വ​ന​ത്തി​നു​ള്ളി​ലെ തേ​ക്ക് പ്ലാ​ന്‍റേ​ഷ​നു​ക​ൾ​ക്ക് സോ​ളാ​ർ വേ​ലി; കാ​ട്ടാ​ന​ക​ൾ നാ​ടി​റ​ങ്ങു​ന്നു

നി​ല​മ്പൂ​ർ: വ​ന​ത്തി​നു​ള്ളി​ലെ തേ​ക്ക് പ്ലാ​ന്‍റേ​ഷ​നു​ക​ൾ​ക്ക് ചു​റ്റും വ​നം വ​കു​പ്പ് സോ​ളാ​ർ വേ​ലി സ്ഥാ​പി​ക്കു​ന്ന​ത് കാ​ട്ടാ​ന​ക​ൾ കൂ​ടു​ത​ലാ​യി ജ​ന​വാ​സ മേ​ഖ​ല​യി​ലി​റ​ങ്ങാ​ൻ കാ​ര​ണ​മാ​കു​ന്നു. വ​ന​ത്തി​നു​ള്ളി​ലെ ഹെ​ക്ട​ർ ക​ണ​ക്കി​ന് സ്ഥ​ല​ത്താ​ണ് വ​നം വ​കു​പ്പ് സോ​ളാ​ർ ഫെ​ൻ​സി​ങ് സ്ഥാ​പി​ച്ചി​ട്ടു​ള്ള​ത്.

വ​ന​ത്തി​ന​ക​ത്തെ ആ​ന​സ​ഞ്ചാ​ര​പാ​ത​ക​ളി​ൽ പോ​ലും സോ​ളാ​ർ വേ​ലി സ്ഥാ​പി​ച്ചി​ട്ടു​ണ്ട്. ഇ​തു​മൂ​ലം കാ​ട്ടാ​ന​ക്കൂ​ട്ടം സ​ഞ്ചാ​രം ത​ട​സ്സ​പ്പെ​ട്ട് വ​നാ​തി​ർ​ത്തി​യി​ലെ സ്വ​കാ​ര‍്യ റ​ബ​ർ എ​സ്റ്റേ​റ്റു​ക​ളി​ലും മ​റ്റും രാ​പ​ക​ൽ ഇ​ല്ലാ​തെ ത​മ്പ​ടി​ക്കു​ക​യാ​ണ്. ക​ഴി​ഞ്ഞ ദി​വ​സം എ​ട​ക്കോ​ട് ഫോ​റ​സ്റ്റ് സ്റ്റേ​ഷ​നി​ലെ മ​ണ​ലൊ​ടി ജ​ന​വാ​സ കേ​ന്ദ്ര​ത്തി​ൽ ഇ​റ​ങ്ങി​യ കാ​ട്ടാ​ന​ക്കൂ​ട്ടം വ‍്യാ​പ​ക കൃ​ഷി​നാ​ശം വി​ത​ച്ചു. ഈ ​ആ​ന​ക്കൂ​ട്ടം ഉ​ൾ​ക്കാ​ട് ക​യ​റാ​തെ വ​നാ​തി​ർ​ത്തി​യോ​ട് ചേ​ർ​ന്ന സ്വ​കാ​ര‍്യ എ​സ്റ്റേ​റ്റി​ൽ ത​മ്പ​ടി​ച്ചി​രി​ക്കു​ക​യാ​ണ്.

എ​ട​ക്കോ​ട് റി​സ​ർ​വി​ൽ മൂ​ന്ന് തേ​ക്ക് പ്ലാ​ന്‍റേ​ഷ​നു​ക​ളാ​ണ് പു​തു​താ​യി സ്ഥാ​പി​ച്ചി​ട്ടു​ള്ള​ത്. നി​ല​വി​ലെ പ്ലാ​ന്‍റേ​ഷ​നി​ലെ മൂ​പ്പെ​ത്തി​യ തേ​ക്ക് മ​ര​ങ്ങ​ൾ മു​റി​ച്ചു മാ​റ്റി​യാ​ണ് പു​തി​യ പ്ലാ​ന്‍റേ​ഷ​നു​ക​ൾ സ്ഥാ​പി​ച്ചി​ട്ടു​ള്ള​ത്. ബീ​റ്റു​ക​ളാ​യു​ള്ള ഓ​രോ പ്ലാ​ന്‍റേ​ഷ​നു​ക​ളും 20 ഹെ​ക്ട​ർ വീ​തം ഉ​ണ്ട്. എ​ട​ക്കോ​ട് റി​സ​ർ​വി​ലെ 2022, 2023, 2024 തേ​ക്ക് പ്ലാ​ന്‍റേ​ഷ​നു​ക​ൾ 60 ഹെ​ക്ട​റോ​ളം വ​ന​ഭൂ​മി​യി​ലാ​ണ്. ഈ ​വ​ന​മേ​ഖ​ല മു​ഴു​വ​നാ​യും വ​നം​വ​കു​പ്പി​ന്‍റെ സോ​ളാ​ർ വേ​ലി​ക്കു​ള്ളി​ലാ​ണ്.

