എഴുന്നള്ളത്തിന് കൊണ്ടുവന്ന ആന ഇടഞ്ഞു; മതിലും സ്കൂട്ടറും തകർത്തു

നി​ല​മ്പൂ​ർ: നി​ല​മ്പൂ​ർ മാ​രി​യ​മ്മ​ൻ ദേ​വി ക്ഷേ​ത്ര​ത്തി​ൽ ഉ​ത്സ​വ​ത്തി​ന് കൊ​ണ്ടു​വ​ന്ന ആ​ന ഇ​ട​ഞ്ഞു. ബ്ര​മ​ണി വീ​ട്ടി​ൽ ഗോ​വി​ന്ദ​ൻ കു​ട്ടി​യെ​ന്ന ആ​ന​യാ​ണ് ഇ​ട​ഞ്ഞ​ത്. ശ​നി​യാ​ഴ്ച വൈ​കീ​ട്ട് മൂ​ന്ന​ര​യോ​ടെ​യാ​ണ് സം​ഭ​വം. എ​ഴു​ന്ന​ള്ളി​പ്പി​ന് കൊ​ണ്ടു​വ​ന്ന ആ​ന​യെ ന​ഗ​ര​മ​ധ്യ​ത്തി​ൽ ല​ക്ഷ്മി​ഗാ​ർ​ഡ​ന് സ​മീ​പം കേ​ശ​വ​ദാ​സ് എ​ന്ന​യാ​ളു​ടെ പ​റ​മ്പി​ലെ മ​ര​ത്തി​ലാ​ണ് കെ​ട്ടി​യി​രു​ന്ന​ത്. എ​ഴു​ന്ന​ള്ള​ത്തി​ന് ഒ​രു​ക്കാ​ൻ പാ​പ്പാ​ൻ​മാ​ർ എ​ത്തി​യ​പ്പോ​ൾ ക​യ​ർ പൊ​ട്ടി​ച്ച് പാ​പ്പാ​ൻ​മാ​ർ​ക്കു നേ​രെ പാ​ഞ്ഞ​ടു​ത്തു.

ഇ​വ​ർ ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. വ​ള​പ്പി​ന്‍റെ മ​തി​ൽ ത​ക​ർ​ത്ത് ല​ക്ഷ്മി​ഗാ​ർ​ഡ​ൻ​സ് റോ​ഡി​ലി​റ​ങ്ങി​യ ആ​ന സ​മീ​പ​ത്തെ വീ​ടി​ന്‍റെ ഗേ​റ്റ് ത​ക​ർ​ത്തു. റോ​ഡി​ലൂ​ടെ സ്കൂ​ട്ട​റി​ൽ വ​രു​ക​യാ​യി​രു​ന്ന കോ​ലോ​ത്തു​മു​റി​യി​ലെ ജി​തേ​ഷ് ആ​ന​യെ ക​ണ്ട​തോ​ടെ സ്കൂ​ട്ട​ർ ഉ​പേ​ക്ഷി​ച്ച് ഓ​ടി​ര​ക്ഷ​പ്പെ​ട്ടു. ക​ലി​പൂ​ണ്ട ആ​ന സ്കൂ​ട്ട​ർ ച​വി​ട്ടി​യും എ​ടു​ത്തെ​റി​ഞ്ഞും ത​ക​ർ​ത്തു. 200 മീ​റ്റ​റോ​ളം ആ​ന ക​ള​ത്തി​ൻ​ക​ട​വ് റോ​ഡി​ലൂ​ടെ പ​രാ​ക്ര​മം കാ​ണി​ച്ചു. പ​രി​ഭ്രാ​ന്തി​യി​ലാ​യ ആ​ളു​ക​ൾ ചി​ത​റി​യോ​ടി. ക്ലി​നി​ക്കു​ക​ൾ ധാ​രാ​ള​മു​ള്ള ആ​ൾ​ത്തി​ര​ക്കു​ള്ള നി​ര​ത്താ​ണി​ത്. പ​രി​ശോ​ധ​ന​ക്കെ​ത്തി​യ രോ​ഗി​ക​ളും മ​റ്റും കെ​ട്ടി​ട​ങ്ങ​ൾ​ക്കു മു​ക​ളി​ലേ​ക്ക് ക​യ​റി​യാ​ണ് ര​ക്ഷ​പ്പെ​ട്ട​ത്.

