തല പാത്രത്തിൽ കുടുങ്ങി; ബാലനെ ഫയർഫോഴ്സ് രക്ഷിച്ചു

പരപ്പനങ്ങാടി: പാത്രം തലയിൽ കുടുങ്ങിയ പിഞ്ചുബാലന് രക്ഷകരായി ഫയർഫോഴ്സ്. പുത്തൻപീടിക അങ്കണവാടിക്കു സമീപത്തെ കുന്നത്ത് പ്രമോദിന്‍റെ മകൻ ആദിൽദേവിന്‍റെ തലയാമ് അലൂമിനിയം പാത്രത്തിൽ കുടുങ്ങിയത്. എത്ര ശ്രമിച്ചിട്ടും തലയിൽനിന്ന് പാത്രം ഊരാൻ കഴിയാതെ വന്നതോടെയാണ് വീട്ടുകാർ അഗ്നിരക്ഷാസേനയെ വിവരമറിയിച്ചത്. സ്ഥലത്തെത്തിയ സേനാംഗങ്ങൾ ഷീറ്റ് കട്ടർ ഉപയോഗിച്ച് നിമിഷങ്ങൾക്കകം പാത്രംമുറിച്ച് മാറ്റി.