ഒരു പഞ്ചായത്തിൽ ഒരു കളിസ്ഥലം: സ്പോർട്സ് കൗൺസിൽ പരിശോധനക്ക് തുടക്കം

മ​ല​പ്പു​റം: ‘ഒ​രു പ​ഞ്ചാ​യ​ത്തി​ൽ ഒ​രു ക​ളി​സ്ഥ​ലം’ പ​ദ്ധ​തി​യു​ടെ ഭാ​ഗ​മാ​യി ജി​ല്ല​യി​ൽ സ്പോ​ർ​ട്സ് കൗ​ൺ​സി​ലി​ന്റെ ഫീ​ൽ​ഡ്ത​ല പ​രി​ശോ​ധ​ന​ക്ക് തു​ട​ക്കം. ആ​ന​ക്ക​യം, അ​രി​മ്പ്ര, എ​ട​വ​ണ്ണ, തു​വ്വൂ​ർ എ​ന്നി​വി​ട​ങ്ങ​ളി​ൽ ഗ്രാ​മ​പ​ഞ്ചാ​യ​ത്തു​ക​ളു​ടെ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ൽ ജി​ല്ല സ്പോ​ർ​ട്സ് കൗ​ൺ​സി​ലി​ന്‍റെ പ്ര​ത്യേ​ക സം​ഘം പ​രി​ശോ​ധ​ന ന​ട​ത്തി. ത​ദ്ദേ​ശ സ്ഥാ​പ​ന​ങ്ങ​ൾ ക​ണ്ടെ​ത്തി​യ സ്ഥ​ല​ങ്ങ​ൾ മൈ​താ​ന​ങ്ങ​ൾ നി​ർ​മി​ക്കാ​ൻ പ​ര്യാ​പ്ത​മാ​ണോ, ആ​ണെ​ങ്കി​ൽ ഏ​തെ​ല്ലാം ഗെ​യി​മു​ക​ൾ​ക്കാ​യി സ്ഥ​ലം വി​നി​യോ​ഗി​ക്കാം തു​ട​ങ്ങി​യ കാ​ര്യ​ങ്ങ​ളാ​ണ് സം​ഘം പ​രി​ശോ​ധി​ക്കു​ന്ന​ത്. പ​രി​ശോ​ധ​ന പൂ​ർ​ത്തി​യാ​ക്കി ഒ​രാ​ഴ്ച​ക്ക​കം ജി​ല്ല സ്പോ​ർ​ട്സ് കൗ​ൺ​സി​ൽ ബ​ന്ധ​പ്പെ​ട്ട ത​ദ്ദേ​ശ സ്ഥാ​പ​ന​ങ്ങ​ൾ​ക്ക് പ​ദ്ധ​തി സം​ബ​ന്ധി​ച്ച റി​പ്പോ​ർ​ട്ട് സ​മ​ർ​പ്പി​ക്കും.

കൂ​ടു​ത​ൽ ത​ദ്ദേ​ശ​സ്ഥാ​പ​ന​ങ്ങ​ൾ പ​ദ്ധ​തി​ക്ക് സ​ന്ന​ദ്ധ​ത അ​റി​യി​ച്ച് മു​ന്നോ​ട്ടു വ​ന്നി​ട്ടു​ണ്ട്. എ​ല്ലാ​വ​ർ​ക്കും ആ​രോ​ഗ്യം, ശാ​രീ​രി​ക ക്ഷ​മ​ത, സ​ന്തോ​ഷം എ​ന്ന ല‍ക്ഷ്യ​ത്തോ​ടെ​യാ​ണ് കാ​യി​ക വ​കു​പ്പ് പ​ദ്ധ​തി ന​ട​പ്പാ​ക്കു​ന്ന​ത്.ത​ദ്ദേ​ശ സ്ഥാ​പ​ന​ങ്ങ​ളു​ടെ ത​ന​ത് ഫ​ണ്ട്, എം.​എ​ൽ.​എ​മാ​രു​ടെ ആ​സ്തി വി​ക​സ​ന ഫ​ണ്ട്, സം​സ്ഥാ​ന പ്ലാ​ൻ ഫ​ണ്ട്, കോ​ർ​പ​റേ​റ്റ് സ്ഥാ​പ​ന​ങ്ങ​ളു​ടെ സി.​എ​സ്.​ആ​ർ ഫ​ണ്ട് എ​ന്നി​വ വി​നി​യോ​ഗി​ച്ചാ​ണ് പ​ദ്ധ​തി ന​ട​പ്പാ​ക്കു​ന്ന​ത്.