വി​വ​ര​മ​റി​ഞ്ഞ ഉ​ട​ൻ നി​ല​മ്പൂ​ർ ഇ​ൻ​സ്പെ​ക്ട​ർ സു​നി​ൽ പു​ളി​ക്ക​ലി​ന്‍റെ നേ​തൃ​ത്വ​ത്തി​ൽ പൊ​ലീ​സും വ​ന​പാ​ല​ക​രും റാ​പ്പി​ഡ് റെ​സ്പോ​ൺ​സ് ടീ​മും ക്ഷേ​ത്രം ഭാ​ര​വാ​ഹി​ക​ളും നാ​ട്ടു​കാ​രും സ​ന്ന​ദ്ധ​പ്ര​വ​ർ​ത്ത​ക​രും സ്ഥ​ല​ത്തെ​ത്തി. റോ​ഡി​ൽ നി​ന്നും ആ​ളു​ക​ളെ മാ​റ്റു​ക​യും മു​ന്ന​റി​യി​പ്പ് ന​ൽ​കു​ക​യും ചെ​യ്തു. നാ​ല​ര​യോ​ടെ പാ​പ്പാ​ൻ​മാ​ർ ഏ​റെ പ​രി​ശ്ര​മി​ച്ച് ആ​ന​യെ സ്വ​കാ​ര‍്യ പ​റ​മ്പി​ലെ മ​ര​ത്തി​ൽ നീ​ണ്ട ക​യ​റി​ൽ കെ​ട്ടി. അ​ൽ​പ​നേ​ര​ത്തി​നു ശേ​ഷം ക​യ​ർ​പൊ​ട്ടി​ച്ച ആ​ന വീ​ണ്ടും പ​രി​ഭ്രാ​ന്തി പ​ര​ത്തി. തു​ട​ർ​ന്ന് പാ​പ്പാ​ൻ​മാ​രും പൊ​ലീ​സും ആ​ർ.​ആ​ർ.​ടി​യും ചേ​ർ​ന്ന് ആ​ന റോ​ഡി​ലേ​ക്കി​റ​ങ്ങാ​തി​രി​ക്കാ​ൻ നീ​ള​മു​ള്ള ക​യ​റി​ൽ മ​ര​ത്തി​ൽ ചു​റ്റി ത​ട​ഞ്ഞു​നി​ർ​ത്തി. തു​ട​ർ​ന്ന് വി​റ​ളി​യെ​ടു​ത്ത് പ​റ​മ്പി​ലൂ​ടെ പ​രാ​ക്ര​മം കാ​ണി​ച്ചു. 5.45ഓ​ടെ കു​ന്നം​കു​ള​ത്ത് നി​ന്നും എ​ലി​ഫ​ന്‍റ് സ്ക്വാ​ഡെ​ത്തി പാ​പ്പാ​ൻ​മാ​രു​ടെ സ​ഹാ​യ​ത്തോ​ടെ 6.15ഓ​ടെ ച​ങ്ങ​ല​യി​ൽ ത​ള​ച്ച് മ​ര​ത്തി​ൽ കെ​ട്ടി. ശാ​ന്ത​നാ​യ​തോ​ടെ 7.30ന് ​ലോ​റി​യി​ൽ ക​യ​റ്റി കൊ​ണ്ടു​പോ​യി. നാ​ലു​മ​ണി​ക്കൂ​ർ നേ​ര​മാ​ണ് നി​ല​മ്പൂ​ർ ന​ഗ​ര​ത്തെ ഭീ​തി​യി​ലാ​ഴ്ത്തി​യ​ത്. ഭാ​ഗ‍്യം​കൊ​ണ്ടാ​ണ് ജീ​വാ​പാ​യ​മി​ല്ലാ​തെ ആ​ളു​ക​ൾ ര​ക്ഷ​പ്പെ​ട്ട​ത്. ശാ​ന്ത​സ്വ​ഭാ​വ​ക്കാ​ര​നാ​യ ആ​ന ഇ​തു​വ​രെ പ​രാ​ക്ര​മം കാ​ണി​ക്കു​ക​യോ ഇ​ട​യു​ക​യോ ചെ​യ്തി​ട്ടി​ല്ലെ​ന്ന് പാ​പ്പാ​ൻ​മാ​രും പ​റ​യു​ന്നു.