അ​ഞ്ച്​ പ​ഞ്ചാ​യ​ത്തു​ക​ൾ​ക്ക്​ കീ​ഴി​ൽ 32 ഒാ​ളം സ​ബ്​ സെൻറ​റു​ക​ളി​ൽ​നി​ന്ന്​ നൂ​റു​ക​ണ​ക്കി​ന്​ രോ​ഗി​ക​ൾ ദി​വ​സേ​ന ഒ.​പി​യി​ലെ​ത്തി​യി​രു​ന്നു.

വൈ​കു​ന്നേ​രം ഒ.​പി​യോ, ഡോ​ക്​​ട​റി​ല്ലാ​ത്ത​തി​നാ​ൽ രാ​ത്രി കി​ട​ത്തി ചി​കി​ത്സ​യു​മി​ല്ലാ​തെ പൂ​ർ​ണ​മാ​യും ഒ​രു പ്രേ​താ​ല​യം പോ​ലെ​യാ​ണ്​ സി.​എ​ച്ച്.​സി​യെ​ന്നും എം.​എ​ൽ.​എ പ​റ​ഞ്ഞു. അ​ധി​കൃ​ത​രി​ൽ സ​മ്മ​ർ​ദം ചെ​ലു​ത്തി ആ​ശു​പ​ത്രി​യു​ടെ ശോ​ച്യാ​വ​സ്​​ഥ​യും അ​വ​ഗ​ണ​ന​യും പ​രി​ഹ​രി​ക്കു​ന്ന​തി​ന്​ മേ​ലാ​റ്റൂ​ർ ക​ൺ​സ്യൂ​മ​ർ പ്രൊ​ട്ട​ക്ഷ​ൻ ഫോ​റം സ​ജീ​വ​മാ​യി രം​ഗ​ത്തു​ണ്ട്. ഇ​തി​നാ​യി ആ​ക്ഷ​ൻ ക​മ്മി​റ്റി​യും രൂ​പ​വ​ത്​​ക​രി​ച്ചി​ട്ടു​ണ്ട്. നി​ല​വി​ലെ ശോ​ച്യാ​വ​സ്​​ഥ​ക്ക്​ പ​രി​ഹാ​രം ക​ണ്ട്​ താ​ലൂ​ക്ക്​ ആ​ശു​പ​ത്രി​യാ​ക്കി ഉ​യ​ർ​ത്ത​ണ​മെ​ന്നാ​വ​ശ്യ​പ്പെ​ട്ട്​ ക​ഴി​ഞ്ഞ​ദി​വ​സം ഫോ​റം ഭാ​ര​വാ​ഹി​ക​ൾ എം.​എ​ൽ.​എ​യെ ക​ണ്ട്​ നി​വേ​ദ​നം ന​ൽ​കി​യി​രു​ന്നു. മു​മ്പ്​ ദി​നം​പ്ര​തി 500നും 600​നും ഇ​ട​യി​ൽ രോ​ഗി​ക​ൾ ഒ.​പി​യി​ലെ​ത്തി​യി​രു​ന്നു. കി​ട​ത്തി​ചി​കി​ത്സ​ക്കാ​യി ഐ.​പി.​പി വാ​ർ​ഡു​ൾ​പ്പെ​ടെ 20 ബെ​ഡു​ക​ളു​ണ്ടാ​യി​രു​ന്നു. 40ലേ​റെ രോ​ഗി​ക​ൾ അ​ഡ്​​മി​റ്റാ​യി​രു​ന്ന കാ​ല​ത്ത്​ സ​ജീ​വ​മാ​യ പ്ര​സ​വ വാ​ർ​ഡു​മു​ണ്ടാ​യി​രു​ന്നു.