2023 ജ​നു​വ​രി​യി​ലെ കാ​യി​ക വ​കു​പ്പി​ന്‍റെ ഉ​ത്ത​ര​വ് പ്ര​കാ​രം പ​ദ്ധ​തി​യി​ൽ സം​സ്ഥാ​ന​ത്ത് 113 ക​ളി​സ്ഥ​ല​ങ്ങ​ൾ ഉ​ൾ​പ്പെ​ടു​ത്തി​യി​ട്ടു​ണ്ട്. പ​ട്ടി​ക​യി​ൽ ജി​ല്ല​യി​ൽ​നി​ന്ന് താ​നൂ​ർ ഒ​ഴി​കെ 15 നി​യ​മ​സ​ഭ മ​ണ്ഡ​ല​ങ്ങ​ളി​ൽ​നി​ന്ന് ഓ​രോ പ​ദ്ധ​തി​ക​ൾ ഇ​ടം​പി​ടി​ച്ചു.കൊ​ണ്ടോ​ട്ടി​യി​ൽ മു​തു​വ​ല്ലൂ​ർ മു​ണ്ട​ക്കു​ളം സ്റ്റേ​ഡി​യം, പെ​രി​ന്ത​ൽ​മ​ണ്ണ​യി​ൽ താ​ഴെ​ക്കോ​ട് അ​രി​ങ്ങ​പ​റ​മ്പ് ജി.​എ​ൽ.​പി, കോ​ട്ട​ക്ക​ലി​ൽ ഇ​രി​മ്പി​ളി​യം പ​ഞ്ചാ​യ​ത്ത് സ്റ്റേ​ഡി​യം, മ​ങ്ക​ട​യി​ൽ കോ​ഴി​ക്കോ​ട്ടു​പ​റ​മ്പ് മി​നി സ്റ്റേ​ഡി​യം, വ​ള്ളി​ക്കു​ന്നി​ൽ പെ​രു​വ​ള്ളൂ​ർ ഹ​യ​ർ​സെ​ക്ക​ൻ​ഡ​റി സ്കൂ​ൾ മൈ​താ​നം,

നി​ല​മ്പൂ​രി​ൽ വ​ഴി​ക്ക​ട​വ് പാ​ലാ​ട് പ​ഞ്ചാ​യ​ത്ത് മൈ​താ​നം, വ​ണ്ടൂ​രി​ൽ ചോ​ക്കാ​ട് പ​ഞ്ചാ​യ​ത്ത് മൈ​താ​നം, മ​ഞ്ചേ​രി​യി​ൽ എ​ട​പ്പ​റ്റ, വേ​ങ്ങ​ര​യി​ൽ എ.​ആ​ർ ന​ഗ​ർ ചെ​ണ്ട​പ്പു​റാ​യ, തി​രൂ​ര​ങ്ങാ​ടി​യി​ൽ ന​ന്ന​മ്പ്ര കൊ​ടി​ഞ്ഞി മൈ​താ​നം, ത​വ​നൂ​രി​ൽ പു​റ​ത്തൂ​ർ പ​ടി​ഞ്ഞാ​റെ​ക്ക​ര ഗ​വ. യു.​പി സ്കൂ​ൾ, പൊ​ന്നാ​നി​യി​ൽ കോ​ക്കൂ​ർ ടെ​ക്നി​ക്ക​ൽ ഹൈ​സ്കൂ​ൾ, ഏ​റ​നാ​ട്ട് കീ​ഴു​പ​റ​മ്പ് ജി.​എ​ച്ച്.​എ​സ്.​എ​സ്, മ​ല​പ്പു​റ​ത്ത് ഇ​രു​മ്പു​ഴി എ​ച്ച്.​എ​സ്.​എ​സ് മൈ​താ​നം, തി​രൂ​രി​ൽ വെ​ട്ടം പ​ഞ്ചാ​യ​ത്ത് മൈ​താ​നം എ​ന്നി​വ​യാ​ണ് പ​ട്ടി​ക​യി​ൽ ഇ​ടം​പി​ടി​ച്ച​ത്.