നിലമ്പൂർ ജില്ല ആശുപത്രിക്ക് ലഭിച്ച കായകൽപ് അവാർഡിന് തിളക്കമേറെ

നി​ല​മ്പൂ​ർ: പ​രി​മി​തി​ക​ളി​ൽ വീ​ർ​പ്പു​മു​ട്ടു​ന്ന നി​ല​മ്പൂ​ർ ജി​ല്ല ആ​ശു​പ​ത്രി​ക്ക് ല​ഭി​ച്ച കാ​യ​ക​ൽ​പ് അ​വാ​ർ​ഡി​ന് തി​ള​ക്ക​മേ​റെ. 88.21 ശ​ത​മാ​നം മാ​ർ​ക്കോ​ടെ​യാ​ണ് ആ​ശു​പ​ത്രി ജി​ല്ല​യി​ൽ ര​ണ്ടാം സ്ഥാ​നം നേ​ടി​യ​ത്. 2021, 2022 വ​ർ​ഷ​ങ്ങ​ളി​ൽ കി​ട്ടി​യ പ്രോ​ത്സാ​ഹ​ന സ​മ്മാ​നം ഇ​ക്കു​റി ര​ണ്ടാം സ്ഥാ​ന​ത്തെ​ത്താ​ൻ പ്രാ​പ്ത​മാ​ക്കി. 20 ല​ക്ഷം രൂ​പ​യാ​ണ് ര​ണ്ടാം സ്ഥാ​ന​ത്തി​നു​ള്ള സ​മ്മാ​നം.

സ​ര്‍ക്കാ​ര്‍ ആ​രോ​ഗ്യ സ്ഥാ​പ​ന​ങ്ങ​ളി​ലെ ശു​ചി​ത്വം, മാ​ലി​ന്യ പ​രി​പാ​ല​നം, അ​ണു​ബാ​ധ നി​യ​ന്ത്ര​ണം എ​ന്നി​വ വി​ല​യി​രു​ത്തി പ്രോ​ത്സാ​ഹി​പ്പി​ക്കാ​നാ​ണ് സം​സ്ഥാ​ന സ​ര്‍ക്കാ​ര്‍ കാ​യ​ക​ൽപ് അ​വാ​ർ​ഡ് ഏ​ർ​പ്പെ​ടു​ത്തി​യ​ത്.

ജി​ല്ല ആ​ശു​പ​ത്രി​ക​ള്‍, താ​ലൂ​ക്ക് ആ​ശു​പ​ത്രി​ക​ള്‍, സാ​മൂ​ഹി​കാ​രോ​ഗ്യ കേ​ന്ദ്ര​ങ്ങ​ള്‍, പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ള്‍, ന​ഗ​ര പ്രാ​ഥ​മി​കാ​രോ​ഗ്യ ക്രേ​ന്ദ​ങ്ങ​ള്‍, ജ​ന​കീ​യ ആ​രോ​ഗ്യ കേ​ന്ദ്ര​ങ്ങ​ള്‍ എ​ന്നി​വ​യി​ല്‍ നി​ന്ന് തെ​ര​ഞ്ഞെ​ടു​ക്കു​ന്ന മി​ക​ച്ച ആ​ശു​പ​ത്രി​ക​ള്‍ക്കാ​ണ് ഈ അ​വാ​ര്‍ഡ് ന​ല്‍കു​ന്ന​ത്.

ജി​ല്ല ആ​ശു​പ​ത്രി​യാ​യി ഉ​യ​ർ​ത്തി​യെ​ങ്കി​ലും ഇ​പ്പോ​ഴും താ​ലൂ​ക്ക് ആ​ശു​പ​ത്രി​യു​ടെ സൗ​ക​ര‍്യ​ങ്ങ​ളാ​ണ് ഇ​വി​ടെ​യു​ള്ള​ത്. കി​ട​ത്തി ചി​കി​ത്സ സൗ​ക​ര‍്യ​കു​റ​വ് വ​ലി​യ വെ​ല്ലു​വി​ളി​യാ​ണ്.

മ​തി​യാ​യ ഡോ​ക്ട​ർ​മാ​രും ജീ​വ​ന​ക്കാ​രും ഇ​ന്നും ആ​ശു​പ​ത്രി​ക്ക് അ​ന‍്യ​മാ​ണ്. സം​സ്ഥാ​ന​ത്ത് ത​ന്നെ ഏ​റ്റ​വും കൂ​ടു​ത​ൽ ആ​ദി​വാ​സി കു​ടും​ബ​ങ്ങ​ൾ ആ​ശ്ര​യി​ക്കു​ന്ന ഒ​രു ആ​തു​രാ​ല​യം കൂ​ടി​യാ​ണി​ത്. ത​മി​ഴ്നാ​ട് നീ​ല​ഗി​രി ജി​ല്ല​യി​ലു​ള്ള​വ​ർ പോ​ലും ആ​ശ്ര​യി​ക്കു​ന്ന​ത് നി​ല​മ്പൂ​രി​നെ​യാ​ണ്.

സ്ഥ​ല​സൗ​ക​ര‍്യ​മാ​ണ് ആ​ശു​പ​ത്രി നേ​രി​ടു​ന്ന വ​ലി​യ വെ​ല്ലു​വി​ളി. സ​മീ​പ​ത്തെ ഗ​വ.​യു.​പി സ്കൂ​ളി​ന്‍റെ സ്ഥ​ലം ഏ​റ്റെ​ടു​ക്കാ​നു​ള്ള തീ​രു​മാ​നം ഇ​പ്പോ​ഴും സ​ർ​ക്കാ​രി​ന്‍റെ ചു​വ​പ്പ് നാ​ട​യി​ലാ​ണ്. ഡോ. ​ഷി​നാ​സ് ബാ​ബു​വാ​ണ് ആ​ശു​പ​ത്രി സൂ​പ്ര​ണ്ട്. ഡോ​ക്ട​ർ​മാ​രു​ടെ​യും ജീ​വ​ന​ക്കാ​രു​ടെ​യും ആ​ശു​പ​ത്രി മാ​നേ​ജ്മെ​ന്‍റ് ക​മ്മി​റ്റി​യു​ടെ​യും കൂ​ട്ടാ​യ പ്ര​വ​ർ​ത്ത​ന​മാ​ണ് അ​വാ​ർ​ഡി​ന് അ​ർ​ഹ​മാ​ക്കി​യ​തെ​ന്ന് അ​ദ്ദേ​ഹം പ​റ​ഞ്ഞു.