മൂ​ന്ന് മു​ത​ൽ അ​ഞ്ച് വ​ർ​ഷം​വ​രെ പ്ലാ​ന്‍റേ​ഷ​നു​ക​ൾ സം​ര​ക്ഷി​ക്കേ​ണ്ട​തു​ണ്ട്. ഇ​ളം തേ​ക്ക് തൈ​ക​ളു​ടെ തൊ​ലി കാ​ട്ടാ​ന​ക​ളു​ടെ ഇ​ഷ്ട​വി​ഭ​വ​മാ​ണ്. തൈ​ക​ൾ ന​ശി​പ്പി​ക്കു​മെ​ന്ന​തി​നാ​ൽ പ്ലാ​ന്‍റേ​ഷ​ന​ക​ത്തു​നി​ന്ന് കാ​ട്ടാ​ന​ക​ളെ പു​റ​ത്താ​ക്കി​യാ​ണ് വ​നം വ​കു​പ്പ് വേ​ലി സ്ഥാ​പി​ച്ച​ത്. പ്ലാ​ന്‍റേ​ഷ​ന് പു​റ​ത്താ​ണ് ആ​ന​ക്കൂ​ട്ടം. ഉ​ൾ​ക്കാ​ട് ക‍യ​റാ​ൻ ആ​ന​ക്കൂ​ട്ട​ത്തി​നാ​കു​ന്നി​ല്ല. തീ​റ്റ​തേ​ടി നാ​ട്ടി​ലി​റ​ങ്ങു​ക​യാ​ണ്. ക​രു​ളാ​യി റെ​യ്ഞ്ചി​ലും എ​ട​വ​ണ്ണ റെ​യ്ഞ്ചി​ലു​മാ​ണ് പു​തി​യ തേ​ക്ക് പ്ലാ​ന്‍റേ​ഷ​നു​ക​ൾ സ്ഥാ​പി​ച്ചി​ട്ടു​ള്ള​ത്. സ്വ​ഭാ​വി​ക വ​ന​ത്തി​ന​ക​ത്തു​ള്ള പ്ലാ​ന്‍റേ​ഷ​നു​ക​ൾ​ക്ക് ചു​റ്റും വേ​ലി സ്ഥാ​പി​ച്ച് സം​ര​ക്ഷ​ണം ഒ​രു​ക്കു​ന്ന വ​നം വ​കു​പ്പ് വ​നാ​തി​ർ​ത്തി​ക​ളി​ൽ മു​ഴു​വ​നാ​യി വേ​ലി സ്ഥാ​പി​ക്കു​ന്നി​ല്ലെ​ന്ന ആ​ക്ഷേ​പ​മു​ണ്ട്.

സോ​ളാ​ർ വേ​ലി​യെ​ക്കാ​ൾ പ്ര​യോ​ജ​ന​പ്ര​ദം തൂ​ക്ക് ഫെ​ൻ​സി​ങ് ആ​ണെ​ന്ന് തെ​ളി​ഞ്ഞി​ട്ടു​ണ്ട്. തൂ​ക്ക് ഫെ​ൻ​സി​ങി​നാ​ണ് പ​ണ​ചെ​ല​വും കൂ​ടു​ത​ൽ. ഫ​ണ്ട് ല​ഭ്യ​ത അ​നു​സ​രി​ച്ചാ​ണി​ത് സ്ഥാ​പി​ക്കു​ന്ന​ത് എ​ന്ന​തി​നാ​ൽ ത​ന്നെ പ​ല​പ്പോ​ഴും അ​ശാ​സ്ത്രീ​യ​മാ​യാ​ണ് സ്ഥാ​പി​ക്കു​ന്ന​തും. ഒ​രു വ​നാ​തി​ർ​ത്തി​യി​ൽ മു​ഴു​വ​ൻ ഭാ​ഗ​ങ്ങ​ളി​ലും വേ​ലി സ്ഥാ​പി​ക്കു​ന്നി​ല്ല. ഇ​തു​മൂ​ലം വേ​ലി ഇ​ല്ലാ​ത്തി​ട​ങ്ങ​ളി​ലൂ​ടെ കാ​ട്ടാ​ന​ക്കൂ​ട്ടം കൃ​ഷി​യി​ട​ത്തി​ലേ​ക്കി​റ​ങ്ങു​ന്നു. ക​ർ​ഷ​ക​രെ​ത്തി ബ​ഹ​ളം വെ​ക്കു​മ്പോ​ൾ ചി​ത​റി ഓ​ടു​ന്ന കാ​ട്ടാ​ന​ക​ൾ​ക്ക് വേ​ലി​യു​ള്ള മ​റ്റി​ട​ങ്ങ​ളി​ലൂ​ടെ കാ​ട്ടി​ലേ​ക്ക് തി​രി​കെ പോ​വാ​ൻ ക​ഴി​യാ​തെ വ​രു​ന്നു.