പു​തു​വ​ത്സ​രാ​ഘോ​ഷം; റോ​ഡി​ൽ പ​രി​ധി ലം​ഘി​ച്ചാ​ൽ പെ​ടും

മ​ല​പ്പു​റം: പു​തു​വ​ത്സ​രാ​ഘോ​ഷം മ​തി​മ​റ​ന്ന് വാ​ഹ​ന​ങ്ങ​ളു​മാ​യി നി​ര​ത്തി​ലി​റ​ങ്ങു​ന്ന​വ​ർ ജാ​ഗ്ര​തൈ. വാ​ഹ​നാ​പ​ക​ട​ങ്ങ​ൾ മു​ന്നി​ൽ ക​ണ്ട് പൊ​ലീ​സു​മാ​യി സ​ഹ​ക​രി​ച്ച് വാ​ഹ​ന പ​രി​ശോ​ധ​ന ക​ർ​ശ​ന​മാ​ക്കാ​ൻ ജി​ല്ല ആ​ർ.​ടി.​ഒ ബി.​ ഷ​ഫീ​ക്ക് നി​ർ​ദേ​ശം ന​ൽ​കി. തി​ങ്ക​ളാ​ഴ്ച​യും ചൊ​വ്വാ​ഴ്ച​യും രാ​ത്രി​ക​ളി​ൽ റോ​ഡു​ക​ളി​ൽ ക​ർ​ശ​ന പ​രി​ശോ​ധ​ന​യു​ണ്ടാ​കും.

ജി​ല്ല​യി​ലെ പ്ര​ധാ​ന അ​പ​ക​ട മേ​ഖ​ല​ക​ൾ, ദേ​ശീ​യ സം​സ്ഥാ​ന പാ​ത, പ്ര​ധാ​ന ന​ഗ​ര​ങ്ങ​ൾ, ഗ്രാ​മീ​ണ റോ​ഡു​ക​ൾ വി​നോ​ദ കേ​ന്ദ്ര​ങ്ങ​ൾ എ​ന്നി​വ കേ​ന്ദ്രീ​ക​രി​ച്ചാ​ണ് പ​രി​ശോ​ധ​ന. പൊ​ലീ​സി​ന് പു​റ​മെ മോ​ട്ടോ​ർ വാ​ഹ​ന വ​കു​പ്പി​ലെ എ​ൻ​ഫോ​ഴ്സ്മെ​ന്റ് വി​ഭാ​ഗ​വും, മ​ല​പ്പു​റം ആ​ർ.​ടി.​ഒ ഓ​ഫി​സ്, തി​രൂ​ര​ങ്ങാ​ടി, പൊ​ന്നാ​നി, തി​രൂ​ർ, പെ​രി​ന്ത​ൽ​മ​ണ്ണ, നി​ല​മ്പൂ​ർ, കൊ​ണ്ടോ​ട്ടി സ​ബ് ആ​ർ.​ടി.​ഒ ഓ​ഫിസി​ലെ ഉ​ദ്യോ​ഗ​സ്ഥ​രു​ടെ​യും നേ​തൃ​ത്വ​ത്തി​ലാണ് രാ​ത്രികാ​ല പ​രി​ശോ​ധ​ന. മ​ദ്യ​പി​ച്ചും മൊ​ബൈ​ൽ ഫോ​ൺ ഉ​പ​യോ​ഗി​ച്ചു​ള്ള ഡ്രൈ​വി​ങ്, അ​മി​ത​വേ​ഗ​ത, ര​ണ്ടി​ല​ധി​ക​മാ​ളു​ക​ളെ ക​യ​റ്റി​യു​ള്ള ഇ​രു​ച​ക്ര​വാ​ഹ​ന യാ​ത്ര, സി​ഗ്ന​ൽ ലം​ഘ​നം തു​ട​ങ്ങി​യ കു​റ്റ​ങ്ങ​ൾ​ക്ക് പി​ഴ​ക്ക് പു​റ​മെ ലൈ​സ​ൻ​സും റ​ദ്ദാ​ക്കും.

രൂ​പമാ​റ്റം ന​ട​ത്തി​യ വാ​ഹ​ന​ങ്ങ​ൾ, അ​മി​ത ശ​ബ്ദം പു​റ​പ്പെ​ടു​വി​ക്കു​ന്ന രീ​തി​യി​ൽ സൈ​ല​ൻ​സ​ർ മാ​റ്റി​യി​ട്ടു​ള്ള വാ​ഹ​ന​ങ്ങ​ൾ എ​ന്നി​വ​യു​ടെ ര​ജി​സ്ട്രേ​ഷ​ൻ റ​ദ്ദാ​ക്കു​ന്ന​ത് ഉ​ൾ​പ്പെ​ടെ​ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് ജി​ല്ല ആ​ർ.​ടി.​ഒ ബി.​ ഷ​ഫീ​ഖ് അ​റി​യി​ച്ചു. വി​വി​ധ വ​ർ​ണ ലൈ​റ്റു​ക​ളു​ടെ ഉ​പ​യോ​ഗം, എ​യ​ർ ഹോ​ൺ, ഗ​താ​ഗ​ത ത​ട​സ്സമു​ണ്ടാ​ക്കു​ന്ന വാ​ഹ​ന​ങ്ങ​ൾ​ക്കെ​തി​രെ​യും ന​ട​പ​ടി​യു​ണ്ടാ​കും. ശ​ബ​രി​മ​ല തീ​ർ​ഥാ​ട​ന കാ​ല​ത്ത് പു​തു​വ​ത്സ​ര​ദി​ന​ത്തി​ൽ റോ​ഡ് ത​ട​സ്സ​ങ്ങ​ളൊ​ഴി​വാ​ക്കാ​ൻ പ്ര​ത്യേ​കം ശ്ര​ദ്ധി​ക്ക​ണ​മെ​ന്നും ട്രാ​ഫി​ക് നി​യ​മ​ങ്ങ​ളെ​ക്കു​റി​ച്ച് കു​ട്ടി​ക​ളെ പ​ഠി​പ്പി​ക്കാ​നും മാ​താ​പി​താ​ക്ക​ൾ പ​ര​മാ​വ​ധി ശ്ര​മി​ക്ക​ണ​മെ​ന്നും ആ​ർ.​ടി.​ഒ വ്യ​ക്ത​മാ​ക്കി.