പരപ്പനങ്ങാടിയിൽ നാലുവാഹനങ്ങള്‍ കൂട്ടിയിടിച്ച് മൂന്ന് പേര്‍ക്ക് പരിക്ക്

പരപ്പനങ്ങാടി: പരപ്പനങ്ങാടി ചിറമംഗലം കുരിക്കള്‍ റോഡില്‍ വാഹനങ്ങൾ ഒന്നിനുപിറകെ ഒന്നായി കൂട്ടിയിടിച്ച് മൂന്നുപേർക്ക് പരിക്കേറ്റു. ഓട്ടോറിക്ഷയും ബൈക്കുമാണ് ആദ്യം കൂട്ടിയിടിച്ചത്. ഓട്ടോ മറ്റൊരു ബൈക്കിന്‍റെ മുകളിലേക്ക് മറിയുകയായിരുന്നു. ഇതേ സമയത്ത് തന്നെ പിറകില്‍ വന്ന ഒരു പിക്ക് അപ് വാന്‍ നിയന്ത്രണം വിട്ട് ഈ ബൈക്കിലിടിച്ചു.

പരിക്കേറ്റ ഓട്ടോ ഡ്രൈവര്‍ ഷഫീഖിനേയും ബൈക്ക് യാത്രക്കാരനായ ബാലനെയും സ്‌കൂട്ടര്‍ യാത്രക്കാരനേയും അടുത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.