കടലിൽ ഒഴുക്കിൽപ്പെട്ട വിദ്യാർഥിയെ മത്സ്യത്തൊഴിലാളികൾ രക്ഷപ്പെടുത്തി

പരപ്പനങ്ങാടി: സംസ്ഥാന ജൂനിയർ ഫുട്ബാൾ താരം കടലിൽ കൂട്ടുകാരോടൊപ്പം കുളിക്കുന്നതിനിടെ ഒഴുക്കിൽപ്പെട്ടു. കടൽ ഭിത്തിയിലിരിക്കുകയായിരുന്ന പരപ്പനങ്ങാടി കടപ്പുറത്തെ മത്സ്യത്തൊഴിലാളികളാണ് മരണക്കയത്തിൽനിന്ന് വിദ്യാർഥിയെ രക്ഷപ്പെടുത്തിയത്.

മണ്ണട്ടമ്പാറക്കടുത്ത കറുത്തേടത്ത് വീട്ടിൽ ഹാജർ- നിസാർ ദമ്പതികളുടെ മകനും സംസ്ഥാന ജൂനിയർ ഫുട്ബാൾ താരവുമായ മുഹമ്മദ് റിഷാനാണ് (14) അപകടത്തിൽ പെട്ടത്. ശ്വാസനാളത്തിൽ ചളി നിറഞ്ഞ നിലയിൽ കോഴിക്കോട് മെഡിക്കൽ കോളജ് തീവ്രപരിചരണ വിഭാഗത്തിൽ പ്രവേശിപ്പിച്ച വിദ്യാർഥി അപകടനില തരണംചെയ്തു വരുന്നതായി കുടുംബം അറിയിച്ചു.